20170228

භික්ඛු ධම්ම ජාත හිමිගේ මිහිරි තර්ජනයක්, Facebook මගින්


ඔබ සමන්ත හිමිගේ අග්‍ර ශ්‍රාවකයාය.
බියෙන් පළාගිය මහ කළු සිංහලයා
සමන්ත හිමි වෙනුවෙන්
පිළියන්දල නාලාගිරි ජනතාවට
තනිවම නොබියව මුහුණ දුන්
ආශ්‍රමවාසී වීරයාය.

අපි ඔබට බිය විය යුතුවෙමු.
බියවන්නේ පුහුදුන් අප වැන්නෝය.
රහතුන් බිය නැත.
ඔබට අනුව
ඔබට නැති වෙන්න දෙයක් නෑ.
ගලක් නොවෙයි
උල්කාපාතයකින් කෑල්ලක් වැටුණත්
ඔබට දෙකම එකයි.
ඔබට සාපේක්ෂක නෑ.
ඔබ ඉන්නෙ මධ්‍යයෙ නැවතිලා.
ඔබේ හිත ශූන්‍යයි.

ඔබට අනුව
ඔබ සසල නොවෙන ඇතුළාන්තයක් ඇති කෙනෙක්.

පහත දැක්වෙන ප්‍රකාශය
ඇතුළත නිසසල කෙනෙකුගෙ ප්‍රකාශයක්ද?

[[[ " ඔබ සිටින තැන සොයා මා නුදුරේදීම ඔබ හමුවීමට පැමිණ
ඖෂධ වට්ටෝරුවක් ලබාදෙමි.
ඒ සඳහා අවශ්‍ය සියලු කටයුතු මා මේවන විටත් සුදානම් කර ඇත" ]]]


ඔබ මේ තෝරාගත් වචනවලින් කියන්නේ
"බලාගෙන ඉඳපං..
මම දෙන්නම් තොට බේත්.."
ඊටත් වඩා පැහැදිළි කළහොත්
"මම තොට ගෙදරට ඇවිල්ලා
ගහල යනව යකෝ" කියන
ද්වේශ භරිත වචන නොවේද? :)

ඔබ මට කරන්නේ තර්ජනයක් බව
මිහිරි වදන් තුළ සඟවන නමුත්
දක්ෂ නීතිඥයෙකුගේ හරස් ප්‍රශ්න මගින්
තර්ජනය උසාවියක ඔප්පු කළ හැකියි.

මම නීති ගරුකයි.
මත පළ කිරීම මානව හිමිකමක්.

සමන්ත හිමිටත්, ඔබටත්,
මටත් ඒ අයිතිය තියනවා.
ඔබේ අදහස කුමක් වුවත්
ඒ අදහසට ගරු කරන නිසයි
මේ පිළිතුර ලියන්නේ.

ඔබ මේ කරන්නේ සාපරාධී ක්‍රියාවක් ලෙස
උසාවියක ඔප්පු කළ හැකි තර්ජනයක්.
මම ඔබට නඩු දමන්නේ නැහැ.

ඔබට දරාගත නොහැකි ද්වේශය නිසා
ඔබ මා තුළට ද්වේශාරෝපනය කොට
මා බිය කරන්නට උත්සාහ කරනවා.

ඇත්තටම මට බය හිතෙනවා.
ඔබ වැනි ජවසම්පන්න තරුණයෙක්
පහසුවෙන් කුපිත වෙන
කුපිත වුණාම පාලනයක් නැති
නොදැමුණු තරුණයෙක්....
කොතරම් නිවුණු වදනින් කළත්
ඔබේ ඒ තර්ජනයට
එක මොහොතකට බය හිතෙනවා.
නිමේශයකට බය හිතෙනවා.
පුහුදුන් කෙනෙකු විදියට
මටත් බය හිතෙනවා.

ඒ බිය ස්වාභාවිකයි.

පුහුදුන් මටත්, පුහුදුන් ඔබටත්,
පුහුදුන් සමන්ත හිමිටත් බිය පොදුයි.
ඔහු පිළියන්දල නොආවේ ඒ බිය නිසයි.
ඒ සත්‍යය සඟවන්න බැහැ.
බිය වෙන්නට කිසිම හේතුවක් නැති බව
ඔබ විසින් ඔප්පු කළා.

ඔබ ඔහුට වඩා නිර්භීතයි.
ඔහු බියගුල්ලෙක්.
ඔහු වෙනුවෙන් ඔබ ඉදිරියට ආවා.
ඔහු ඔබ පාවා දී, ඔබ බිල්ලට දී
ආශ්‍රමයේ සැඟවුණා.

VFM සංවාදයේදී
"කියතක් ගෙනත් මගේ අත කපන්නැ"යි
ඔහු මට කළ අභියෝගය ඔහු කළේ
මා පිළිබඳව වූ විශ්වාසයෙන්.
එදා ඔහු පෙන්වූ ශක්තිය
බොනිකර තරුවක් බව ලොව දකින්නේ
පිළියන්දලට එන්න ඔහු බිය වීමෙන්.

සායිබාබා සොයාගෙන මැරයෙක් පැමිණි විට
ඔහු බියෙන් දුවගොස් ගරාජයේ සැඟවුණා.

භීතියෙන් පීඩිත අසරණ සමන්ත හිමි
 ඒ රාත්‍රියේ විශාල දුකක් සිතින් කයින් විඳින්නට ඇති.
භීතියෙන් මෝහයට මාරු වෙන්නට
විශාල කාලයක් ගතවෙන්න ඇති.

වායු සමීකරණය කළ
ආරක්ෂිත ආගාරයකට විනා
ජීවිතයේ සැබෑ ප්‍රශ්න ඉදිරියේ
ඔහුගෙ දහමෙන් ඔහුටවත් ප්‍රයෝජනයක් නැති බව
පිළියන්දල ජනතාව ඔහුට මෙන්ම
ඔබ අතර සිටින
ප්‍රඥාව කළඳක් හෝ ඇත්තන්ට
වටහාගන්නට පුලුවන්.

" අතීතය ගැන නොසිතන්න
අනාගතය ගැන නොසිතන්න
වර්තමානයෙහි ඉන්න. "

දහම අමතක වුණා.
ඔහු අනාගතයට බිය වුණා.
අතීතයේ රැස්කළ දේ
නැති වෙයැයි බිය වුණා.
වර්තමානය ගිනි ඇවුළුණා.

එකිනෙකට සාපේක්ෂ
අනාගත විකල්ප දෙකක් තිබුණා.
ආශ්‍රමයද? පිළියන්දලද?
පිළියන්දලද? ආශ්‍රමයද?

සාපේක්ෂව බලන විට
හිතේ බිය නැතිවෙන සාපේක්ෂකය
ආශ්‍රමය තෝරාගත්තා.

කළ යුතු දේ නොකර
ආශ්‍රමයට ගොස් බියෙන් සැඟවුණා.

ඒ දහමේ නිස්සාර බව
දැන් ඔබට වැටහෙනවා.
ඔහු බිය වූ බව හෙළිවීමෙන්
ඔබ කුපිත වන්නේ ඒ නිසයි.

ඔබ සියල්ලෝම යපෙන්නේ
ඔහුගේ ස්වර්ණමය පිළිරුව නිසා
ආශ්‍රමය ලබන ආදායමෙන්.

ඒ ස්වර්ණමය පිළිරුව
සරුවපිත්තල බව හෙළි වෙන
පැහැදිලි හෝරාව එළඹුණා.
මා හා කළ සංවාදයේ වීඩියෝව
ඔබ විසින් ඉවත් කරගත්තෙ
ඔහුගෙ හැසිරීමෙන් ඒ බව
හෙළිවුණ නිසයි.

මෝහය වඩමින්, මාන්නය වඩමින්,
රාගය වඩමින් සිටින් පුහුදුන් පිරිසක්
ද්වේශයට ගොදුරුවී ගත කරන
අඳුරු දුක්බර දින කිහිපයක් මේ.

ඔහු ඔබට ඉගැන්වූ චිත්තානුපස්සනාවෙන්
ඔහුටවත්, ඔබටවත් දැන් පිහිටක් නෑ.

මේ ඔහු උගන්වන විපස්සනාවයි.
 ------------------------------------
මං ඕගොල්ලන්ට කියන්නම්
සෝතාපන්න වෙන්න තියන කෙටි ක්‍රමයක්.
වර්තමානයේ පැවතීමමයි.
වර්තමානය තියනකොට කිසි දුකක් නෑ.
ඒ දුක නැතිව පැවැත්තුවාම
ඒ දුක නැතිකමම තමයි
එයාගෙ විපස්සනාව.
සිහියෙන් පැවතීම.
එතකොට එයා වර්තමානයට ආවාම
වර්තමානයට ආපු ඕනම කෙනෙක්
සිහියෙන් ඉන්නෙ කුමක් පිළිබඳවද?
මොහොත පිළිබඳව.
මොහොත පිළිබඳව කියන්නෙ සිත පිළිබඳව.
සිත පිළිබඳව සිහියෙන් හිඳීම කුමක්ද?
චිත්තානුපස්සනා.
ඉතිං හරිනේ එහෙනම්..
එහෙනම් ඔය මොකක්වත් බහුබූත ඕන නෑනේ.
-------------------------------------
බියෙන් ලජ්ජාවෙන් කෝපයෙන් ද්වේශයෙන්
ඔබේ සියොළඟම ගිනිගෙන දැවෙන මේ වෙලාවෙ
ඔහු කියන ව්‍යාජ චිත්තානුපස්සනාවෙන්
ඔබට ඇති ඵලය කුමක්ද?

ඔහුගේ දහම ප්‍රායෝගික නොවන බව
ඔබ පිළියන්දල වේදිකාව මත ගතකළ
විනාඩි කිහිපය තුළ පසක් නොකළෙහිද?
ඔහු කියන ව්‍යාජ චිත්තානුපස්සනාවෙන්
කැළඹුණු සිත ජයගන්න බැහැ.
ඒ අවස්ථාවෙහි ඔබ අනුපස්සනා කළ යුත්තේ
කැළඹී ඇති සිත නොවෙයි.

"අග්නිවෙස්සන, කාය භාවනා නැති ඔබට
මොන චිත්ත භවනාද?"
බුදුන් වහන්සේ සච්චකට කිව්වා.

ඔබ ඒ මොහොතෙහි වැඩිය යුතු වූයේ
කාය හා වේදනා අනුපස්සනායි.

"අඩෝ, දැනගනින්..
මම උඹට ගහල යන්නෙ
තොගේ ගෙදරට ඇවිත්" කියන තර්ජනය
ඔබ කොතරම් මිහිරි වදන් වලින්
මගේ සිතේ ආලේපනය කළත්
මටත් බය හිතෙනවා. :)
ඔබේ තර්ජනයෙ තියන ද්වේශයෙන්
මගේ හිත සසල වෙනවා...
එක මොහොතකට.

මගේ හිත සසල වෙන්නෙ
කයෙහි ඇතිවෙන වේදනාවලට
සමානුපාතිකවයි.
ඔබ කියන වචන අල්ලාගෙන
ඔබ පිරිසක් සමග පැමිණෙන ආකාරය,
ඔවුන් මා ගෙදරින් එළියට ගෙන
මට පහර දෙන ආකාරය ආදී
ප්‍රපඤ්චවලට මම යන්නෙ නෑ.
තණ්හා පමණයි. උපාදාන නෑ.
නිමිත්ත පමණයි, අනුව්‍යංජන නෑ.

සමන්ත හිමිටත්, භික්කු දම්මජාතටත්
මටත් පුහුදුන් අය විදියට බය හිතෙනවා.
ඔබ වඩන මෝහයෙන් එවැනි බයක් ජයගන්නට බෑ.
සමන්ත හිමිටවත් බැරි බව මට කියන්න පුලුවන්.

ලඩක්වල සීතලෙන් රෙදි පොරවාගෙන රැකුණාට
බිය නිසා ඇතිවෙන ද්වේශයෙන් රැකෙන්නට
ලොව කොහේවත් පොරෝනා නෑ.

ද්වේශයට බෙහෙත මෝහය නොවෙයි.

හැඳුනුම් පතක් දී ඇතුල් කළ
තෝරාගත් පිරිසකට
මහා උස අසුනක හිඳගෙන
සමච්චල් බස් යොදාගනිමින්
නිර්භීත ස්වරයකින් ආලෝලනය කොට
බියෙන් මිදෙන හැටි දේශනා කළත්
"අනේ ස්වාමීනි, මෙන්න පිරිසක් ඔබ එනතුරු
පිළියන්දළ බලා ඉන්නවා" කියා ඇසුණාම
මෝහය අතුරුදහන් වෙනවා.
මරණ බිය ඇති වෙනවා.
ඉවත් කළ සාපේක්ෂක දැල්වෙනවා.
"මරණයට සාපේක්ෂව ජීවිතය හොඳයි"
කියන අන්තය හිතෙන් අල්ල ගන්නවා.
මධ්‍ය කොහේද කියා අමතක වෙනවා.

දුක, බය, තරහ ආදී ආවේගවලට
සිත නතු වෙද්දී එයින් නොකැළඹී
තමන්ගෙ වචන ටික කියා ගන්නට
කරන දේ කරගෙන යන්නට
හැකිවෙන්න ආර්ය ශ්‍රාවකයෙකුට විතර්යි.

මෝඅහය තුළ සැඟවීමෙන්
රාග ද්වේශ ජය ගන්න බැරි බව
දැන්වත් ඔබ දන්නවා නම්
ආර්ය ශ්‍රාවකයා කවුද් කියා
අහගන්නට ඔබ සුදුසුයි.

දකින්නට දිවැස් තිබුණා නම්
මෝහයෙන් සඟවා වසා තිබුණ දුක
ඔබ ඔබේ කය තුළම දකින්නට
පිළියන්දල ජනතාව නිසා
ඔබට හැකි වෙන්නට ඇති.

මොකක්ද ඒ දුකෙන් මිදෙන මග?
ඒ මග ඉතාම සරලයි.
ඔබ මට දෙන්නට තැත්කළ දුක
මා නොවිඳින්නේ ඒ මගින්මයි.
එදා VFM සංවාදයේදීත්
මේ නොවිඳීමේ සුවය ගැන
මා කියා ඇති.

එදා සමන්ත හිමිත් තරංගත්
මා කුපිත කරන්නට වෑයම් කරද්දී
මා නොසැළී සිටියේ ඒ සරල ක්‍රමයටමයි.

මම ඒ ක්‍රමය ඔබට කියන්නම්.
ඔබේ බියට, තරහට, ද්වේශයට
සමානුපාතික සමගාමී වේදනා පෙළක්
කයේ උපදින ජෛව රසායනික නිසා
කය පුරා ඇති වෙනවා.
ඔබ මට පහර දෙන්නට හිතන විට
මේ රසායනික ක්‍රියාකාරිත්වය
තව තවත් වැඩි වෙනවා.

මිනිසා පමණක් නොවෙයි..
සතෙකු වුණත්
ද්වේශයෙන් දබරයට සැරසෙන විට හෝ
බියෙන් දුවන්නට සැරසෙන විට
මේ ජෛව රසායනික උපදිනවා.
ගව ගාණක් දුර සිටින ඔබ
මට විරුද්ධව උපදවන
ඒ ජෛව රසායනික පලක් නෑ.
ඔබේ කයත් හිතත්
දූෂ්‍ය වෙනවා පමණයි.

අනවශ්‍ය  ජෛව රසායනික වලින්
ඔබට හානියක් විනා ප්‍රයෝජනයක් නෑ.
ඒ ක්‍රියාවලිය හැකි තරම් කලින්
සිහියෙන් දැකලා ඒ වෙනසට උපේක්ෂාවෙන්
සම්මා සමාධියෙන් විසීම හැර
වෙනත් කළ හැකි යමක්
ඔබට වත් මටවත් නෑ.

මානසිකව කැළඹෙන වෙලාවට
ඒ සමගම ඔබ තුළ සිදුවෙන
කායික වෙනස දකින්න ඔබට හැකිද?

සබ්බේ ධම්මා වේදනා සමෝ සරණා.

ඒ දකින වෙනසට ප්‍රිය අප්‍රිය භාවයෙන් තොරව
වෙනසේ ස්වභාවයත්, වෙනස වෙනස් වෙන ස්වභාවයත්
"වේදනා මට්ටමෙන්" දකිනවා නම්
ඔබ විසින් භීතියට පත් කරන්නට වෑයම් කළ මා
මේ මොහොතේ විඳින නිවන ඔබටත් විඳින්න පුලුවන්.

ආර්ය ශ්‍රාවකයෙක් විදියට
මා බය දකින්නේ කායික වේදනා මට්ටමෙන්.
මසිතේ ඇතිවෙන දුක, තරහ, බිය ආදිය
මගේ කයෙහි ඇති වෙන වේදනා මට්ටමෙන්
ප්‍රිය අප්‍රිය භාවයෙන් තොරව දකින නිසා
ඔබලා තුළ මෙන් ද්වේශයෙන් සසල වීමක්
මා තුළ සිදු නොවෙයි..

මා සාපේක්ෂක නැති කරගන්නේ
සියල්ලම ගැන සිහියෙන් පසු වීමෙන්.
සම්පජානෝ සතියෙන්.

පිළියන්දල ජනතාව
සදහම් ආශ්‍රමයට කළ උපකාරය
සහතික කරන්නට මා ඔබට දුන් දහම
ආශ්‍රමයේ වැදගත් තැනක
බුදුන් වහන්සේගේම වචන වලින්
සෙල් ලිපියක කොටවා තබන්න.

අසු පිරූ තැන් නැති පුහුදුන් තෙමේ
දුක් වේදනාවෙන් පහස්නා ලද්දේ ම
ශෝක කෙරෙයි. ක්ලාන්ත වෙයි. වැලපෙයි.
ළෙහි පැහැර හඬයි. මුළාවට පැමිණෙයි.
හෙතෙමේ
1, කායික වේදනාව ද
2, චෙතසික වේදනාව ද යන
වේදනා දෙකක් විඳී.
මහණෙනි,
ශ්‍රැතවත් අරීසවු තෙමේ
දුක්වේදනාවෙන් පහස්නා ලද්දේ ම ශෝක නො කරයි.
ක්ලාන්ත නො වෙයි. නො වැල පෙයි.
ළෙහි පැහැර නො හඬයි. මුළාවට නො පැමිණෙයි.
හේ කායික වූ එක් වේදනාවක් විඳියි.
චෙතසික වේදනාව නො විඳියි. .

මුගලන් මහ රහතන් වහන්සේගේ කයෙහි ඇට කුඩු වෙනතුරු
ජීවත්විය නොහැකි තරමට සොරුන්ගෙන් පහර කෑවද
ශෝක නො කළෙහිය. ක්ලාන්ත නො විණ. නො වැලපුණෙහිය.
ළෙහි පැහැර නො හැඬීය. මුළාවට නො පැමිණෙහිය.
කායික වූ එක් වේදනාවක් වින්දා පමණි.
චෙතසික වේදනාව වින්දේ නැත..

ශබ්දකෝෂ භාවිතාවෙන් තොරව කියවන්න...


ශබ්දකෝෂය අත්වැලක් පමණයි.

අත්දැකීම් රහිත කෙනෙකුට
වචනයක නියම අරුත
ශබ්ද කෝෂයකින් ලබා දිය නොහැකි බව
අප පළමුවෙන්ම වටහා ගත යුතුය.

ශබ්දකෝෂය භාවිතාවේදී අරුත ලෙස
"අක්මාව" යන වචනය ලැබුණොත්
අක්මාව කුමක්දැයි නොදත් කෙනෙක්
අතරමං වීම නිශ්චිතය.

අක්මාව දන්නා කෙනෙකුට
ශබ්දකෝෂය ප්‍රයෝජනවත් වන්නේ
අක්මාව නිශ්චිත අවයවයක් බැවිනි.

එහෙත් අක්මාව යනු
අක්මාව නොවන අවස්ථාද
භාෂා භාවිතයෙහිදී හමුවේ.
එවැනි අවස්ථාවක
ඔබට අවශ්‍ය වන්නේ ශබ්ද කෝෂය නොව
ඔබේ අක්මාවයි.

භාෂාවක බොහෝ වචන
ඒ ඒ වචන යෙදෙන තැන අනුව
ඒ සමග යෙදෙන වෙනත් වචන අනුව
අරුත් ගැන්වෙන්නේය.
එම වචන ඉගෙනගත යුත්තේ
භාවිතා වෙන අවස්ථාව
භාවිතා කරන පුද්ගලයාගේ ස්වභාවය
සහ වාක්‍යයෙහි යෙදෙන වචන අනුවය.

විශ්ව විද්‍යාල සිසුන් අතර සංවාදයකදී
එක් අයෙකු කළ මෝඩකමක් නිසා
කුපිත වන තවත් සිසුවෙක්
"තොට අක්මාවක් නැද්ද යකෝ" කියන්නේ
මිනිසෙකුගේ රුධිරයෙහි ග්ලූකෝස් පාලනය
බුද්ධියට බලපාන නිසා නොවේ.

මේ අවස්ථාවට අදාළව
ඔහු අක්මාව තේරුම්ගන්නට
ශබ්ද කෝෂය ප්‍රමාණවත් නොවේ.
අක්මාවද අවශ්‍යය.

එක් එක් අයගේ අක්මාවෙහි ප්‍රමාණය අනුව
මේ වනවිට ශබ්ද කෝෂයක භාවිතාව
කෙබඳුදැයි වැටහෙන්නට ඇත.

ඔහු අක්මාව කීවේ කුමකටද යන්න
අක්මාවක් ඇති ඕනෑම කෙනෙකුට
මේ වනවිට වැටහිය යුතුය.
නැත්නම් ඔබට අක්මාවක් නැත.

"තොට අක්මාවක් නැද්ද යකෝ" යන්නෙහි
අක්මාව යනු කුමක්දැයි මා මෙතෙක් කීවේ නැත.
එහි සැබෑ අරුත ඔබ මීට පෙර දැන සිටියා නම්
එදා දැනගත්තේද භාවිතාවෙන් මිස
ශබ්දකෝෂය පරිශීලනයෙන් නොවේ.

වචන වර්ණ වැනිය.
තනි වර්ණයකින් චිත්‍ර ඇඳිය නොහැක.
වර්ණ වලින් පමණක් චිත්‍ර ඇඳිය නොහැක.
පින්සල්, මාධ්‍යයක්, පෘෂ්ඨයක්, පුවරුවක්
ආදී බොහෝ දේ අවශ්‍යයි.
ශබ්දකෝෂය ඔබට සපයන්නේ
වර්ණ පමණි.

වාක්‍යයක් තේරුම් ගන්නට
ශබ්දකෝෂයක් නැතිව නොහැකි අවස්ථා
ඕන තරම් තිබිය හැකි නමුත්
ඡේදයක් වටහා ගන්නට
ශබ්දකෝෂයක් අවශ්‍ය නොවේ.

ශබ්දකෝෂයක් රහිතව
ඡේදයක් තේරුම් ගත නොහැකි නම්
ඔබ දියුණු කරගත යුත්තේ
භාෂා දැනුම විනා වචන නොවෙයි.

ඡේදයක් තේරුම් ගන්නට
එහි හැම වචනයක්ම දැන ගත යුතුයි
ඔබ සිතන්නෙහි නම් ඔබ තේරුමට වඩා
වචනවල තේරුම් සොයන්නෙකි.
ඔබ වඩාත් ප්‍රවේශම් විය යුත්තේ

කතා කිරීමත් කියවීමත් නැතිව
නිසි ලෙස භාෂාවක් ඉගෙනගත් කෙනෙකු
මෙලොව නැතැයි කිව හැක.

භාෂාවක් ඉගෙන ගන්නට ඇති
හොඳම මග නම් කියවීමයි.
සරල පොත්පත් වලින් පටන් ගෙන කියවීමෙන්
දැනුම මෙන්ම ආත්ම විශ්වාසයද
සමාන්තරව වැඩෙයි.

සිංහල ඉගෙන ගන්නට පටන් ගැන්මේදී
කුමාරෝදය තෝරාගැනීම සුදුසුය.
සද්ධර්ම රත්නාවලිය තෝරා ගැනීමෙන්
ඔබට සිංහල එපා විය හැක.
කවර භාෂාවක් වුවද
තමන්ගේ දැනුම මට්ටමට වඩා
පහළ මට්ටමේ පොත් වලින් ඉගෙනීම
පහසුය, නිවැරදිය.

චිත්‍රකතා කියවීමද පහසු මගකි.
මමත් බිරිඳත් ඇතුළු බොහෝ දෙනෙකු
ඉංග්‍රීසි භාෂාවට හුරු වූයේ
Tin Tin පොත් කියවීමෙන් බව මම දනිමි.
පොත්වලින් හුරුවූ බොහෝ දෙනෙකුට
Tin Tin සජීවීකරණ චිත්‍රපටි
ප්‍රයෝජනවත් විය.

දෙවැනි හොඳම ක්‍රමය නම්
භාෂාව ශ්‍රවණය කිරීමයි.
ඉනුත් ගීතවලට සවන් දීම ප්‍රධානයි.
හින්දි භාෂාව අදටත් මා ඉගෙන ගන්නේ
ගීතවලට සවන්දීමෙනි.
චිත්‍රපටි නැරඹීමෙනි.

උප සිරැසි යෙදීම නිවැරදි නොවුවද
උප සිරැසි සහිතව නරඹන කෙනෙක්
වචනවලට සවන් දෙනවා නම්
ඔහුගේ භාෂා දැනුම දියුණු වෙයි.

ඉහත කී මාර්ග වලින්
භාෂාව හුරුවුණ කෙනෙක්
භාෂාව කතා කිරීම සහ
ඉගෙන ගන්නා භාෂාවෙන් සිතීමත්
භාෂාව දියුණු කරගැනීමට
ඉතාම සුදුසු මාර්ගයන් වෙයි.

පහත දැක්වෙන
Audio-Read ක්‍රමය
ඇසීමෙන් සහ කියවීමෙන්
යන දෙකෙන්ම භාෂාව හුරුවීමට
ඉතාම සාර්ථක ක්‍රමයක් බව
අපි අත්දැකීමෙන්ම දනිමු.

වැඩි විස්තර ලිපියෙහි සඳහන් වෙයි.

Audio-Read ක්‍රමයෙන් ලැබෙන
ප්‍රබලම ප්‍රයෝජනය වන්නේ
නිරන්තරයෙන් ශබ්දකෝෂයට යොමුවීමේ
නරක පුරුද්දෙන් මිදෙන්නට ඉන් කෙරෙන
නිසග බලපෑමයි.

නීත්‍යානුකූලව
කඩුවක් තබා ගන්නා කෙනෙකු මෙන්
හැකිතරම් දුර හැකි තරම් උස තැනකින්
ශබ්දකෝෂය ඈත් කර තබන්න.
වැඩිහිටියෙක් මෙන් වචන ඔස්සේ නොව
කුඩා දරුවෙක් මෙන් අත්දැකීම් ඔස්සේ
ඔබේ දැනුම දියුණු කරගන්න.

'''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''

20170226

වෛද්‍යවරයාගේ ලිංගික අතවර හා ප්‍රමිතිකරණ නිර්ණායක


රෝගියාගේ දිවි රකින්නට
වෘත්තියෙන් බැඳී සිටි
වෛද්‍ය සුදර්ශන බාලගේ
ඔහුගෙන් ප්‍රතිකාර ගැනීමට පැමිණි
විසි දෙහැවිරිදි රෝගී කන්‍යාවියක්
සිහි නැති කොට දූෂණය කිරීමෙන් පසු
ඇය මරා, කාඩ්බෝඩ් එකක් මත තබා
6 වෙනි මහලේ බිම දිගේ ඇදගෙන යද්දී
රෝහල පිරිසිදු කරන (සමාගමක)
බියට්‍රිස් නම් සුලු සේවිකාවක්‌ දැක ඇත.

“සර්… මොනවද? මගෙන් උදව්වක්‌ ඕනෙද?
එම සේවිකාව වෛද්‍යවරයාගෙන් විමසුවේ
වෛද්‍යවරයාට ගරු කරමිනි.
“ආ.. නෑ. අවශ්‍ය නෑ”
වෛද්‍යවරයා සිනාසෙමින් කී බව
සේවිකාව අධිකරණය හමුවේ කීවාය.

"ඊට පස්සේ ටික වෙලාවකින්
මම තියටර් එකේ ඉන්න මයුරානි මිස්ට
මේ බව කිව්වාම.
 එයා මගෙන් දොස්තරගේ නම ඇහුවා.
'නම දන්නේ නැහැ' කියලා
දොස්තරගේ හැඩහුරුකම් කිව්වා.
ඒ විස්තර කියද්දීම මයුරානි මිස් කිව්වා
'මේ නම් සුදර්ශනයාම තමයි' කියලා.
'බියට්‍රිස්   ඔය විත්තිය වෙන කිසිම කෙනෙකුට කියන්න එපා.
ඕවා කිව්වා කියලා ඔයාට වැඩකුත් නැහැ. මට වැඩකුත් නැහැ.,
ඒක හන්දා ඔය විත්තිය කාටවත් කියන්න එපා' කියලා
එයා මට කිව්වා."

ස්ත්‍රී දූෂණයට සහ
සාපරාධී මිනී මැරුමට වැරදිකරු වූ
ඉන්දික සුදර්ශන බාලගේ (34) නමැති වෛද්‍යවරයාට,
මරණ දඬුවම නියම කළ මීගමුව මහාධිකරණ විනිසුරු
නඩු තීන්දුව ප්‍රකාශ කරමින් මෙසේ කීය.

"සමස්‌ත සාක්‍ෂි විශ්ලේෂණය කිරීමේදී
විත්තිකරුට එල්ල වූ සියලු චෝදනා
සැකයෙන් තොරව ඔප්පු වී ඇත."

මෙවැනි සිදුවීමකදී වෛද්‍ය සභාව ගතයුතු
නීත්‍යානුකූල ක්‍රියාමාර්ගයක් ලංකාවේ තියනවාද?

සුදර්ශන බාලගේ, සුළු සේවිකා බියට්‍රිස්
මයුරාණි නම් හෙදිය යන තිදෙනා
රැකිය යුතු වූ ප්‍රමිති නිර්ණායක මොනවාද?

මේ තිදෙනාගෙන් ප්‍රමිතියෙන් ඉහළම
තැනැත්තා/තැනැත්තිය කවුද?
අඩුම ප්‍රමිතිය කාගේද?
වෛද්‍ය සභා ප්‍රමිති නිර්ණායක නැති බැවින්
ඔබට ඔවුන්ගේ ප්‍රමිතිය මනින්නට සිදු වන්නේ
ඔබේ හෘද සාක්ෂියේ ප්‍රමිතියට සාපේක්ෂවයි

චර්යාවෙහි ඉහළ ප්‍රමිතිය අනුව
මේ තිදෙනා පෙළ ගස්වමු.
1,
සුළු සේවිකාව
2,

හෙදිය
3,
වෛද්‍යවරයා

මේ වෛද්‍යවරයා, හෙදිය සහ සේවිකාව
අපේ ප්‍රමිතිකරණ නිර්ණායක අනුව
මනින්නට අප ක්‍රියාකළෙමු.
ඒ ප්‍රමිති කරණ නිර්ණායක
අපේ හෘද සාක්ෂියයි.

අපේ ප්‍රමිති නිර්ණායක අනුව
සුදර්ශන බාලගේ ක්‍රියා නොකළ බව
ඔහුගේ ක්‍රියා කලාපයෙන් පෙනේ.
අපේ ප්‍රමිතිකරණයට අනුව
නිවැරදිව ක්‍රියා කළේ බියට්‍රිස් පමණි.
හෙදිය සිය ආත්මාරක්ෂාව තකා
ඇගේ හෘද සාක්ෂිය පාවා දුන්නාය.

වෛද්‍යවරයාගේ චර්යාවෙහි ප්‍රමිතිය අනුව
නීතියෙන් ඔහුට මරණ දඬුවම හිමිවිය.
හෙදියගේ ඉරණම අපි නොදනිමු.
සුළු සේවිකාව මහා සේවාවක්
රට ජාතියට කළාය.

රෝගියාගේ සුවයත් ආරක්ෂාවත් භාර
වෛද්‍යවරයා විසින්ම රෝගියා සිහි නැති කොට
ඇය දූෂණය කොට, ඝාතනය කොට
සැලසුම් සහගත ලෙස ඇය පහළට තල්ලු කොට
වගකීමෙන් මිදෙන්නට තැත් කළේය.

කාමයෙන් අන්ධ වීම නිසා
ඔහුගේ හෘද සාක්ෂිය ක්‍රියාත්මක නොවුණ අතර
නිසි ප්‍රමිතිකරණ නිර්ණායක තිබුණා නම්
ඔහු ඒ නිර්ණායකවලට අනුව හැසිරෙමින්
තමා දමනය කරගන්නට ඉඩ තිබුණේද?
එසේ වුණා නම්, චමිලාගේ ජීවිතය මෙන්ම
ඔහුගේ ජීවිතයද රැකෙනු ඇත.

වෛද්‍යවරයා ගෝත්‍රිකයෙකු ලෙස ක්‍රියා කරද්දී
හෙදිය හැසිරුණේ නරුම ආත්මාර්ථකාමයෙනි.
හෙදිය, කුමන හේතුවක් මත හෝ
අනියම් ලෙස සාපරාධී ක්‍රියාවකට
අනුබල දුන් තැනැත්තියකි.
ඇය රෝහලකට සුදුසු නැත.
නිසි ප්‍රමිතිකරණ නිර්ණායක ඇති රටක නම්
එම හෙදියට රැකියාව අහිමි විය යුතුය.

මේ තිදෙනා අතරින් නිසි ප්‍රමිතියෙන් හැසිරුණේ
උගත්කමෙන්, වෛද්‍ය විද්‍යාත්මක දැනුමෙන්,
පුහුණුවෙන් සහ තනතුරෙන් පහළම සිටි
දුගී සුළු සේවිකාවයි.

ප්‍රඥාවත්, යහපත ගැන හැඟීමත්,
හෘද සාක්ෂියත්, එඩිතර ඍජු බවත් නිසා
බියට්‍රිස් නොබියව සිය වගකීම
පමා වී හෝ ඉටු කළාය.

බියට්‍රිස්ගේ වෘත්තීය ප්‍රමිතිය
ප්‍රමිති නිර්ණායක රහිත
ශ්‍රී ලංකාවේ වෙද හෙද ප්‍රමිතිය නොව
මහා බ්‍රිතාන්‍යයේ වෘත්තීය ප්‍රමිතියයි.

නොදැනුවත්ව හෝ ඇය ක්‍රියා කොට ඇත්තේ
මහා බ්‍රිතාන්‍යයේ නිර්ණායක වලට අනුවයි.
සෞඛ්‍ය සේවකයෙකුගේ වගකීම ලෙස
මහා බ්‍රිතාන්‍ය වෛද්‍ය සභාව නියම කරන
ක්‍රියාමාර්ගයන්ට අනුකූලවයි.

මෙවැනි අවස්ථාවකදී
වෛද්‍ය වෘත්තිකයෙකු ගතයුතු ක්‍රියාමාර්ග
අංග සම්පූර්ණ ලෙස සඳහන් වෙන
බ්‍රිතාන්‍ය වෛද්‍ය සභාවේ උපදෙස්
මෙතැන් සිට දැක්වෙයි.
'''''''''''''''''''''''''''''''''''''''''''''''''''''''''''''''''''''''''''''''''''
වෛද්‍ය වෘත්තිකයන්ගේ කාමුක හැසිරීම සහ
ඒ පිළිබඳව පැමිණිළි කිරීමට ඔබේ වගකීම.
(සමවාසික වෘත්තිකයා වෛද්‍යවරයෙක් වුවද නුවුවද... )

1
සමවාසික වෘත්තිකයෙක්
ප්‍රතිකාර කිරීමෙහි යෙදීමට නුසුදුසු නම් හෝ
රෝගීන්ගේ ජීවිතය අවදානමට හෙළයි නම්
ඔබ වෙනත් වෛද්‍යවරයෙකුගෙන්,
ආරක්ෂක කමිටුවෙන් හෝ අපෙන්
අවවාද පැතිය යුතුය.

ඔබට තව දුරටත් වගකීමක් හැඟෙයි නම්
අපේ නිර්ණායක අනුව සහ
ඔබ වැඩ කරන තැන ප්‍රතිපත්ති අනුව
ක්‍රියා කළ යුතුය.
*ඒ සමගම ඔබ ගත් පියවර පිළිබඳව
වාර්තාවක්ද තබා ගන්න.

2
ඔබ ඔබේ වෘත්තීය තනතුර භාවිතා කොට
රෝගියෙකු හෝ රෝගියාට සමීප කෙනෙකු සමග
කාමුක හෝ අයුතු චිත්තවේගී සබඳතාවයක්
පැවැත්වීමට කටයුතු නොකළ යුතුය.

මෙම මගපෙන්වීම් මගින් මේ ප්‍රතිපත්ති
ප්‍රායෝගිකව අනුගමනය කළ යුතු ආකාරය
අපි වෛද්‍යවරුන්ට පැහැදිලි කරදෙන්නෙමු.
මේ මග පෙන්වීම අනුව ක්‍රියාකරන්නට
බරපතළ ආකාරයකින් හෝ දිගින් දිගටම
අපොහොසත් වන්නේ නම් ඔබේ ලියාපදිංචිය
අවදානමට ලක්වනු ඇත.

3
රෝගීන්ගේ සහ මහජනතාවගේ
විශ්වාසය ආරක්ෂා කරගැනීම උදෙසා
ඔබ කිසිවිටෙකත් රෝගියෙකු කෙරෙහි
කාමුකව යොමුනොවිය යුතු අතර
කාමුක හැසිරීමක් ප්‍රදර්ශනය
නොකළයුතුය.

උදාහරණයක් ලෙස,
කාමුක ප්‍රකාශයක් වුව ප්‍රමාණවත් වන අතර
රෝගියා ස්පර්ශ කිරීමක් විය යුතු නැත.

4
සමවාසික  වෘත්තිකයෙක්
ලිංගික සීමාවන් ඉක්මවූ බව
රෝගියෙක්  ඔබට හෙළි කළහොත් හෝ
සමවාසික වෘත්තිකයෙක්
රෝගියෙකු කෙරෙහි කාමුක හැසිරීමක්
ප්‍රදර්ශනය කළ බව සිතන්නට
ඔබට වෙනත් හේතු ඇත්නම්
චෝදනාව විභාග කරන්නට හැකි
පුදගලයෙකුට හෝ ආයතනයකට
වහාම පැමිණිළි කළයුතුය.

සමවාසික වෘත්තිකයෙක්
කාමුක ලෙස අතවර කිරීම හෝ
වෙනත් සාපරාධී ක්‍රියාවක යෙදුණේයැයි
ඔබ සැක කරන්නෙහි නම්, අනිවාර්යයෙන්ම
පොලීසියට පැමිණිළි කරන්න.

5
සමවාසික වෘත්තිකයෙක් විසින්
කාමුක සීමාවන් බිඳීමෙන්
හිංසාවට පත්වූ ඔබේ රෝගීන්ගෙන්
ඕනෑම කෙනෙකුට ඔබ සහය විය යුතුය.

6
ඔබේ පැමිණිල්ල කරන අතර
රෝගියාගේ පෞද්ගලිකත්වයට
ගරු කළ යුතුය.

එහෙත් සියලුම අවස්ථාවන්හි
රෝගීන්ගේ ආරක්ෂාව
පළමු ස්ථානයෙහි තැබිය යුතුය.
රෝගියා හඳුනාගැනීමට ඇති
අවශ්‍යතාවය ගැන
ඔබ සෑහීමට පත්වන්නේ නම්
හෙළි කිරීම අවශ්‍ය හේතු පැහැදිළි කරමින්
ඒ සඳහා රෝගියාගේ අවසරය
ඉල්ලා සිටියයුතුය.

හෙළි කිරීමට අවසර නොලැබුණද
හෙළිකිරීම ජනතා යහපතට හේතුවේයැයි
ඔබ විනිශ්චය කරන්නේ නම්
හෙළිකරන්නට අදහස් කරන බව
ඔබ රෝගියාට පැවසිය යුතුය.
සියලුම විභාගවලදී
ඔබ විසින් හෙළි කළ යුත්තේ
අදාළ තොරතුරු පමණි.

'''''''''''''''''''''''''''''''''''''''''''''''''''''''''
බ්‍රිතාන්‍ය වෛද්‍ය සභාව
ලිංගික අතවරයක් පිළිබඳ විභාගයක් පැවැත්වීමේදී
මේ උපදෙස් මාලාවද ප්‍රමිති නිර්ණායකයන් වන්නේය.

බ්‍රිතාන්‍ය නිර්ණායකවල
ගුණාත්මක භාවයේ උසස් බව
පහත දැක්වෙන වැකියෙන්ම
ප්‍රකට වෙයි.

"රෝගියාගේ තොරතුරු හෙළි කිරීමට
රෝගියාගේ අවසර නොලැබුණද
හෙළිකිරීම ජනතා යහපතට හේතුවේයැයි
ඔබ විනිශ්චය කරන්නේ නම්...
හෙළිකරන්නට අදහස් කරන බව
ඔබ රෝගියාට පැවසිය යුතුය."

මෙහි පළමු කොටසෙන්
ජනතා යහපතට ක්ෂේත්‍රයේ ඇති
බැඳීම හා වගකීම පෙනෙයි.
දෙවැන්නෙන් පෙනෙන්නේ
රෝගියාගේ අයිතීන් පිළිබඳව
ක්ෂේත්‍රයේ ගෞරවයයි.

අවසරය ඉල්ලා නොලැබුණු විට නිහඬවෙන වෘත්තිකයා
පසුව තොරතුරු සැපයුවා නම් සිදු වන වරද කුමක්ද?
එවැනි අවස්ථාවකදී
වෘත්තිකයා වෙතින් රෝගියා ඉවත් වන්නේ
ඔහු තම තොරතුරු රකිනු ඇතැයි යන විශ්වාසයෙනි.

අදාළ රෝගියාට නොදන්වා පසුව තොරතුරු සැපයුවා නම්
වෘත්තිකයා විසින් රෝගියා රැවටීමක් සිදුවන්නේය.
මේ නිර්ණායකය සකස් වන්නේ
ඒ අවභාවිතය වැළැක්වීම සඳහාය.

ශ්‍රී ලංකාවේ වෛද්‍යවරුන් සඳහා
වෛද්‍ය සභාවෙ කෙරෙන
මෙවැනි මග පෙන්වීමක් නැත.

මෙවැනි අවස්ථාවකකට මුහුණ දෙන
නිසි මග පෙන්වීමක් නැති සිවිල් පුද්ගලයන්
ඒ අවස්ථාවේ ක්‍රියා කරන අයුරු
පුද්ගලයාගෙන් පුද්ගලයාට වෙනස්ය.
හෙදිය සිතූ ආකාරයත්
බියට්‍රිස් ක්‍රියා කළ ආකාරයත්
සපුරාම වෙනස්ය.

නිශ්චිත රාමුවක් තුළ
නිවැරදිව ක්‍රියා කරන්නට නම්
එකම සමූහයක සමාජිකයන් වන
වෛද්‍ය වෘත්තිකයන් සඳහා
සමූහයටම පොදු වූ නිර්ණායක අවශ්‍යයි.

වෛද්‍ය සමූහයකට නිර්ණායක නැත්නම්
ඒ සමූහයට නිශ්චිත ප්‍රමිතියක් නැත.
ඔවුන්ගෙ පැවැත්ම සහ ක්‍රියාකාරකම්
අවිනිශ්චිත වන අතර
ඔවුන් කරන මෙවැනි වරදකදී
සාධාරණ විනිශ්චයකට පැමිණීමද
අසීරු කරුණකි.

වෛද්‍ය සභාවේ වගකීම පැහැර හැරීම නිසා
නිසි මග පෙන්වීමක් නොලද සුදර්ශන බාලගේ
ප්‍රතිකාර කළයුතු රෝගී යුවතිය හමුවේ
රාගයෙ
න් කුපිත වී ක්‍රියා කළේ
වගකීම් සහිත වෛද්‍යවරයෙකු මෙන් නොව
සාපරාධී සිවිල් පුද්ගලයෙකු මෙනි.
ඔහු නීතිය හමුවට ගියේද එසේමය.

රටේ නීතිය වෛද්‍යවරයා සලකන්නේ
සිවිල් පුරවැසියෙකු වශයෙනි.
බාලගේ වෛද්‍යවරයෙක්ද යන්න
නීතියට අදාළ නැත.

ආයතනික වශයෙන් ඔහුගේ ක්‍රියාව මනින්නට
වෛද්‍ය සභාවට යුතුකමක්, වගකීමක් ඇත.
ඒ සඳහා ඔවුන් සතුව නිර්ණායක නැත්නම්
පැරණි මළ බැඳුණ කතුරකින් සැත්කම් කිරීමෙන්
සැත්කම නිසාම රෝගියා මියයන්නට
බොහෝ දුරට අවකාශ තිබේ.

නීතියට හා සමාජයට
ඔහු පිළිබඳව වගකියන්නට
වෛද්‍ය සභාව 
ආයතනික මට්ටමෙන් බැඳී සිටියි.

සාපරාධී වෘත්තිකයා නීතිය හමුවට පැමිණවීමද
සමාජයේ නැගෙන විරෝධයට
සාධාරණ මුහුණ දීමද
වෛද්‍ය සභාවේ වගකීමකි.
ඒ සඳහා නිර්ණායක සකස් විය යුතුය.

මේ අනුව
වෛද්‍ය සභාවේ අභ්‍යන්තර පැවැත්මට
වෙනම ප්‍රමිතිකරණ නිර්ණායක තිබිය යුතුය.
වෘත්තිකයාගේ ප්‍රමිතිය
නීතිය හමුවේ නිර්ණය වන්නේ නම්
එම නිර්ණායක පැහැදිලිව තීරණය කොට
නීතිගත කළ යුතුය.

බ්‍රිතාන්‍ය වෛද්‍ය වෘත්තිකයන්ට
බ්‍රිතාන්‍ය වෛද්‍ය සභාවෙන් ලැබෙන ආකාරයේ
ආයතනික මග පෙන්වීමක්
අප රටේ වෛද්‍ය ක්ෂේත්‍රයේ නැත.

මේ හේතුවෙන්,
සමවාසික වෘත්තිකයෙකුගේ
සාපරාධී ක්‍රියාවක් දුටු වෘත්තිකයෙකුට
සිවිල් පුද්ගලයෙකු ලෙස ක්‍රියා කරමින්
කැමති තැනකට කැමති කෙනෙකුට පැමිණිළි කිරීමට
එසේ නැත්නම් නුදුටුවාක් මෙන්
නිහඬව සිටීමට සිදුව ඇත.

"මේ නම් සුදර්ශනයාම තමයි.
බියට්‍රිස්  ඔය විත්තිය වෙන කිසිම කෙනෙකුට කියන්න එපා.
ඕවා කිව්වා කියලා ඔයාට වැඩකුත් නැහැ. මට වැඩකුත් නැහැ.,
ඒක හන්දා ඔය විත්තිය කාටවත් කියන්න එපා"

ඒ අවස්ථාවේ මයුරාණි ක්‍රියා කළ ආකාරය
වරදක්ද නැද්ද යන්න නිර්ණය කරන්නට අවශ්‍යවන
බ්‍රිතාන්‍ය වෛද්‍ය සභාවෙන් යොදා ගන්නා ආකාරයේ
නිශ්චිත ප්‍රමිති කරණ නිර්ණායක කිසිවක්
වෛද්‍ය සභාව සතුව නැත.

මේ නිසා මයුරාණි නම් හෙදිය කළ
තොරතුරු වසං කිරීමට උත්සාහ කිරීම වරදක්ද නැද්ද යන්න
වෛද්‍ය සභාවේ හිතුමතයට වනචාරී ගෝත්‍රික ක්‍රමයට
නිර්ණය කිරීමට සිදු වෙයි.

මේ හේතුවෙන්
අප කොතරම් අකමැති වුවද
අපද ගෝත්‍රිකයන් බවට පත් වී ඇත.

මෝහයෙන් විදසුනට


විශුද්ධි මාර්ගයට අනුව
සමථ භාවනාවක් විදියට
ආනාපාන සතිය වඩන්න පටන් ගත් කාලෙ
පැය දෙක තුන ශූන්‍ය සිතින් ගතකරල තියනවා.
විතක්ක විචාර නැති වෙලා ගිහින්
හිතට ප්‍රීතිය තිබුණත්, කයට සුඛය තිබුණත්
මළ කඳක් මෙන් මෝහයෙන් ජීවත් වීම
මේ ජීවිතය නාස්ති කිරීමක් කියා හිතුණ නිසා
වසර පහක් හයක් තිස්සෙ හොයලා
විපස්සනා හොයා ගත්තා.
වැඩූ මෝහයේ ප්‍රබල බව 
පළමු විපස්සනා පාඨමාලාවේදීම වැටහුණේ
කය නොදැනෙන විදියට, කය පුරා දැනෙන
අදුක්ඛමාසුඛ වේදනා දකින විටයි.
සමථ භාවනාවකින්....
නීවරණ යටපත් කරමින් ලබන
විතක්ක විචාර රහිත, ප්‍රීති සුඛ සහිත
මෝහයෙන් පසුවීමේ උපේක්ෂාවට වඩා
රාග, ද්වේශ, මෝහ කැළතී
පංච නීවරණයෙන් සිත සැලෙද්දී
කාය වේදනා මට්ටමෙන්
ඒ වෙනස්කම් සිහියෙන් දකිමින්
ඒ සියල්ලට උපේක්ෂාවෙන් වෙසෙනවිට
මේ මොහොත විඳ පසක් කිරීමෙන්
පහළ වෙන ප්‍රඥාව
සසර ගමනට පහනක්.

20170225

සමන්ත භද්‍ර නිවන ලෙස විඳින්නේ මෝහයයි.

මේ ඡායාරූපය දකින කෙනෙකුට
සමන්ත භද්‍ර හිමිත් අනික් අයත් අතර
වෙනසක් පෙනෙනවා.
මේ වෙනස දකින කෙනෙකුට
ඔහු රහත් වුණ කෙනෙක් මෙන්
හිතෙන්න පුලුවන්.

මේ ස්වභාවය ඉතා මහළු අය තුළත්
සිනමා නළුවන්, දේශපාලනඥයන් වැනි
සමාජ අවධානයට ලක්වෙන
පුද්ගලයන් තුළත් තියනවා.
ඔවුන්ද මෝහය තුළට වී
ඒ අවස්ථා පසු කරනවා.

මෙවැන්නන් තුළ ඇතිවෙන
සතුට දුක භය ආදී හැඟීම්
කුඩා දරුවන් මෙන් ඔවුන් සසල කරනවා.

ඔවුන්ට සාමාන්‍ය සමජයේ
හැසිරෙන්නට ගියොත්
මේ ධ්‍යානය රැක ගන්නට බැහැ.
ඒ නිසා ඔවුන්
අනුගාමිකයන් පවුරක් කරගෙන
ආරක්ෂිතව පසු වෙනවා.

ඔහු දේශනා කරන හිතේ ශූන්‍ය ස්වභාවය
මේ ඡායාරූපය තුළ දකින්න පුලුවන්.

මේ හිස් මානසික ස්වභාවය
බුදු දහම තුළ සඳහන් වෙන්නෙ
නිවන ලෙස නොවෙයි.
මේ මනසෙහි තියෙන්නේ මෝහයයි.

මෝහයෙන් පසුවෙන තැනැත්තා
කියන්නේ මොනවාද යන්න ගැනත්
එහි බරපතල කම ගැනත්
ඔහුට අදහසක් නෑ.

මෝහයෙන් කියන දේ වැරදී
ගැටළු පැන නගින විට
ඒ මෝහයෙන්ම ක්‍රියා කරමින්
සමාව ගැනීමටද ඔහුට හැකිය.

තමාත් සමග සියල්ල අත්හළ ස්වභාවයක්
මෝහය තුළ පවතිනවා.
සියලු අරමුණු, සාපේක්ෂක බැහැර කොට
එක අරමුණකට සිත එකඟ කරගෙන
වඩා ගන්නා ලෞකික ධ්‍යාන ලැබූ
මෙවැනි කෙනෙකු තුළ ඇත්තේ මෝහයයි.

ඔහු මෝහයෙන් පසු වන්නේ මොනවාටද?
ඔහු මෝහයෙන් පසු වන්නේ
ඔහුගේ වේදනා, සංඥා සහ විතර්කවලටයි.

රහතන් වහන්සේ තුළ මෝහය නැහැ.
රහතන් වහන්සේගේ සිත ශූන්‍ය නැහැ.

රහතන් වහන්සේ තමා අල්ලාගන්නේත් නෑ.
අත්හරින්නේත් නෑ.
තමා ගැන සිහියෙන් පසු වෙනවා.

රහතන් වහන්සේ පසු වෙන්නෙ
සම්පජානෝ සතියෙන්.

රහතන් වහන්සේ හඳුනා ගැනීම
බාහිර චර්යාවන්ගෙන් කළ නොහැකි බව
බුදුන් වහන්සේ ප්‍රකාශ කොට තියනවා.
තමන් ගැන සිහියෙන් පසුවෙන කෙනෙකු
සාමාන්‍ය මිනිසුන්ගෙන් වෙන්කොට
හඳුනාගන්න ක්‍රමයක් නෑ.

රහත් වූ කෙනෙක් කියා
ලෞකික ධ්‍යාන වැඩූවන්ට රැවටීම
බුදුන් වහන්සේගේ කාලයටත් පෙර සිටම
පැවතුණ මුලාවක්.

මෝහයෙන් පසුවෙන කෙනෙකුට සාපේක්ෂක නැහැ.
ඔහුගෙ සිත අරමුණු ස්පර්ශ කරන්නෙ නැහැ.
හිත ශූන්‍ය නිසා හැඟීම්, සිතිවිලි නෑ.

රහතන් වහන්සේ කියන්නෙ
උපරිමයෙන් සිහිය පිහිටුවා ගත් කෙනෙක්.
උත්සාහයකින්, වෑයමකින් තොරව
තමන් පිළිබඳව සියයට සියයක්ම
සිහියෙන් පසු වෙන කෙනෙක්.
ඔහුගේ වේදනා, සංඥා සහ විතර්ක පිළිබඳව
ඇතිවීම, පැවතීම, නැතිවීම යන
අවස්ථා තුනම ගැන සිහියෙන් පසුවෙනවා.
'''''''''''''''''''''''''''''''''''''''''''''''''''''''''''''''''''''''''''''
රහතන් වහන්සේගේ සිහිය පිළිබඳව
ආනන්ද තෙරුන් වහන්සේට පවසන
බුදුන් වහන්සේගේ වදන් මේ.

ආනන්දය,
තථාගතයන් ගේ
මේ ආශ්චර්යය අද්භූත ධර්මය ද දරව:
ආනන්දය,
තථාගතයන්ට
1,
දැනුවත්වම වේදනාවෝ උපදිත්.
දැනුවත්වම වේදනාවෝ පවතිත්..
දැනුවත්වම වේදනාවෝ අස්තයට යෙත්.
2,
දැනුවත්වම සංඥාවෝ උපදිත් ...
දැනුවත්වම සංඥාවෝ පවතිත්..
දැනුවත්වම සංඥාවෝ අස්තයට යෙත්.
3,
දැනුවත්වම විතර්කයෝ උපදිත්.
දැනුවත්වම විතර්කයෝ පවතිත්..
දැනුවත්වම විතර්කයෝ අස්තයට යෙත්.

ආනන්දය,
තෙපි තථාගතයන් වහන්සේ ගේ
මේ ආශ්චර්යය අද්භූත ධර්මය ද දරව.
'''''''''''''''''''''''''''''''''''''''''''''''''''''''''''''''''

රහත් සිත ශූන්‍ය නැත.
සිත ශූන්‍ය වීම රහත් බව නොවේ.
සිත ශූන්‍ය වීම මෝහයට පත් වීමයි.
කයත් වේදනා දැනෙන කෙනෙකුගේ
සිත ශූන්‍ය විය නොහැක.

හින්දු සමථ භාවනා ක්‍රමවලින්
ලෞකික ධ්‍යාන උපදවා ගෙන
කාය වේදනා වලින් සිත මුදවා ගැනීමෙන්
සිත ශූන්‍ය කරගැනීම රහත් බව නොවේ.

නිවන් දුටු කෙනෙකු ශූන්‍යතාවය දැකීම
ඔහු පහළ කරගන්නා ප්‍රඥාවේ අංගයකි.

විදසුන් වඩා සිහිය පිහිටුවන
ශ්‍රැතවත් ආර්ය ශ්‍රාවකයා
1, විඳින සියලු වේදනාත්
2, දැනෙන සියලු සංඥාත්
3, ඇතිවෙන සියලු විතර්කත්
මේ මොහොතෙහිම ඇතිවෙන ආකාරයත්,
පවතින ආකාරයත්, නැති වෙන ආකාරයත් පිළිබඳව
සම්පජානෝ සතියෙන් වෙසෙයි.

ශ්‍රැතවත් ආර්ය ශ්‍රාවකයා ගේ සිත ශූන්‍ය නොවේ.
ඔහු සැතපෙන විට පවා සම්පජානෝ සතියෙන් වෙසෙයි.

ශ්‍රැතවත් ආර්ය ශ්‍රාවකයා
සම්පජානෝ සතියෙන් වෙසෙන අවස්ථාවෙහි
සියලු වේදනා, සංඥා, විතර්ක පිළිබඳව පවතින සිහිය නිසා
මෝහය දුරුවී ඇත.
සියලු වේදනා, සංඥා, විතර්ක පිළිබඳව
සිහියෙන් වෙසෙන නිසා රාග, ද්වේශද ඇති නොවෙයි.
එහෙයින් නව සංස්කාර ඇති වීමක් නැත.

නව සංස්කාර ඇති නොවෙන නිසා
අනුසය කෙලෙස් සංස්කාර ලෙස මතුවී
වේදනා, සංඥා, විතර්ක පහළ වුවත්
සිහියෙන් සහ උපේක්ෂාවෙන් විසීමෙන්
උපදින උපදින සංස්කාර නිරුද්ධ වීමෙන්
කෙලෙස් නැසී සිත පිරිසිදු වෙයි.

සව් කෙලෙසුන් නසා නිවන් දකින ශ්‍රැතවත් ආර්ය ශ්‍රාවකයා
පිරිනිවන් පාන තුරුම සම්පජානෝ සතියෙන් වෙසෙයි.
විදසුන් වඩන ශ්‍රැතවත් ආර්ය ශ්‍රාවකයාට ආතාපී ගුණය අවශ්‍යයි.
ආතාපි සම්පජානෝ සතිමා විහරති.
නිවන් දුටු ආර්ය ශ්‍රාවකයාට ආතාපී ගුණය අවශ්‍ය නොවෙයි.

නිවන් සාක්ෂාත් කළ ආර්ය පුද්ගලයා
1,
දැනුවත්වම වේදනාවෝ උපදිත්.
දැනුවත්වම වේදනාවෝ පවතිත්..
දැනුවත්වම වේදනාවෝ අස්තයට යෙත්.
2,
දැනුවත්වම සංඥාවෝ උපදිත් ...
දැනුවත්වම සංඥාවෝ පවතිත්..
දැනුවත්වම සංඥාවෝ අස්තයට යෙත්.
3,
දැනුවත්වම විතර්කයෝ උපදිත්.
දැනුවත්වම විතර්කයෝ පවතිත්..
දැනුවත්වම විතර්කයෝ අස්තයට යෙත්.

1,
විඳින සියලු වේදනාත්
2,
දැනෙන සියලු සංඥාත්
3,
ඇතිවෙන සියලු විතර්කත්
ඇතිවෙන ආකාරයත්, පවතින ආකාරයත්
නැති වෙන ආකාරයත් පිළිබඳව
ඔහු සම්පජානෝ සතියෙන් වෙසෙයි.
සම්පජානෝ සතිමා විහරති.


20170223

ජීවමාන බුදුන් වහන්සේ


පන්සලට දවල් දානෙ දුන්නා.
බිරිඳගෙ උපන් දිනේට..
හිතට දැනෙන පහන් හැඟීම
වචනයෙන් විස්තර කරන්න බෑ.
ඒ වියපත් භික්ෂූන් වහන්සේගේ
යහපත් දිවිපෙවෙතත්
අල්පේච්ඡ, නිහතමානී,
දයාබර සුහද පැවැත්මත්
ඒ හැඟීම තීව්‍ර කරනවා.

දානෙ දෙන්න තීරණය කළ දවසේත්
ඊයෙ ආහාර ද්‍රව්‍ය මිළට ගන්න වෙලාවෙත්
දානේ සකසන්න උදව් වෙන වෙලාවෙත්
දානේ පිළිගන්වන වෙලාවෙත්
හිතේ තිබුණේ
මේ දානය දෙන්නෙ බුදුන් වහන්සේ නමින්
එදා මෙදාතුර භික්ෂූන් වහන්සේලාටයි
කියන හැඟීමයි.

බුදුන් වහන්සේ ගැන හිතද්දි
සිහිවෙන්නෙ බුදු පිළිම නොවෙයි.
ජීවමාන බුදුන් වහන්සේයි.

බුදුන් වහන්සේ මුණ ගැහෙන්න කෙනෙක් ඇවිත්
ආරාමයේ භික්ෂූන් වහන්සේලගෙන් විමසුවාම
"අන්න අර කුටියේ
බුදුන් වහන්සේ වැඩ ඉන්නවා.
දොර ළඟට ගිහින් උගුර පාදලා
නිය පිටින් දෙවරක් අගුලට තට්ටු කරන්න.
බුදුන් වහන්සේ දොර අරීවි."
කොතරම් සරල දිවි පෙවෙතක්ද?

බුදුන් වහන්සේ සැතපී ඉන්න පුලුවන්.
නිදාගෙන නොවෙයි.
රහත්වුණ කෙනෙක් නිදාගන්නෙ නෑ.

රහත් බව කියන්නෙ උපරිම සිහිය,
සියල්ලටම සංවේදී බව.
හුස්මක්වත් මග හැරෙන්නෙ නෑ.

බුදුන් වහන්සෙ වැඩ ඉන්නෙ
සම්පජානෝ සතියෙන්..

1,
දැනුවත්වම වේදනාවෝ උපදිත්.
දැනුවත්වම වේදනාවෝ පවතිත්..
දැනුවත්වම වේදනාවෝ අස්තයට යෙත්.
2,
දැනුවත්වම සංඥාවෝ උපදිත් ...
දැනුවත්වම සංඥාවෝ පවතිත්..
දැනුවත්වම සංඥාවෝ අස්තයට යෙත්.
3,
දැනුවත්වම විතර්කයෝ උපදිත්.
දැනුවත්වම විතර්කයෝ පවතිත්..
දැනුවත්වම විතර්කයෝ අස්තයට යෙත්.

දොර ළඟ සිට උගුර පෑදීම,
නිය පිටින් අගුලට තට්ටු කිරීම
බුදුන්වහන්සේට ප්‍රමාණවත්.

බුදුන් වහන්සේම ඇවිත්
දොර හරිනවා.
මේ අවස්ථාව කොතරම්
සිත් ගන්නා සුළුද?

බුදුන් වහන්සේ මට දැනෙන
සමීපම ආකාරයයි මේ..

බුද්ධ පූජාව රැගෙන ගිය වෙලාවෙ
පිළිමයෙන් බුදුන් වහන්සේ
දැකිය නොහැකි බව සංකේතවත් කරන
දුහුල් තිරපටෙන් ආවරණය වුණ
බුදු පිළිමය අබියස අසුන මත
බුද්ධ පූජාව තබා වඳින මොහොතෙ
දෑස කඳුලෙන් තෙත් කරමින්
මගේ හිත නිවූ ප්‍රබලම හැඟීම
"මා දුකෙන් මුදවන්නට මග පෙන්වීමෙන්"
මගේ මේ ජීවිතයත් රැකගැනීම ගැන
බුදුන් වහන්සේ වෙනුවෙන් උපන්
අප්‍රමාණ කෘතඥතාවයයි.






20170218

සයිටම් ප්‍රශ්නයේ ගෝත්‍රික මුහුණුවර හා ඇමති කළ වරද...


"රටේ කිසිම වෛද්‍ය විද්‍යාලයකට අදාල වූ,
කිසිම නිර්ණායකයක් ඇමති වරයා විසින්
නීතිගත කරලා නෑ."
( සයිටම් නඩු තීන්දුව (19 පිටුව)

සයිටම් පාර්ශවයේ නියෝජිතයෙක් ලෙස
රජයේ වෛද්‍ය පාර්ශවය මා නම් කළත්
සයිටම් ආයතනය සමග
මා දන්නා කිසිදු සබඳතාවයක් නැත.
එකම සයිටම් සිසුවෙක්වත් මම පුද්ගලිකව දන්නෙ නෑ.
ෆේස්බුක් එකේ දන්නෙත් නෑ..
ඇත්තටම ඔවුන් දැනගැනීම අවශ්‍ය නෑ.

රජයේ වෛද්‍ය පාර්ශවයෙත්
මම පුද්ගලිකව දන්නෙ එක්කෙනෙක් පමණයි.
අන්‍යෝන්‍ය ගෞරවය මත
මට සයිටම් ප්‍රශ්නය විස්තර කරමින්
මගේ උදව් බලාපොරොත්තු වූ ඔහුත්
ඔහුගේ පවුලේ මා හිතවතුනුත්
දැනට මා සමග අමනාපයි..
පසුව මනාප වේයැයි මා හිතනවා.

මා ඔවුන්ගේ හිතවත් කමට ද්‍රෝහි වුණා කියා
ඔවුන් හිතනවා... චෝදනාත් කරනවා.
ඒ හිතවත් කමට මා ඔවුන්ට නැමුණා නම්
ඒ නැමීම සැබෑ ද්‍රෝහී කම කියා මා හිතනවා.
කාලයත් සමග ඔවුන් ඇත්ත තේරුම් ගනීවි.
පාක්ෂිකව හිතන කිසිවෙක් නිවැරදි නෑ.

පාක්ෂිකව හිතන්නට නොහැකි තරම්
විශාල ජාතික ප්‍රශ්නයක් බවට
සයිටම් ප්‍රශ්නය පත්ව ඇති බව
කාටවත් රහසක් නොවෙයි.

හැඟීම් මට්ටමෙන් දෙපැත්තකට මැදිවී
අසාධාරණයට ලක්වෙන සයිටම් සිසුන්
මේ පොරබදන මීමුන් දෙදෙනාට
මැදිවුණ අහිංසකයන්ය කියන හැඟීම
මා තුළ තියනවා.
සමාජයෙත් ඒ හැඟීම ඇති.

මා දැක තියන සයිටම් සිසුන් තුළ
රජයේ වෛද්‍යවරු සහ වෛද්‍ය ශිෂ්‍යයන් අතර
නිතර දකිනට ලැබෙන මැර ස්වභාවයට සාපේක්ෂව
සංවර, දුක්මුසු, ශීලාචාර බවක් දක්නට තියනවා.
මේ ස්වභාවය තුළ නෝන්ජල් බවක්ද නැතුවා නොවෙයි.
එහෙත් එහි හානිය ඔවුන්ටයි.
සමාජයක් විදියට මාන්නාධික මැරබවට වඩා
නිවට නෝංජල් බව හොඳයි.
අපේ මුළු සමාජයම ඒ වගෙයි.
මැර බලයට තැන තියෙන්නෙත් ඒ නිසයි.

මේ සිදුවීමට අදාළ
අධ්‍යාපනික, දේශපාලනික කරුණු අතර
පුද්ගලයන් හා චරිත විදියට
මේ වෙනස සයිටම් සිසුන්ගේ වාසියට
හේතු වෙන බව පෙනෙනවා.

සයිටම් ආයතනයට නොයන්න කියා
ඔවුන්ට කියන කිසිවෙකුට
ඒ කියන කතා ඔප්පු කළ හැකි ආකාරයට
"රටේ කිසිම වෛද්‍ය විද්‍යාලයකට අදාල වූ,
කිසිම නිර්ණායකයක් ඇමති වරයා විසින්
නීතිගත කරලා නෑ."
( සයිටම් නඩු තීන්දුව (19 පිටුව)

එවන් පසුබිමක් තුළ ඔවුන් ගත් තීරණය
කොතරම් දුරට වැරදිද කියා
තීරණය කළ හැකි අයුරින්
"රටේ කිසිම වෛද්‍ය විද්‍යාලයකට අදාල වූ,
කිසිම නිර්ණායකයක් ඇමති වරයා විසින්
නීතිගත කරලා නෑ."

මෙහි සඳහන් ඇමතිවරයා කවුද?
උසාවියට ඔහු සෞඛ්‍ය ඇමති පමණයි.
ඇමතිවරයා මෛත්‍රීද රාජිතද කියා
උසාවිය ප්‍රශ්න නොකරයි.

උසාවිය දකින අයුරින්
පුද්ගලවාදයෙන් තොරව
සයිටම් ප්‍රශ්නය දෙස බලන්නට
බලධාරීන්ටත් ජනතාවටත් හැකිනම්
ප්‍රශ්නය විසඳීම අපහසු නැත.

උසාවිය පවසන අයුරින් "ඇමති වරයා"
ඔහුගේ කාර්ය පැහැර හැර ඇත.
සයිටම් අර්බුදයේ ආසන්නම හේතුව ඔහුය.

ඇමති විසින් නීතිගත කළ යුතු වුවද
නිර්ණායක සම්පාදනයට අවශ්‍ය සුදුසුකම්
තාක්ෂණිකව ඔහුට නැත.
ඔහුට ඒ නිර්ණායක සැපයිය යුත්තේ
වෛද්‍ය සභාවයි.
පාර්ලිමේන්තුව සහ ජනතාව
ඒ නිර්ණායක විමසිය යුතුය.
ඔවුන්ගේ අදහස් අනුව
වෛද්‍ය සභාව සංශෝධන කළ යුතුය.

මේ නිර්ණායක ජාතික අවශ්‍යතාවයකි.
අද සිටින වෛද්‍යවරුන් පවා
මේ පසුබිම යටතේ ගොඩ වෙදුන් ලෙස
සැක කෙරෙන තැනකට වැටී ඇත.

රාජ්‍ය මට්ටමෙන් නීතිගත නිර්ණායක නැතිව
රජයේ වෛද්‍ය විද්‍යාල අටක් සහ
තවත් පෞද්ගලික වෛද්‍ය විද්‍යාලයක්
කිසිදු නීතිගත නිර්ණායකයකින් තොරව
ඒ වෛද්‍ය විද්‍යාල පවත්වාගෙන යෑම
මාරාන්තික, බිහිසුණු තත්වයකි.

ගෝත්‍රික සමාජයක යන්ත්‍ර මන්ත්‍ර කරන යකැදුරාට හිමි
උත්තරීතර ඒකාධිකාරය අප වෛද්‍යවරයාට හිමි වී ඇත.
සමාජයද මේ තත්වයට යට වී නිහඬ සිටින්නේ
ඒ සමානම බියගුළු ගෝත්‍රික ස්වභාවයකිනි.

පරිගණක භාවිතය නොදත් සාමාන්‍ය ජනතාවට
අද වෛද්‍යවරයා පෙනෙන්නේ හාස්කම් ඇති දේවාලයක
මහා බලවත් කපුවෙක් මෙනි.
මවුකුසේ සිටින දරුවා පිරිමිද ගැහැණුද කියන්නට පවා හැකි
මේ බලගතු කපුවාට ජනතා ගෞරවය අතිමහත්ය.

"රටේ කිසිම වෛද්‍ය විද්‍යාලයකට අදාල වූ,
කිසිම නිර්ණායකයක් ඇමති වරයා විසින්
නීතිගත කර නැති නිසා නීතිය හමුවේ ඔහු සිටින්නේත්
නීතියේ හස්තයට ලඟාවිය හැකි වපසරියක නොවේ.

බටහිර රටක වෙසෙන සිංහල පවුලක්
දරු උපතේදී රෝහලේ වරදක් නිසා
වෛද්‍යවරයාට එරෙහිව නඩු මගට පිළිපන්නෝය.
වෛද්‍යවරයෙක් ලෙස ඔහු වරදක් කළ බවට
උසාවිය මගින් තීන්දු වූ නිසා ඔවුන්ට
විශාල වන්දියක් හිමි විය.
අපේ රටේ ඉතිහාසයේ කොතැනක හෝ
ඔබ එවැන්නක් අසා ඇත්ද?

වෛද්‍ය විද්‍යාව දන්නා පිරිස නොදන්නා අප සලකන්නේද
අපට කතා කරන්නේද ගෝත්‍රිකයන් ආකාරයටයි.
මේ අසීමිත බලය ඔවුන්ට දෙන්නේ
අපේම ගෝත්‍රික නූගත් බව නම් සැබවි.

අප දෙන අසීමිත බලය හේතුවෙන්
වෛද්‍ය ක්ෂේත්‍රයේ වල සිදුවෙන සිදු කෙරෙන
ඕනෑම තරාතිරමක වරදකදී
"රටේ කිසිම වෛද්‍ය විද්‍යාලයකට අදාල වූ,
කිසිම නිර්ණායකයක් ඇමති වරයා විසින්
නීතිගත කරලා නෑ." කියා බේරෙන්නට
වැටක් ගේට්ටුවක්වත් නැති බිමක
මේ නීති සිදුර විසින් පහසුකම්
සපයා ඇත.

රටේ කිසිම වෛද්‍ය විද්‍යාලයකට අදාල වූ,
කිසිම නිර්ණායකයක් ඇමති වරයා විසින්
නීතිගත කර නැති නිසාවෙන්ම
රටේ සිවිල් හො අපරාධ නීතියෙන්ද
වෛද්‍ය විද්‍යාවේ නිර්ණායක අනුව
වරදකරුවෙක් කළ නොහැක.

රටේ කිසිම වෛද්‍ය විද්‍යාලයකට අදාල වූ,
කිසිම නිර්ණායකයක් ඇමති වරයා විසින්
නීතිගත කර නැති පසුබිමක
රජයේ වෛද්‍ය විද්‍යාල අටක් මගින්
වෛද්‍ය උපාධි ප්‍රදානය කරනවා නම්
තවත් පෞද්ගලික වෛද්‍ය විද්‍යාලයක් දෙන
වෛද්‍ය උපාධි තහනම් කරන්නට
උත්තරීතර උසාවියට හෝ
ප්‍රතික්ෂේප කරන්නට මහජනතාවට
තීරණ ගැනීමට හැකි වන අයුරින්
"රටේ කිසිම වෛද්‍ය විද්‍යාලයකට අදාල වූ,
කිසිම නිර්ණායකයක් ඇමති වරයා විසින්
නීතිගත කරලා නෑ."

මේ පැහැර හැරීම පිළිබඳව
ඇමතිවරයාට දොස් කියන පිරිසක්
වෛද්‍යවරු අතර ඇත.
එසේ නම් ඔහුට බලකල යුත් සහ
බලකල හැකි හොඳම පිරිස
කැස්සට හෙම්බිරිස්සාවටත් වර්ජන කරන
වර්ජන ශූරී අපේ වෛද්‍යවරු පිරිසයි.

ඔවුන්ගේ පුද්ගලික ප්‍රශ්නවලට
වර්ජනය කරද්දී ඔවුන්ට සාප කරන
රෝගීන්ද සහ මහජනතාව
වෙනත් ඉල්ලීම් සමග මිශ්‍ර නොකොට
මේ නිර්ණායක නීතිගත කරන්නට ඉල්ලා
වර්ජයකට යොමු වුණත්
මෙහි ජාතික වටිනාකම අවබෝධ වේ නම්
විරුද්ධ වේයයි සිතිය නොහැක.

සයිටම් ආයතනය අහෝසි කරන්නට
"සයිටම් ආයතනයට ප්‍රමිතිය නෑ" කියා
පාරට බහින වෛද්‍යවරු හා සිසු පිරිස
මේ නිර්ණායක නීතිගත කරන්නට
පාරට බැස්සොත් ඔවුන්ට සහයෝගය හැර
විරුද්ධත්වය දක්වන අය ඇත්තේ
නොසැලකිය යුතු තරම් අවම පිරිසක් බව
මේ ඡන්ද විමසීමෙන් පෙනෙයි.

https://www.facebook.com/groups/thulawa/permalink/1472776789413013/































සයිටම් වර්ගයේ හමුදා පුහුණු ආයතනයක්...?????



අපි ඔබට සුභ පතනවා නෝෂන්..

ඔබ අපට දෙන ඉඟිය අගෙයි.
සයිටම් ආයතනය පවතින
සැබෑ තත්වය ගැන ඔබ කරන
ඉඟිය ඉතාම සාර්ථකයි.

අපේ උගත්, නූගත් රටවැසියන්
තමන්ගෙ අයිතියක් වන රටේ නීතිය ගැන
තිබිය යුතු සාමාන්‍ය දැනීමෙන් තොරයි.
සීතල වන්නියේ වැද්දන් වගෙයි.

අපේ රටවැසියන්
වන්නියට වෙළඳාමට පැමිණි කූට වෙළඳුන්ට
ඇත් දල, කොටිහම්, මීපැණි හුවමාරු කොට
ලුණු මිරිස් තුනපහ වලට රැවටුණ වැද්දන් මෙන්
තමන්ගේ අයිතිය පාවා දෙන පිරිසක්.

වෛද්‍ය ක්ෂේත්‍රයේ සාර්ථකව සිදුවෙන දෙයක්
ආරක්ෂක ක්ෂේත්‍රයට ආදේශ කිරීම
ඔබ මේ කළ තරම්ම පහසුයි.

ඔබේ සයිටම් හමුදා පුහුණු ආයතනය
සෙබලුන් පත් කරන ආයතනයක් ලෙස
රටේ නීති ගත කරලා පටන් ගන්න.
ඔබ කැමති ගණනක් අය කරන්න.

පුහුණුව ආරම්භ කරන්න කලින්
හමුදාව සෙබලුන් පත් කරන නිර්ණායක
පාර්ලිමේන්තු පනතකින් නීතිගත කොට ඇත්දැයි
ඉතා හොඳින් සොයා බලන්න.

හමුදාව සෙබලුන් පත් කරන නිර්ණායක
රටේ නීතියට අනුව ''නීතිගත කරලා නැත්නම්''
ඔබට බයවෙන්න දෙයක් නෑ.


වෛද්‍යවරු පත් කරන
නීතිගත ප්‍රමිති නිර්ණායක නැතිව
අද පවතින අවිනිශ්චිත පසුබිම තුළ
සයිටම් ආයතනයට අද තියන නොනිසි බලය
අපේ රටේ පවතින නීතිය හමුවේ
ඔබටත් එලෙසින්ම තියනවා.

නිසි නීතිගත ප්‍රමිති නිර්ණායක රහිතව
තමන් හදාගත් හෝ පිට රටින් ගත්
'හිතුමතේ' ප්‍රමිති නිර්ණායක වලට
'හිතුමතේ' සෙබලුන් පත් කරන්න
ඔබේ හමුදාවට පුළුවනි නම්
වෙන කාටද බැරි?

ඔබේ හමුදා ආයතනයටත්
ඔබේ 'හිතුමතේ' නිර්ණායක යටතෙ
ඔබේ උණබට තුවක්කු හමුදාවෙ
හමුදා සෙබලුන් පත් කරන්න ඉඩ දෙන්න
රටේ ජනතාව ලෙස අපිට සිදු වෙනවා.
අපේ උසාවියටත්  සිදු වෙනවා.

හමුදාව සෙබලුන් පත් කරන නිර්ණායක
රටේ නීතියට අනුව නීතිගත කරලා නැත්නම්
අපත් උසාවියත් අසරණ වෙනවා.
ඔබ බලවත් වෙනවා.

අපි මරන්න හතුරෙක් එනකොට
ඔබේ හමුදාවෙ සෙබලෙක්
ඔහුගෙන් කෙනෙක් රකින්න වෑයම් කරද්දි
ඔබේ පුහුණුවෙ වරදකින් හතුරා බේරිලා
අර කෙනා මළත් කියන්න වෙන්නෙ
අන්තිමට ඔබටම තමයි.

යුදබිමේ මරණයෙන් ඔහු නිදහස්..

ඔබ ඔහුට කරන දේ අපි දන්නෙ නෑ.
හොයන්න අයිතියකුත් නෑ.
ඔබ ඔහුට තුවක්කුව ආයෙත් දීල
වෙන නමකින් එව්වත් කරන්න දෙයක් නෑ.
ප්‍රමිතියට නිර්ණායක නෑ.

හොරු කවුද කියා නිර්ණායක නැති රටක
හොරු ඇල්ලුවත් නඩු දාන්න බෑ.
හොරෙක් ස්ත්‍රී දූෂණයක් කළොත්
මිනී මැරුමක් කළොත් නඩු වැටෙනවා.
දඬුවම්ද ලැබෙනවා.
හොරු කවුද කියා නිර්ණායක නැති නිසා
හොරෙක් විදියට ඔහු නිදහස්.

නීතියට අනුව නීතිගත නිර්ණායක නැත්නම්
දැන් ඉන්න හමුදා සෙබලෙක් අරන් ගිහින්
"මෙයාට ප්‍රමිතියක් නෑ" කියල ඔබ කිව්වොත්
ඔහු සෙබළෙක්ද හොරෙක්ද කියා
උසාවියට තීරණයක් ගන්න බෑ.

කෝ නිර්ණායක?

නීතිගත නිර්ණායක නැතිව ඔබේ සෙබළු එළියට ආවම
ඉන්න අයටත් නීතිගත ප්‍රමිතියක් නැති නිසා
"උනුත් හොරු, මුනුත් හොරු" මට්ටමේ අවුලක්
රට තුළ නිර්මාණය වෙනවා.

මේ අවුල ඇතිවෙන්න ගියොත් හමුදාව ඔබට යටත් වෙලා
ඔබේ සෙබලුන්ගෙ ප්‍රමිතිය ඔවුන්ගෙ ප්‍රමිතියට එකඟයි කියල
රටේ ජනතාව ඉදිරියෙ බොරුවට හරි පිළිගනීවි.
සයිටම් එකටත් ඒ තෑග්ගම ලැබෙන්න පුලුවන්.

එවැනි දවසක් ආවොත් ඔවුන්ගෙ ප්‍රමිතිය හොඳයි කියා
වෛද්‍ය සභාව පිළිගත්තෙ ඇත්තටද බොරුවටද කියලා
එදාටත් දැනගන්න විදියක් ජනතාවට නැත්තෙ
නීතිගත නිර්ණායක අපට නැති නිසායි.

වෛද්‍ය සභාව නීතිගත ප්‍රමිති නිර්ණායක නැතුව
මෙතෙක් කල් වෛද්‍යවරු පත් කළ බව
සයිටම් පිහිට වූ මොළකරුවන් දකින්න ඇති.
මේ මාර්ගය සහතික නොවුණා නම්
ඔවුන් මේ ව්‍යාපාරය දියත් කරන්නෙ නැ.

රජයේ වෛද්‍යවරු රිංගන ගුලෙන්ම
ඔවුන්ගෙ වෛද්‍ය සිසුවනුත් රිංගවන්න
ඔවුන්ට හැකි වෙන බව ඔවුන් දන්නවා.

රජයේ වෛද්‍යවරු උසාවිය මග හැරලා
ඔවුන්ගෙ වෘත්තීය ගෞරවයත් නොසලකා
පිකට් බෝඩ් උස්සගෙන පාරට බැහැලා
අපිවත් අන්දලා පාරට බස්සා ගන්න හැදුවෙ
මේ සිදුර ඔවුනුත් දන්න නිසයි.

ප්‍රමිති බළලා මල්ලෙන් එළියට පැන්නෙ
සයිටම් ආයතනය අවස්ථානුකූලව ගත්
ඓතිහාසික උසාවි තීන්දුව නිසයි.

පාර්ලිමේන්තුවෙන් නීතිගත
නිසි ප්‍රමිති නිර්ණායක නැත්නම්
සයිටම් විදියටම ඔබේ කල්පිත ආයතනයත්
ජයග්‍රහණය හිමි වෙනවා.

ඒත් ඔබ මේ පැත්තත් හිතන්න.

හමුදාව සෙබලුන් පත් කරන නිර්ණායක
රටේ නීතියට අනුව නීතිගත කරලා තිබුණොත්
හමුදාව උසාවි යන්නට පෙර
ඒ නිර්ණායක අරන් උසාවි ගිහින්
අපි ඔබේ උණබට තුවක්කු හමුදාව
උසාවිය මගින් අවලංගු කරනවා.
ඔබේ සෙබලුත් නුසුදුස්සන් වෙනවා.

ඔබේ ආයතනය බිහි කරන සෙබලුන්
නිසි ප්‍රමිතියක සෙබලුන්ද කියා මනින්න
නිසි ලෙස පාර්ලිමේන්තු පනතකින්
නීතිගත විය යුතුයි.

එතෙක් ඔබෙ කල්පිතය සැබෑවක්.

නිසි ප්‍රමිති නිර්ණායක නැති රටක
ඕනම හොරෙකුට ජනතාව රවටන්නත්
ඔවුන්ගේ සාක්කුවට විදින්නත්
පරිසරය සූදානම්.





20170217

සයිටම් වහමු.. මමත් එන්නම් ඔබ සමග...


සයිටම් වහමු..
මමත් එන්නම් ඔබ සමග...
මම කියන්නම් වහන ක්‍රමය.

"සයිටම් ආයතනයේ වෛද්‍යවරුන්ට ප්‍රමිතිය නෑ"
කියා අපි ඔවුන්ට චෝදනා කරනවා නම්
මේ ක්‍රමයට ක්‍රියා කළ යුතුයි.

[අද අපේ වෛද්‍යවරුන්ට නීතිගත ප්‍රමිතියක් නෑ.]

1,
වෛද්‍යවරයෙකු පත් කරන නිර්ණායක
රටේ නීතියක් විදියට නීති ගත කරගනිමු..
2,
ඒ නීති මත සයිටම් එකට නඩු දාමු..
3,
නීති මාර්ගයෙන් සයිටම් එක වහමු.

මේ පිළිවෙළට වැඩ කරනවා නම්
මම ඒ පාර්ශවයට එකතු වෙනවා.

රටේ නීතිවල සහාය නොසොයා
නීතිමය පදනමකින් තොරව
හිතුමතේට වැඩ කරන පිරිසක් සමග
වියරුවෙන් මෙන් හැසිරෙන්නටත්
මේ දක්වා
රටේ නීතියට අනුව ක්‍රියා කරන
සයිටම් එකට විරුද්ධව ක්‍රියා කිරීමටත්
නීතිගරුක ජනතාවට බැහැ.

ආරම්භයක් විදියට
"වෛද්‍යවරයෙකු පත් කරන නිර්ණායක
රටේ නීතියක් විදියට නීති ගත කරගන්න.."

ඒ සඳහා ජනතා සහාය ඉල්ලන්න.
මමත් ඒ පාර්ශවයට එකතු වෙනවා.

තමන්ට ප්‍රතිකාර කරන්නට එන
වෛද්‍යවරු පත් කරන නිර්ණායක
රටේ නීතියක් විදියට නීති ගත කිරීම
ජනතාව සතු වගකීමක්.


නිර්ණායක නීතිගත කරගෙන
ඒ නීති අනුව "ප්‍රමිතිය නෑ" කියා
සයිටම් එකට නඩු දාන්න..
සයිටම් එක වහන්න

නීතියට පිටින් වැඩ කරන්න
ජනතාව ඉත්තන් කර ගැනීම බාල වැඩක්.

මැරයන්, දාමරිකයන් නොවන
නීති ගරුක ජනතාවක් විදියට
එවැන්නකට සහාය දෙන්න බැහැ...

20170216

වෛද්‍ය සභාවට ප්‍රමිතියක් නෑ..



සයිටම් ප්‍රශ්නය තවදුරටත්
ජනතා ප්‍රශ්නයක් නොවෙයි.
සෞඛ්‍ය අමාත්‍යාංශයේ ප්‍රශ්නයක්.
හැමදාමත් එහෙමයි.

අපේ ආරක්ෂක නිලධාරීන් ලෙස
මේ ප්‍රශ්නයෙදි විතරක් පෙනී සිටින
රජයේ වෛද්‍ය සංගමය කියා හඳුන්වන
වෛද්‍යවරුන් එක්වී පිහිටුවා ගත් සංගමයක්
සයිටම් ආයතනය වසා දමන්නට
අපේ සහයෝගය ඉල්ලා අපට වද දෙනවා.

මේ අර්බුදය සයිටම් ආයතනය විසින්
ඔවුන්ගේ දුරමලකම මත සහ
කෑදරකම මත ඇති කළ අර්බුදයක් ලෙස
පෙන්වා දෙන්නට වෛද්‍ය සංගමය වෑයම් කළත්
මේ අර්බුදයේ නිර්මාතෘවරුන්ද සංගමයමයි.

"සයිටම් ආයතනයට නිශ්චිත ප්‍රමිතියක් නැත.
ඔවුන් බිහි කරන වෛද්‍යවරුන්ට ප්‍රමිතියක් නැත.
ඒ වෛද්‍යවරුන්ගෙන් බෙහෙත් ගැනීම මාරාන්තිකය"
මේ අප හමුවට කෑකෝ ගසමින් පැමිණෙන
අපේ සෞඛ්‍ය ආරක්ෂක වෛද්‍ය සංගමය
අප භීතියට පත් කරන්නට මතුරන
වෘත්තීය ප්‍රමිති මන්තරයයි.

ඔවුන් මේ මන්තරය යළි යළිත් මතුරන විට
ඉන් ආරූඪවන පිරිසක්ද සමාජයෙහි ඇත.
එහෙත් මන්තරය මතුරන්නට හේතු සොයන
විමර්ශනශීලී ජනතාව ඔවුන් දෙස බැලුවේ
මේ වෛද්‍යවරුන්ට ප්‍රමිතියක් ඇත්ද යන
විචිකිච්ඡාවෙන් යුතුවය.

වෛද්‍යවරුන්ගේ ප්‍රමිතිය වඩත් හොඳින්
නිදැල්ලේ ප්‍රදර්ශනය වුණේ සමාජ ජාලවලය.
වෛද්‍යවරුන් ආවේගශීලීව, මාන්නයෙන් ඉදිමී
වියරුවෙන් මෙන් හැසිරෙමින්, අසභ්‍ය වචන කියමින්
සිය අදහසට විරුද්ධ මත දරන අයට
පුද්ගලිකව නින්දා අපහාස කියමින්, අවලාද කරමින්
තොවිල් පලක මෙන් ආවේශවී යකා නටනවිට
ඔවුන් සතුව ඇතැයි ජනතාව සිතා සිටි ප්‍රමිතිය
ඔවුන් තුළ නැති බව පැහැදිළි විය.

සුදර්ශන බාලගේ වැනි
ස්ත්‍රී දූෂක මිනීමරුවන්ද
වෛද්‍ය ලෝගුව දාගෙන පැමිණෙන බව
ජනතාව දැක ඇත.

මෙවැනි අමිහිරි අත්දැකීම් ඇති නිසා
වෛද්‍යවරයෙකුගේ ප්‍රමිතිය මනින්නට
ස්වභාවයෙන්ම අප තුළ ඇති නිර්ණායකයන්
රජයකින් වෘත්තික ප්‍රමිතිය නීතිගත කරමින්
පනවන ලද නිර්ණායකයන් නොවේ.

සාමාන්‍ය ජනතාව
වෛද්‍යවරයා දකින්නේ දෙවියෙකු මෙනි.
රෝගීන් සුවපත් කරන්නට හැකියාව ලබාගෙන
අප අතරට පැමිණෙන සාන්තුවරයන් මෙනි.

එහෙත් සිහි කල්පනාව ඇතිව ඔවුන් දෙස බලනවිට,
ඉතා දිගු කාලයක් උසස් අධ්‍යාපනයක නිරතව
සමාජගත වන වෛද්‍යවරයෙකු තුළ
නිතැතින්ම තිබිය යුතු හික්මීම ඔවුන් තුළ නැත්නම්
ඔවුන්ගේ අධ්‍යාපනික ප්‍රමිතිය කෙබඳුද? යන
සාධාරණ සැකය අප තුළ පහළ වෙයි.

ප්‍රමිති අර්බුදයක් රැගෙන අප හමුවට එන
වෛද්‍යවරුන්ගේ ප්‍රමිතිය ජනතාව විසින් සෙවීම මත
දැන් තවත් ප්‍රමිති අර්බුදයක් නිර්මාණය කර ඇත.

සයිටමයේ ප්‍රමිතිය නැතැයි සොයන වෛද්‍යවරුන්
නිශ්චිත ප්‍රමිතියකින් සමාජගත වූවෝද?
සයිටමයට ආදර්ශ ගත හැකි නෛතික ප්‍රමිතියක්
රජයේ වෛද්‍ය විද්‍යාල සතුව පවතීද?

නිසි පරිදි ප්‍රමිතිගත වෛද්‍ය උපාධියක් නැතිව
වසරෙන් වසරට පවත්වන විභාග වල ප්‍රමිතියෙන්
වෛද්‍යවරු බිහි කරන වෛද්‍ය සභාවට
ඒ විභාග සඳහා නිශ්චිත ප්‍රමිතියක් නත්නම්
වෛද්‍ය සංගමය ප්‍රමිතියක් ගැන කියමින්
ජනතාව මුලා කිරීම වරදකි.

ලංකාවේ වෛද්‍යවරුන්ගේ ප්‍රමිතිය
නීතිගත නොවූ පාවෙන ප්‍රමිතියක් නිසා
"පෞද්ගලික වෛද්‍ය විද්‍යාල අධීක්ෂණයට
නෛතික බලයක් වෛද්‍ය සභාව සතුව නැතැයි"
සැබෑ අසරණභාවයෙන් පෙළෙමින්
පුවත්පත් දැන්වීම් මගින් ඔවුහු කියා පෑවේ
මුලු රටේම ජනතාවටය.

මෙසේ කී වෛද්‍ය සභාවේ සභාපති වරයා
උසාවි නියෝගය ඇසූ පමණින් විරුද්ධ වන්නේ
සයිටමයේ ප්‍රමිතිය පරීක්ෂා කිරීමෙන් නොවේ.
පරීක්ෂා කිරීමට නීතිගත නිර්ණායකද නැත.
ඔහුට කළ හැක්කේ මෙතෙක් කළාක් මෙන්
විභාගයක් පැවැත්වීම පමණි.
සයිටම් නඩු තීන්දුව (19 පිටුව)
"රටේ කිසිම වෛද්‍ය විද්‍යාලයකට අදාල වූ,
කිසිම නිර්ණායකයක් ඇමති වරයා විසින්
නීතිගත කරලා නෑ."

තාක්ෂණික වගකීමක් නැති ඇමතිවරයා මගින්
වෛද්‍යවරු පත් කිරීමේ ප්‍රමිති නිර්ණායක
පාර්ලිමේන්තු පනතකින් නීතිගත කිරීම
වෛද්‍ය සභාව සතු වගකීමක්.

රු 25000 දඩයට විරුද්ධ වුණ
බස්, කාර්, ත්‍රීවීල් කරුවන්ගෙ මානසිකත්වයම
වෛද්‍යවරුන්ටත් තියන නිසා
වෛද්‍ය සභාව මේ පියවර ගන්නෙ නෑ.

නිශ්චිත නිර්ණායක නැති ආයතනයකට
තමන් හදාගන්නා නිර්ණායක යටතේ
විභාගයක් පවත්වා කැමති අය සමත් කිරීම හැර
වෙනත් කළ හැකි දෙයක් නැත.

වෛද්‍යවරයා නිවසටම වී හිඳගෙන
දුරකථනයෙන් එන්නතක් නියම කිරීමෙන්
අත දරුවෙක් මියයන්නේද
ප්‍රමිති නිර්ණායක නැති මේ ක්‍රමයෙහි වරද විය හැක.

ප්‍රමිතිය මනින්නට නිර්ණායක නැති රටක
පුද්ගලික වෛද්‍ය විද්‍යාලයකට
ඔවුන් ප්‍රමාණවත් යැයි සිතන ප්‍රමිතියකින්
සිසුන්ට වෛද්‍ය අධ්‍යාපනය දෙනවා හැර
වෙනත් විකල්පයක් ඔවුන් සතුව ඇත්ද?

සයිටම් ආයතනයටත් දැන් බලපත්‍රයක් ඇත.
ඔවුන් ඉදිරිපත් කරන වෛද්‍ය සිසුන්ගේ ප්‍රමිතිය
කුමන මට්ටමක පවතිනවාද කියා නොබලා
ඔවුන් ලියා පදිංචි කරන්නට තීන්දු කරමින්
අධිකරණය විසින් වෛද්‍ය සභාවට
නියෝගයක් නිකුත් කර තිබෙන පසුබිමක
උසාවි නියෝගයට අනුව නෙවිල් උපාධිය දුන්නොත්
නිසි ප්‍රමිතියට නෑ කියන සයිටම් ප්‍රමිතිය
වෛද්‍යවරයෙකුගෙ නීතිගත ප්‍රමිතියක් වීම
කිසිවෙකුටත් වැළැක්විය හැකිද?

රටේ නිසි නීතිගත ප්‍රමිතියක් නැති නිසා
ඔවුන්ටද ඔඋව්න්ටම ආවේණික පාවෙන ප්‍රමිතියක්
මතු අනාගතයේද පවත්වා ගත හැක

මේ අනුව කවදා හෝ
රජය විසින් ප්‍රමිතියක් නීතිගත කරන තුරු
වෛද්‍ය සභා පාවෙන ප්‍රමිතිය සහ සයිටම් පාවෙන ප්‍රමිතිය කියා
එකිනෙකට නිර්ණායකයන් වෙනස් ප්‍රමිති දෙකක්
නුදුරු අනාගතයේ අප රටේ බිහි වනු ඇත.

කාලෝ ෆොන්සේකා පවසන්නේ,
උසාවි නියෝගය තමා ප්‍රතික්ෂේප කරන බවත්,
එය ප්‍රතික්ෂේප කිරීම හේතුවෙන්
තමා අත්අඩංගුවට ගත්තත්
තම ස්ථාවරය වෙනස් නොකරන බවත් ය.

කාලෝ පොන්සේකාත් වෛද්‍ය සභාවත්
අධිකරණ නියෝගය ඉක්මවා ක්‍රියාකරන්නට
සමත්ද කියා අපට ප්‍රශ්නයක් තියනවා.
කාලෝ ෆොන්සේකා නීතියට පිටින් යද්දි
නෙවිල් උසාවි නියෝගය පිළිපැද්දොත්
රජයත් නීතිගරුක ජනතාවත් ඉදිරියෙ
වැරදි කරු වෙන්නෙ කවුද?
කාලෝද නෙවිල්ද?

නෙවිල් උසාවි නියෝගය පිළිපදිමින්
සයිටම් සිසුන්ට වෛද්‍ය උපාධිය දෙනවා නම්
සායනික පුහුණුව තියනවාද ප්‍රශ්න කරන්න
කිසිදු ආයතනයකට නෛතික බලයක් නැත.
නිශ්චිත නීතිගත ප්‍රමිතියක් නැති  වෛද්‍ය ක්ෂේත්‍රයක
සයිටම් ප්‍රමිතිය කතා කරන්න පුලුවන්ද?.
වෛද්‍යවරයෙකුගෙ ප්‍රමිතිය මනින නිශ්චිත සූත්‍රයක්
වෛද්‍ය සභාවට  නැතුවා පමණක් නොව
පීඨයෙන් පීඨයටත් ප්‍රමිතිය වෙනස් වෙනවා.

අවසන් වෛද්‍ය විභාගය 
 පොදු බහුවරණ ප්‍රශ්න පත්‍රයක්, කෙටි රචනා, short cases හා Long cases ලෙස සායනික පුහුණුව අගයන පරීක්ෂණ දෙකකින් සමන්විතවන අතර ප්‍රධාන විෂයන් හතරටම මෙම කොටස් සියල්ලම වෙන වෙනම පවත්වනු ලැබේ. සමස්ත විභාගයම SLMC හා UGC මඟින් නියාමනය වේ. ඒ ඒ විෂයට අදාල පොදු බහුවරණ පත්‍ර සියලුම පීඨවලින් පැමිණි ඒ ඒ විෂයට අදාල විශෙෂඥයන් පිරිසකගෙ එකතුවෙන් නිමැවෙයි. පොදු ශ්‍රේණිගත කිරීමට මෙම බහුවරණ ප්‍රශ්න පත්‍ර විශේෂ දායකත්වයක් දක්වන නමුත් කෙටි රචනා කොටස දායක නොවෙ එනිසා එය පීඨ මට්ටමෙන් පැවැත්වේ. Short cases හා Long cases පොදු ශ්‍රේණිගත කිරීමට දායක වන අතර විභාග පරීක්ෂකයන් දෙදෙනෙක්ගෙ අධීක්ෂණය යටතෙ ලකුණු සටහන් වේ. බොහො අවස්ථාවලදී එක් පරීක්ෂකයෙකු එම පීඨයෙන්මත් සහ අනෙකා වෙනත් පීඨයකිනුත් සහභාගී වේ. සැබෑ රොගීන් ලබා දෙයි

කොළඹ පීඨයේ ප්‍රමිතිය උසස් කියා
අප රටේ පිළිගැනීමක් පවතින්නේ මන්ද?.
සයිටම් වැනි පුද්ගලික වෛද්‍ය විද්‍යාලයක ප්‍රමිතිය
මැනිය යුත්තේ කොළඹ පීඨයේ ප්‍රමිතිය අනුවද?
නැත්නම් උගන්වන්න මහාචාර්යවරුත් නැති
අවම ප්‍රමිතියේ වෛද්‍ය පීඨ ප්‍රමිතිය අනුවද?

නීතිගත ප්‍රමිතියක් නැතිකම මත පිහිටා
රජයේ වෛද්‍ය සංගමය ප්‍රයෝගකාරී ලෙස
සයිටම් ආයතනය අහෝසි කරන්නට
ක්‍රියා කරමින් සිටිති.

පොලීසියක් නැති වනචාරී පෙදෙසක
නීතිය හා ප්‍රමිතිය වන්නේ මැරබලයයි.
ඒ පෙදෙසේ රාජ්‍ය නීතියක් නැති තාක් කල්
මැර බලය අත්තනෝමතිකව හැසිරෙයි.
මහජනතාවට ලාභයක් වෙන දෙයක් වුවද
මේ පරිසරය තුළ ඔවුන්ට අහිමි විය හැක.

වෛද්‍යවරයෙකුගේ ප්‍රමිතිය නිශ්චිත නැති රටක
අලුතෙන් බිහි වෙන ඕනම පෞද්ගලික විශ්ව විද්‍යාලයක්
ප්‍රමිතිය ඇති කරගන්නට බාධා කිරීමෙන් පසුව
"ප්‍රමිතිය නැහැ" කියන චෝදනාව යටතේ අහෝසි කරන්නට
වෛද්‍ය ක්ෂේත්‍රයෙහි අනිසි බලයක් පතුරුවා සිටින
රජයේ වෛද්‍ය සංගමයට හැකියාව තියනවා.

වෛද්‍ය සංගමය හැඟීමෙන් යුතුව රඟපාන
අපේ පොලිස්කාරයාගෙ සහ සෙක්කාගේ ආස්ථානයට
ඔවුන් පත්කළේ කවුරුන් විසින්ද?
අපේ ජනතාවම නොවේද?

වෛද්‍යවරුන්ගේ වර්ජනයක් පවතින විට
මිය යන සහ අසාධ්‍යවන අසරණ රෝගීන්
ප්‍රාණ ඇපයට ගනිමින් ඔවුන් තනාගත්
සිවිල් බලය හැර වෙනත් බලයක් ඔවුන්ට ඇත්ද?

රජයේ වෛද්‍යවරුන්ගේ සංගමය
සෞඛ්‍ය අමාත්‍යාංශයට උසාවියට නොගොස්
"සයිටම් එකට ප්‍රමිතිය නෑ. වසා දමමු"
කියමින් ඔවුන් ජනතාව ඉදිරියට එන්නෙ ඇයි?

රජයේ වෛද්‍යවරුන් සහ වෛද්‍ය ශිෂ්‍යයන්
 රටේ ජනතාව ගැන හිතන්නෙ කොහොමද?
" මේ ප්‍රශ්න උඹලට තේරෙන්නෙ නෑ.
තේරුම් ගන්න පුලුවන් මෙඩිසින් කරන අපිට විතරයි"
මෙඩිසින් නොකරන, මෙඩිසින් ප්‍රශ්න නොතේරෙන
වෛද්‍යවරුන්ගේ ප්‍රමිතිය නොදන්නා අපිටම
ඔවුන්ගෙ ප්‍රමිති ප්‍රශ්න පුන පුනා කියන්නට
අපේ සහයෝගය යදින්නට හේතුව
අපේ ඒ මෙඩිසින් නොදන්නා කමම නොවේද?

අපේ ආරක්ෂකයා මෙන් පෙනී සිටින වෛද්‍ය සංගමය
සයිටමයෙන් අප ආරක්ෂා කරන්නට මේ රඟපාන්නේ
ව්‍යාපාරික අරමුණු සහිත "ගෝඩ් ෆාදර්"ගේ
නැත්නම් "අප්පච්චි"ගේ මැර චරිතය නොවේද?

"සයිටම් වෛද්‍යවරුන්ට ප්‍රමිතිය නෑ.
ඔවුන්ගේ ප්‍රතිකාර මාරාන්තික වෙන්න පුලුවන්.
සයිටම් අහෝසි කරන්න අපට සහාය වෙන්න."
නැත්නම් ලබන මැතිවරණයේදී
"අපිට සහාය දෙන අයට චන්දය දෙන්න"
කියා ඔවුන් අප සොයා එනු ඇත

රජය, සෞඛ්‍ය අමාත්‍යාංශය, වෛද්‍ය සභාව එකතුවෙන්
විසඳාගත යුතුව පවතින නිශ්චිත වෛද්‍ය වෘත්තික ප්‍රමිතිය පිළිබඳ
අපට බලපාන දැවෙන ප්‍රශ්නය අපෙන් සඟවාගෙන
භීතිය පතුරුවා හැර අයුතු ජනරාශියක් රැස්කරගෙන
ඒ ජන බලය මාර්ගයෙන් ඔවුන්ගේ වෙළඳපළ බාධක
රජය ලවා  ඉවත් කරගැනීම සඳහා
වෛද්‍ය සංගම් වටුවැද්දා අප මත එලන දැල
වටුවන් නොවන අපට නොපෙනෙන්නේ ඇයි.?

 සුද්දාගේ කාලයේ සිටම පැවති වෛද්‍ය සභාවට
අපට සරිලන නිශ්චිත වෛද්‍ය වෘත්තික ප්‍රමිතියක්
මේ දක්වාම ඇතිකරගන්නට අසමත් වීමට සහ
ඒ සඳහා ක්‍රියා නොකිරීමට හේතුව කුමක්ද?

නිශ්චිත වෛද්‍ය වෘත්තික ප්‍රමිතියක් පවත්වාගැනීමෙන්
වෛද්‍යවරුන්ගේ නිදහස සීමාවන අතර
වෛද්‍ය සභාවේ අධිකාරිත්වය අඩු වෙයි.

දෙවියන් වැඩ නොවසන දෙවොලේ
දැන් නඩුත් බඩුත් දෙකම හාමුදුරුවන්ගේය.
අපෙන් සඟවාගෙන සිටි කළු ප්‍රමිති බළල් තඩියා
මල්ලෙන් එළියට පැන්නේ සයිටම් අර්බුදය නිසාය.

පාවෙන ප්‍රමිතියකට වෛද්‍යවරු පත් කරන
නෛතික බල රහිත වෛද්‍ය සභාවක් විසින්
බාහිර පෞද්ගලික වෛද්‍ය ආයතනයක ප්‍රමිතිය
අවිනිශ්චිත මිම්මෙන් මනින්නට තැත් කිරීමෙන්
ඔවුන්ගේ නොමේරූ ප්‍රමිතිය නිරුවත් විය.

රජයේ වෛද්‍යවරුන්ටත් නිශ්චිත ප්‍රමිතියක්
මේ වනවිටත් සම්මත වී නැත්නම්
වෛද්‍ය සංගමය සයිටම් ප්‍රමිතිය මැන්නේ
ලාහෙන්ද, කුරුණියෙන්ද කියන ප්‍රශ්නය
අප හමුවේ ඇත.

රජයේ වෛද්‍යවරුන්ගේ සංගමය
පළමුවෙන්ම කළ යුත්තේ
වත්මනෙහි පවතින සහ අනාගතයේ බිහිවන
රජයේ සහ පෞද්ගලික දෙපාර්ශවයේම
සියලු අංශවල වෛද්‍යවරුන් සඳහා
උසාවියක පෙන්විය හැකි නීතිගත ප්‍රමිතියක්
වහාම සකස් කිරීමට රජයට බල කිරීමය.

මේ මහඟු ජාතික මෙහෙවර සඳහා අවශ්‍ය නම්
රිසි තරම් ජනතා ආශීර්වාදයක් ජනතා සහයෝගයක්
ජනතා ප්‍රේමී රජයේ වෛද්‍යවරුන්ගේ සංගමයට
නිශ්චිතවම හිමිවනු ඇත.

ඒ වගකීම දරන්නට
ඔවුන්ට හැකියාව ඇත්ද?

20170215

සයිටම්, උසාවි නියෝගය සහ රජයේ වෛද්‍ය අරගලය

මහින්ද ජනපති - මෛත්‍රී සෞඛ්‍ය ඇමති සහ
කාලෝ/නෙවිල් ප්‍රනාන්දු එක්ව දියත් කළ සයිටම් ඔරුව
උසාවි නියෝගය වෙරළට සේන්දු වන්නට
රජයේ වෛද්‍ය සංගම් සුළඟ නොවිණි නම්
කිසිදා නොහැකි වනු ඇති.

ජනතාවට හිමි රජයේ රෝහල්
සිය පෞද්ගලික බූදලයක් ලෙස සලකා
සයිටම් සිසුන්ට බාධා කිරීම් කළ
රජයේ වෛද්‍ය සංගම් පාර්ශවයේ විරෝධය
මේ උසාවි නියෝගය ලබා ගන්නට
නෙවිල් ප්‍රනාන්දුට අවකාශ සැලසිණ.
මහින්ද, මෛත්‍රී, කාලෝ, නෙවිල් යන
මේ සියලුම රජ ඉත්තෝ එක් පසකි.
දැන් රජයේ වෛද්‍ය සංගමයද
මහින්දලාට එක් වී ඇති හෙයින්
මහින්ද මගින් ඔවුන් නෙවිල් හා බැඳේ.

මේ නාට්‍ය කණ්ඩායම කුමක් හෝ
නාඩගමක් සඳහා සැරසෙන බව නම්
අපට සැක නැත.

"සයිටම් වෛද්‍යවරු ලියාපදිංචි කරන්නට නම්
මගේ මළකඳ උඩින් යායුතුයි"
කාලෝ වීරයාගේ වහසි බස් අපි ඇසුවෙමු.

සයිටම් ආයතනයට සායනික පුහුණුව සමග
පීඨාදිපතීන් රජයේ යෝජනා සැකසීමත්
සමහර පීඨාදිපතීන් එහි වගකීමෙන් මිදීමත්
එක් ජවනිකාවක රඟ දෙනු දුටුවෙමු.

උසාවි නියෝගය ඒ අයුරින්ම පිළිපදිමින්,
සයිටම් සිසුන්ට වෛද්‍ය උපාධිය පිරිනැමීම
නෙවිල් ප්‍රනාන්දුගේ ස්ථාවරය බව පැවසීම
ආසන්නම රසවත් ජවනිකාවයි..

"පුද්ගලික වෛද්‍ය විද්‍යාල අපට එපා"
රජයේ වෛද්‍ය සංගමයේ ස්ථාවරයයි.

මහින්ද සහ නෙවිල්ගේ දරුවාගේ ගැබ
කල් මෝරා දරුවන් බිහි වෙන්නට පෙර
අකල්හි මන්ද පෝෂිත දරුවන් ලැබෙන සේ
උසාවි ගොස් සිසේරියන් කරගන්නට වරම් ලැබුණේ
මහින්ද පාක්ෂික රජයේ වෛද්‍ය සංගමය
නිසි කල්හි ගැබට නිසි ප්‍රතිකාර කරමින්
අවශ්‍ය ලෙස තිඹිරිගෙය සැකසූ හෙයිනි.

නෙවිල් පුරසාරම් කියන අයුරින්
සයිටම් සිසුන්ට වෛද්‍ය උපාධිය දෙන්නට
ඔහු උසාවි නියෝගය අනුව ක්‍රියා කළ හොත්
ඔවුන් ලියාපදිංචි නොකරන්නෙමැයි
කාලෝ ෆොන්සේකාගේ ස්ථාවරයෙහි
ඔහු පිහිටා සිටියහොත් කුමකින් කුමක්වේද?

රජය, සයිටම් ආයතනය, රජයේ වෛද්‍යවරු
යන පාර්ශව තුන ක්‍රියා කරන ආකාරය තුල සහ
හැඟීම් ඇවිස්සෙන අයුරින් හැසිරීම තුළ
මෙහි පසුබිමේ වෛද්‍ය උපාධි දීම ඉක්මවා ගිය
කූට දේශපාලනික යාන්ත්‍රණයක් පවතින බව
විමසිල්ලෙන් සිටින්නාට පැහැදිලිය.

මේ කැරැල්ලට බර යාන්ත්‍රණයට
හැඟීමෙන් අතගහන යමෙක් වෙයි නම්
ඔහු අනිවා ඒ යාන්ත්‍රණයෙහි ඉත්තෙක් වීම
වැළැක්විය නොහැකි වනු ඇත.

රජය, සයිටම් ආයතනය, රජයේ වෛද්‍යවරු
යන පාර්ශව තුනටම ඔවුන්ගේ අවශ්‍යතා හැර
දෙපැත්තේම ඉගෙනගන්නා සිසුන් ගැන
හැඟීමක් ඇතැයි සිතිය නොහැකිය.

දැන් දෙපිරිසේම අනාගතය සුරක්ෂිතය.
රජයේ වෛද්‍ය විද්‍යාල සිසුන්ට නම් කවදත්
ඔවුන්ගේ අනාගතය සුරක්ෂිතය.
උගන්වන්නට මහාචාර්ය වරු හා
වෙනත් පහසුකම් කොතෙක් අඩුපාඩු තිබුණත්
ප්‍රමිතිය ප්‍රශ්න කරන්නට කෙනෙක් නැත.
මෙතෙක් සියලු ප්‍රශ්න තිබුණේ සයිටම් සිසුන්ටය.

නෙවිල්ගේ ස්ථාවරය අනුව
සයිටම් සිසුන්ගේ අනාගතයද
රජයේ වෛද්‍ය සිසුන්ගේ මෙන්ම
ප්‍රමිතිය ඇතුව හෝ නැතුව සුරක්ෂිත වන්නේ
උසාවි නියෝගය අනුව වෛද්‍ය උපාධිය දෙන්නට
නෙවිල් අධිෂ්ඨාන කරගෙන ඇති බැවිනි.

නෙවිල් පරාජය කරන්නට සටන මෙහෙයවන්නේ
කැරලි දෙකක් ඇතිකර සිසුන් දහස් ගණක් බිලි දී
ඉතිහාසයෙහි කුප්‍රසිද්ධියක් ඇති ජවිපෙ සමග
මහින්ද පිළ සහ රජයේ වෛද්‍ය සංගමයයි.

රජයේ වෛද්‍ය සිසුන්, සමග විශ්ව විද්‍යාල සිසුන්,
උසස්පෙළ සිසුන් ආදී මේ ගැටලුවට නෑ හිතවත්
සියලුම සිසුන් සමග සහය දෙන තරුණ පෙළට
මොනවා හෝ අතට දී මහමගට ගන්නට
උණුසුම් පසු බිමක් සකස් වී ඇත.

කාට හෝ අවශ්‍ය නම්, කාට හෝ වාසි නම්
මේ ආවේග ශීලී ඉත්තන් පිරිස එහා මෙහා කරමින්
තමන්ගේ කෙනෙකු රජ කරගෙන, අනවශ්‍ය ඉත්තන්
කැපෙන්නට ඉඩ හැර රජ ගේමක් දෙන්නට
තවත් ජවිපෙ කැරැල්ලක් වුව දියත් කරන්නට
දාම් පෙත හතර අත සූදානම්ය.

කැපුණොත් මිස රජවෙන්නට නොහැකි
මේ දාම් පෙතෙහි ඉත්තෙක් වෙනවාද
රසිකයෙකු නරඹන්නෙකු වෙනවාද යන්න
අපේ තීරණයකි.

රහතන් වහන්සේ තුළ අඳුර නැහැ... ආලෝකය පමණයි.

.
Rahul Randunu
[[[ බුධ හැම වෙලාවෙම එක පැත්තක් තමයි සූර්යයා දෙසට මුහුන ලා සිටින්නේ.
අනිත් පස හැම විටම අදුරුයි. අධිකව සීතලයි. ]]]

රහත් වෙනතුරුම මේක තමයි 
මිනිසා ජීවත් වෙන තත්වය..

හුස්ම වැටෙන්නෙත් අඳුරු පැත්තෙ.

හුස්ම වැටෙනවා. ඔහු දන්නෙ නෑ.
රහත් වුණාම ඔහු ඔහු තුළ සියල්ලම දන්නවා.
රාත්‍රියේත් ඔහු ඔහු තුළ සියල්ලම දන්නවා.
පුහුදුන් මිනිසා කය දන්නෙ නෑ.
කය අඳුරු පැත්තෙ.
ඉරියව් දන්නෙ නෑ. අඳුරු පැත්තෙ.
වේදනා දන්නෙ නෑ. අඳුරු පැත්තෙ.
සිත දන්නෙ නෑ. අඳුරු පැත්තෙ.
නීවරණ දන්නෙ නෑ. අඳුරු පැත්තෙ.
හඟීම්, සිතුවිලි දන්නෙ නෑ. අඳුරු පැත්තෙ.
ඒ පැත්ත හැමදාම අඳුරෙ. සීතලේ..
ආනාපාන සතියෙන් පටන්ගෙන 
තමන්ගේ අඳුරු පැත්ත තුළ ආලෝකය උපදවා ගනිමින්
සිහිය පිහිටුවා ගන්නට විදසුන් වඩන ආර්ය ශ්‍රාවකයාගෙ 
අඳුරු පැත්ත ආලෝකවත් වෙන්නට පටන් ගන්නවා.
කෙලෙස් සපුරා නැසී ගොස්
සිත කය දෙකම ආලෝකවත් වූ
රහතන් වහන්සේ කෙනෙක් 
තමන්ගෙ කය අස්සක් මුල්ලක් නෑර 
සෛලයක් පාසා දන්නවා.
"වේදනාත්‍රය පරිඥාත කල්හි
ආර්යශ්‍රාවකයාහට මත්තෙහි කටයුතු
කිසිවක් නැතැයි කියමි."
රහතන් වහන්සේ 
පැය විසි හතරම ඉන්නෙ සිහියෙන්.
පිරිනිවන් පාන්නෙ සිහියෙන්.
සම්පජානෝ සතියෙන්.
සම්පජානෝ සතියෙන් වෙසෙන
රහතන් වහන්සේ බුද වගේ නොවෙයි.
හිරු වගෙයි.
ඔහු තුළ අඳුර පොදක් නෑ.
ආලෝකයම විතරයි.
නිවන් සාක්ෂාත් කළ කෙනෙක් වෙසෙන්නේ
සම්පජානෝ සතියෙන්.
සම්පජානෝ සතිය කවරේදැයි
බුදුන් වහන්සේ විස්තර කරන්නේ මෙසේය.
1,
විදිතා වේදනා උප්පජ්ජන්ති,
විදිතා වේදනා උපට්ඨහන්ති,
විදිතා වේදනා අබ්භත්ථං ගච්ඡන්ති.
2,
විදිතා සංඥා උප්පජ්ජන්ති,
විදිතා සංඥා උපට්ඨහන්ති,
විදිතා සංඥා අබ්භත්ථං ගච්ඡන්ති.
3,
විදිතා විතක්කා උප්පප්ජන්ති,
විදිතා විතක්කා උපට්ඨහන්ති,
විදිතා විතක්කා අබ්භත්ථං ගච්‌ඡන්‌ති;
1,
දැනුවත්වම වේදනාවෝ උපදිත්.
දැනුවත්වම වේදනාවෝ පවතිත්..
දැනුවත්වම වේදනාවෝ අස්තයට යෙත්.
2,
දැනුවත්වම සංඥාවෝ උපදිත් ...
දැනුවත්වම සංඥාවෝ පවතිත්..
දැනුවත්වම සංඥාවෝ අස්තයට යෙත්.
3,
දැනුවත්වම විතර්කයෝ උපදිත්.
දැනුවත්වම විතර්කයෝ පවතිත්..
දැනුවත්වම විතර්කයෝ අස්තයට යෙත්.
සරලව
සති සම්පජන්‍ය නම්
1, විඳින සියලු වේදනා
2, දැනෙන සියලු සංඥා
3, ඇතිවෙන සියලු විතර්ක
ඇතිවෙන ආකාරයත්, පවතින ආකාරයත්
නැති වෙන ආකාරයත් පිළිබඳව
සිහියෙන් පසු වීමයි.
නිවන් දුටු කෙනෙක්
ඔහු සතු සංවේදී බවෙහි
උපරිමයට පැමිණි කෙනෙක්.
මේ ආකාරයෙන් වසන කෙනෙක් තුළ
මෝහය පවතින්නේ නැහැ.
ඔහු පැය විසිහතරම 
සිහියෙන් පසු වෙන කෙනෙක්.

වහරක හිමි පිරිනිවන් පෑවාද?


වහරක හිමි අපවත් වූ බව සැළයි.
ඔහු රහත් වී ඇතැයි සිතන අය ඇතත්
ලෞකික ධ්‍යාන වලට වැඩි යමක්
ඔහු ලබා ඇතැයි මා සිතන්නේ නැහැ.

කාය වේදනා දෙක බැහැර කොට
බුදු දහම දේශනා කරන කිසිවෙක්
බුදු දහම නිවැරදිව ග්‍රහණය කළ කෙනෙක් ලෙස
සලකන්න බැහැ.

ඔහුගේ ධ්‍යානයට මානසිකව සම්බන්ධ වී
සිත එකඟ කරගන්නට ඔහුගේ දේශනා මගින්
හුරු වූ පිරිස එතුලින් පත්වන සමාධිය නිසා
ඔහු රහත් වී ඇතැයි මුලා වෙනවා.

ඒ දේශනා වලට අරුතක් අවශ්‍ය නෑ.
අසන තැනැත්තාට දේශනාව භාවනාවක්..
විතක්ක විචාර පීති සුඛ ආදී
පියවර පසු කරමින් චිත්ත ඒකග්ගතාවයට
අසන්නා පත් වෙනවා.

කොමා තත්ත්වයකින් ඉන්න කෙනෙක්
ඒ තත්වයෙන්ම මියගියොත් ඔහු මිය යන්නෙ මෝහයෙන්.

රහතන් වහන්සේ කෙනෙක් කිසිදු හේතුවක් මත
සිහියෙන් තොරව මෝහයෙන් පිරිනිවන් පාන්නෙ නෑ.
මෝහයෙන් මිය යන්නෙ පුහුදුන් කෙනෙක්.
සමථ භාවනාවෙන් කෙලෙස් යටපත් කර ගෙන
ලෞකික ධ්‍යාන ලැබුවත්, ඔහු පුහුදුන්.

ලෞකික ධ්‍යාන වල වෙසෙන අයගෙ නින්ද ගැඹුරුයි.
ධ්‍යානයකින් මළොත් බඹ ලොව යන එකයි ඉරණම.

රහත් වුණ කෙනෙක් මෝහයට වැටෙන්නේ නෑ.
ඔහු නින්දට පත් වන්නේත් නැහැ.
ඔහු වෙසෙන්නේ සම්පජානෝ සතියෙන්.

මග ඵල ලද කෙනෙක් පසුවෙන සම්පජානෝ සතිය
අවසාන මොහොත දක්වා තිබිය යුතුයි..

නිවන් සාක්ෂාත් කළ කෙනෙක් වෙසෙන්නේ
සම්පජානෝ සතියෙන්.

සම්පජානෝ සතිය කවරේදැයි
බුදුන් වහන්සේ විස්තර කරන්නේ මෙසේය.

1,
විදිතා වේදනා උප්පජ්ජන්ති,
විදිතා වේදනා උපට්ඨහන්ති,
විදිතා වේදනා අබ්භත්ථං ගච්ඡන්ති.
2,
විදිතා සංඥා උප්පජ්ජන්ති,
විදිතා සංඥා උපට්ඨහන්ති,
විදිතා සංඥා අබ්භත්ථං ගච්ඡන්ති.
3,
විදිතා විතක්කා උප්පප්ජන්ති,
විදිතා විතක්කා උපට්ඨහන්ති,
විදිතා විතක්කා අබ්භත්ථං ගච්‌ඡන්‌ති;

1,
දැනුවත්වම වේදනාවෝ උපදිත්.
දැනුවත්වම වේදනාවෝ පවතිත්..
දැනුවත්වම වේදනාවෝ අස්තයට යෙත්.
2,
දැනුවත්වම සංඥාවෝ උපදිත් ...
දැනුවත්වම සංඥාවෝ  පවතිත්..
දැනුවත්වම සංඥාවෝ  අස්තයට යෙත්.
3,
දැනුවත්වම විතර්කයෝ උපදිත්.
දැනුවත්වම විතර්කයෝ පවතිත්..
දැනුවත්වම විතර්කයෝ අස්තයට යෙත්.

සරලව
සති සම්පජන්‍ය නම්
1, විඳින සියලු වේදනා
2, දැනෙන සියලු සංඥා
3, ඇතිවෙන සියලු විතර්ක
ඇතිවෙන ආකාරයත්, පවතින ආකාරයත්
නැති වෙන ආකාරයත් පිළිබඳව
සිහියෙන් පසු වීමයි.

නිවන් දුටු කෙනෙක්
ඔහු සතු සංවේදී බවෙහි
උපරිමයට පැමිණි කෙනෙක්.

මේ ආකාරයෙන් වසන කෙනෙක් තුළ
මෝහය පවතින්නේ නැහැ.

ඔහු පැය විසිහතරම
සිහියෙන් පසු වෙන කෙනෙක්.

20170209

සයිටම් ගැන දෙමාපියන් හිතන්නෙ කොහොමද?



සයිටම් ප්‍රශ්නෙදි රජයේ වෛද්‍යවරු තනි වෙන්නෙ
ඔවුන්ගේ අමානුෂික ලෙස ආත්මාර්ථකාමී පිළිවෙත නිසයි.

 

රජයේ රෝහල්
රජයේ වෛද්‍යවරුන්ගේ පෞද්ගලික බූදලයක් නොවෙයි.

රජයේ රෝහල් පෞද්ගලික වෛද්‍ය විදුහලක
සායනික පුහුණුව සඳහා ලබා නොදිය යුතුයි කියා
ජනතා අයිතියට බලපෑම් කරන්නට
නෛතිකවත් සදාචාරාත්මකවත් ඔවුන්ට අයිතියක් නෑ.

රජයේ රෝහල් සැබෑ ලෙස අයිති මහජනතාවටයි.
රජය වගකිවයුත්තේ මහ ජනතාවටයි.

ප්‍රජාතන්ත්‍රවාදී රටක රජය කියන්නෙ
මහජනතාව පත් කරන ලද මහජන්තා සේවකයායි.
අපෙ රටේ නූගත් ජනතාවට ඒ හැඟීම නැති වීම
හැම ක්ෂේත්‍රයකටම බලපාන ගැටළුවක්.
ඒත්
ජනතාව මේ ප්‍රශ්නයට මැදිහත් නොවී
තමන්ගෙ වැඩක් බලාගෙන ඉන්නෙත්
ඒ හැඟීම නැති නිසාමයි.
වෛද්‍යවරුන් තමන්ට වඩා බුද්ධිමත් කියන
මායාවෙන් උපන් හීනමානයත්
ඔවුන් තුළ තියනවා.

වෛද්‍ය විද්‍යාලයට යන දරුවාට
දෙමව්පියන් තුළ දකින්නට ලැබෙන
ඇදහිය නොහැකි වහල් භාවය
මුළු රටේම ජනතා සිත් සතන් තුළට
කාවැදී තියනවා.

මේ නිසා තම දෙමව්පියන් නෑදෑයන් හමුවේ
ඔවුන් පවත්වන අධිකාරී බලයෙන් මත්වෙන ඔවුන්
ඒ බලය සමස්ත සමාජය මතම පවත්වන්නට
උත්සාහ කරනවා.

මේ බලය තම දරුවාට ලබා දෙන්නට
යටිසිතින් හෝ එළිපිට සිහින මවන දෙමව්පියන්ට
වෛද්‍ය විද්‍යාල ශිෂ්‍යයයා හැඟෙන්නේ
තමන්ගේ දරුවාගේ පෙරගමන් කරුවෙක් වගෙයි.
රටේ ජනතාව මත්වී සිටින මේ මත් ද්‍රව්‍යය
සයිටම් ප්‍රශ්නය මතුවෙන තෙක්
හොඳින් ක්‍රියාත්මක වුණා.

රජයේ වෛද්‍ය විද්‍යාල වල ශිෂ්‍යයන්
කලා හෝ වාණිජ පීඨ සමග ගැටුණා නම්
ජනතාව වෛද්‍ය පීඨයේ සහයෝගය සඳහා
භාවිතා කරන්නට
වෛද්‍ය සිසුන්ට අපහසු වන්නේ නැහැ.
තමන්ගේ දරුවාට කෙණෙහිළිකම් කරන
පිට දරුවෙක් වැනි කලා හෝ වාණිජ පීඨ දරුවා
ඉබේම වැරදි කරු වෙනවා.

වෛද්‍ය සිසුන් දෙපිරිසක් අතර සටනකදී
එක පැත්තක් ගන්නට අපේ රටේ දෙමව්පියන්ට බැහැ.
ඔවුන් මේ දරුවන් දෙදෙනාටම යටත්.

එක දරුවෙක්
රජය මත යැපෙන, ජනතා මුදලින් යැපෙන
පැරණි යල් පැනගිය නිදහස් අධ්‍යාපන ක්‍රමයට
අධ්‍යාපනය ලබන්නෙක්.

අනෙක් දරුවා
එක වසර කප්පමෙහි සිට
මෙතෙක් කළාක් මෙන්
ඉගෙනුම මිලට ගන්නෙක්.
මුදලට ඉගෙනුම ලැබීම
ඔහුට අලුත් දෙයක් නොවෙයි..

දරුවාගේ අධ්‍යාපන තරඟයට
එක වසරේ සිටම නොයෙක් වියදම් දරමින්
වහලුන් මෙන් නොවිඳිනා දුක් වින්ද දෙමාපියන්ට
නිදහස් අධ්‍යාපනය යනු බොනිකර තරුවක්.

නිදහස් අධ්‍යාපනයට රජය වැය කරන මුදල්
නොයෙක් පුහු ව්‍යාපෘති මගින් ගසා කෑමෙන් පසු
ඉතිරිය නාස්ති වෙනවා.
පරිගණක අධ්‍යාපනය මේ සඳහා
ඉතාම හොඳ උදාහරණයක්.
ගෙදර පරිගණකයක් නැති දරුවෙකුට
පාසලින් ලැබෙන පරිගණක අධ්‍යාපනයක් නැහැ.

දරුවන්ගේ අධ්‍යාපනය වෙනුවෙන්
පළවෙනි වසර සඳහා ගෙවන අල්ලසෙහි සිට
අප්‍රමාණ වියදමක් කරන දෙමාපියන්ට
තමන්ගේ දරුවා මුදල් වියදම් කර
වෛද්‍යවරයෙක් කරගන්නට හැකිනම්
ඒ සිහිනයෙන් මත්වී සිටින දෙමාපියන් කිසිවෙක්
අකමැති නැහැ.

සයිටම් ප්‍රශ්නයේදී ජනතාව මුනිවත රකින
ප්‍රබලම හේතුව මේ හැඟීම විය හැකියි.

අද නිදහස් අධ්‍යාපනය ලෙස සැලකෙන්නේ
මුදලට ගත හැකි අධ්‍යාපනයයි.
නිදහස් අධ්‍යාපනය නමින් හඳුන්වමින්
රජය හරහා සමස්ත ජනතාවත්
පුද්ගලිකව මාපියනුත් ගසාකන මාෆියාව
දෙමාපියන්ගේ හිස මත පැටවුණ බරක්.

ඊනියා නිදහස් අධ්‍යාපනය ලබන බොහෝ දරුවන්
අධ්‍යාපනය මිලට ගන්නේ හවස පන්තිවලින්.
පාසලෙන් අධ්‍යාපනය ලබන දරුවන් සීමිතයි.
මේ රටාවට හුරුවී සිටින දෙමාපියන්ට
පෞද්ගලික වෛද්‍ය විද්‍යාලය කියන්නෙ
අඩු සුදුසුකම් වලින් දිනාගත හැකි කිරුළක්.

එක වසරකට රජයේ වෛද්‍ය පීඨ වලට තෙරෙන
සිසුන් දහසක් පමණ සංඛ්‍යවක් සහ
ඔවුන්ගේ දෙමව්පියන්ට නිදහස් අධ්‍යාපනය
රටේ සෙසු ජනතාවට නිදහස් නැහැ.
රජයේ පාසල් පාසල අවට වෙසෙන අයට හැර
නිදහස් අධ්‍යාපනික ආයතන නොවෙයි.
ඒ අයුරින්ම වෛද්‍ය විද්‍යාල සිහිනයත්
උසස්පෙළ ඉගෙනුම ලබන සිසුන්ට සහ
ඔවුන්ගේ දෙමාපියන්ට අවදානම් කඩුල්ලක්.

විශ්ව විද්‍යාල අත්පොතට අනුව
වෛද්‍ය විද්‍යාලයකට ඇතුල්වීමට අවශ්‍ය වන
රසායන, භෞතික, ජීව විද්‍යා අංශ වලින් S3ක් තිබීම
රජය පිළිගන්නා අවම සුදුසුකම වුවත්
S3ක් ගැන්නා දරුවෙකුට වෛද්‍ය විද්‍යාලය
සිහිනෙන්වත් දැකිය නොහැකි සුරවිමනක්.

විශ්ව විද්‍යාල අත්පොතට අනුව
රසායන, භෞතික, ජීව විද්‍යා අංශ වලින් S3ක් සහිතව
පෞද්ගලික වෛද්‍ය විද්‍යාලයකට
තමන්ගේ දරුවා නිදහසේ යවා ගන්නට
අපේ අධ්‍යාපන ක්‍රමය තුළ
ලැබෙන්නට යන මේ අවස්ථාවට
කිසිම දෙමාපියෙක් විරුද්ධ වෙන්නෙ නැහැ.

13 වසරක් පුරා දරුවෙක් වෙනුවෙන් වෙහෙස වී
රජයේ වෛද්‍ය විද්‍යාලයට අවශ්‍ය Z-Score එක
දරුවාට ලබා දෙනවාට වඩා පහසුවෙන්
ලක්ෂ 120ක් සපයා ගැනීමට හැකි දෙමාපියන්
අප රටේ දැන් නැත්නම් ඉදිරියෙදි බිහි වේවි.

පෞද්ගලික පාසල් බිහිවෙද්දි විරුද්ධ වුණ
අදූරදර්ශී පිරිස අද නිහඬ වුණා මෙන්
පෞද්ගලික වෛද්‍ය විදුහල් වලට
අඩ විරුද්ධ වෙන පිරිසත් නිහඬ වෙන දවස
වැඩි ඈතක නොවෙන්න පුලුවන්.

කූට දේශපාලනඥයන්,
ජාවාරම්කාර විදුහල්පතිවරුන් සහ
ඔවුන්ගේ තැරැව්කරුවන් අත පවතින
අපේ රටේ නිදහස් අධ්‍යාපනය
මුදලට ගත හැකි තැනට පත් වීමෙන්
සමාජයේ යම් පිරිසකට හෝ
නිදහසක් ලැබෙනවා.

පුද්ගලික පාසල් පිළිබඳ ආකල්පයෙන්
ඒ නිදහස ඉව කරන අපේ දෙමාපියන්
තම දරුවා වෛද්‍යවරයෙක් කරගන්නට ඇති
පුළුල් අවස්ථාව යළිත් පටු කරගන්නට
කැමති වන්නේ නැහැ.

අපේ රටේ දෙමාපියන් අති බහුතරයක්
ඔවුන්ගේ දරුවාට ධන, නිල බල සමග
සමාජ පිළිගැනීමකට ලක්වෙන අයුරින්
වෛද්‍යවරයෙක් කරගන්නට ඇති සිහිනයට
පුළුල් නොවන නමුත් දොරටුවක් වන
පුද්ගලික වෛද්‍ය විද්‍යාලවලට
කැමති වීම වැළැක්විය හැකිද?

පොත් කියවන දරුවාට විභාග ජයගැනීම පහසුයි.



අනේපිඩු සිටු තුමා
බුදුන් වහන්සේ ළඟට ගිය පුතාට
ඔහු යන වාරයක් පාසා
මුදල් ගෙවා තියනවා.

දරුවෙකුට නොමිලේ සලකනවාට වඩා
ඔහු අපෙන් යමක් උපයා ගැනීම
හිතට සතුටක් වගේම
අපි අතර ඇතිවෙන්න ඉඩ තියන
අනවශ්‍ය බැඳීමෙනුත් මිදීමක්.
අප මෙන්ම ඔහුත් නිදහස්.
අපටත් වඩා
දරුවාට ඒ නිදහස වටිනවා.

මාසෙකට විතර කලින්
පුතා මේ ඩයිනොසෝර් අරන් ඉල්ලුවා.
"මාසයක් ඇතුළත
පිටු 1500ක පොත් කියෙව්වොත්
අරන් දෙන්නම්" කියා දුන් පොරොන්දුව
අපි අද ඉටු කළා.

ඒ මුදල
වෙන දේකට වියදම් කරලා
ඊට වඩා වටිනා දෙයක්
අපට ලබාගන්න පුලුවන් කියා
මම හිතන්නෙ නැහැ.

කියවූ පොත් වලින් ඔහුට එකතුවුණ දේත්
නිශ්චිත කාලයක් අරමුණක් පසුපස හඹා යන්නට
ඔහුට නිතැතින් ලැබුණ පුහුණුවත්
යමක් දිනාගැනීමෙන් ඔහු ලබන සතුටත් සමග
දරුවෙක් පොත් කියවන්න හුරුවෙද්දි
දෙමාපියන් විදියට අපි වින්ද සතුටත්
මුදලෙන් මිළ කරන්න බැහැ.

 ඔබ කියවීමට හොර ඇති.
නොකියවන කෙනෙකුට කියවීම වටින්නෙ නෑ.

ඔබේ දරුවා පාසල් යන කාලෙට
ඔහුගෙ දක්ෂතාවයෙ තරමට
විභාග වලින් ලකුණු නොලැබෙන කොට
ඔහුට ප්‍රශ්න පත්‍රයක් කරන්න දීල බැලුවොත්
කියවීම ඔහුට කොතරම් අවශ්‍යද කියා
ඔබට වටහාගන්න පුලුවන් වේවි.

දක්ෂ බුද්ධිමත් දරුවන්
විභාගවලින් අසමත් වෙන්න
ප්‍රධානම හේතුවක් වෙන්නෙ
ප්‍රශ්නය පහසුවෙන් කියවා
හොඳින් තේරුම් ගන්නට තරම්
ඔහුගෙ කියවීමෙ හැකියාව දියුණු නැති වීමයි.

දෙවනුව
වචන හා වාක්‍ය ගලපා ලියන්නට
ඔහුට හුරුවක් නැති නිසයි.

කුඩා කල සිටම පෞද්ගලික පාසල්වල
හතරෙ පන්තියෙ අවසාන වාරය තෙක්ම
ඉංග්‍රීසියෙන් ඉගෙන ගත් මගේ පුතාට
ළමයි 85ක් ඉන්න කුඩා ප්‍රාථමික පාසලකින්
169ක් අරන් 5 ශිෂ්‍යත්වෙ සමත් වෙන්න හැකි වුණේ
අපි හැකි උපරිමයෙන් ඔහුට සිංහල කියවීම
හුරුකර තිබුණ නිසයි.
5 ශිෂ්‍යත්වෙන් දෙවැන්නාට ලකුණු 111යි..
ඒ පරතරයට ප්‍රධාන හේතුව
ඉංග්‍රීසියෙන් ඉගෙන ගත් අපේ පුතා
සිංහල කියවීමට හුරුවීම සහ
ඒ පාසලේ 1 වසරෙ සිටම
සිංහලෙන් ඉගෙන ගත් අනෙක් සිසුන්
කියවීමට හුරු නොවීම.
.
කියවන්න බැරි ළමයාට
අනිවාර්යයෙන්ම ලියන්නත් බෑ.

දරුවෙක් මොන ටියුෂන් පන්තියට ගියත්
කියවන්නෙ නැත්නම් දැනුම ලැබෙන්නෙ අඩුවෙන්.
ලැබෙන දැනුමත් කොළේක ලියාගන්න බෑ.

කියවීම දරුවගෙ අවශ්‍යතාවයක්..
දරුවා කියවීම අපට පහසුවක්.