20180306

"මෛත්‍රී හොරෙක්ද.?"


මෛත්‍රී හොරෙක් කියලා කියන
එකම දේශපාලනඥයෙක්වත්
අපිට හමු වෙන්නෙ නෑ.

මහින්ද, විමල්, අනුර, ගම්මන්පිල ආදී
කිසිම කෙනෙක් මෛත්‍රී හොරෙක් කියන්නෙ නෑ.
එහෙම කියලා මිනිස්සු විශ්වාස නොකළාම
ඒ බොරුව වෙන බොරු වගේ නොවෙයි.
ඒ බොරුව අහු වෙනවා.
ඒ නිසා ඔවුන් ප්‍රවේශම් වෙනවා.

එහෙම කරන්න හැදුවොත්
මෛත්‍රී හොරෙක් නොවෙයි කියල
හයි ලයිට් වෙනවා.

"මෛත්‍රී හොරෙක්" කියන එක රැල්ලක්.

ෆේක් එකවුන්ට් වලින් එන
මාධ්‍ය කණ්ඩායම් සාමාජිකයන් විසින්
රස්සාවක් වශයෙන් ඇති කරන
අස්වාභාවික ගොබෙල්ස් රැල්ලක්.

අන්තර්ජාලය පුරා පැතිරෙන
පෝස්ට් වලින් ඇති කරපු රැල්ලක්
අනිත් ඔක්කොම රැල්ලට ගසාගෙන ගියත්
රැලි වලට අහුවෙන්නෙ නැතුව ඉන්න
කෙනෙකුට ශක්තියක් තියෙන්නෙ ඕන.
ඒ ශක්තිය නැති මිනිස්සු
බහුල වශයෙන් ඉන්න රටක් මේ.

මට මගේ කියල චින්තනයක් තියනවා.
මුළු ලෝකෙම එක පැත්තක් ගත්තත්
මගේ මතය මා තුළින්ම බිඳෙන තුරු
මම ඒ මතයෙ ඉන්නවා.

මෛත්‍රීට විරුද්ධ වෙන්න ඔබට තියන
සාධාරණ අයිතියම
මෛත්‍රී වෙනුවෙන් පෙනී සිටින්නට
මටත් තියනවා.

ලංකාවෙන් 44%ක් ඉන්නෙ තමන්ගෙ කියල
නිදහස් ස්වාධීන මතයක් නැති
උත්පත්තියෙන්ම මහරගම මිනිස්සු.
මහින්ද විසි කරනවානම්
පොල්ලෙල්ලටත් ඡන්දෙ දෙන මිනිස්සු.
මෛත්‍රී හොරෙක් කියල කෙනෙක් කිව්වොත්
මහරගම මිනිස්සු ඔක්කොම ඒක කියනවා.

මෛත්‍රී හොරෙක් නොවෙයි කියා හිතන අපි
මහරගම මිනිස්සු වෙනුවෙන් යමක් කළ යුතුයි.
ඉඳහිට හෝ ස්වාධීනව හිතන කෙනෙක්
ඔවුන් අතරෙත් ඉන්න පුලුවන්.

ජනපති කම ගත්තට පස්සෙ
එකපාරටම මෛත්‍රී හොරෙක් වුණා නම්
ඒක පුදුම සිදුවීමක්.
මිනිස්සු ගහෙන් ගෙඩි එන්න වගේ
හොරකම් වලට පෙළඹෙන්නෙ නෑ.

හොරකමෙන් වැළකීම
එක මොහොතෙන් කරන්න පුලුවන්.
පෙළඹීම කල් ගතවෙලා සකස්වෙන
ප්‍රවණතාවයක්.

තමන්ගෙ කියල හැඟීමක් නැති
කුඩා දරුවන් හොරකම් කරන්නෙ
එහෙම දෙයක් දැනගෙන නොවෙයි.
වැඩිහිටියන් දරුවන් හොරකම්වළින්
උවමනාවෙන් වැලැක්වුවේ නැත්නම්
හොරකමට ඇබ්බැහි වෙන්න පුලුවන්.

ගෙදරින් පිට හමුවෙන කිසිම දෙයක්
පාරෙ වැටිලා තිබිල අහුලගෙනවත්
ගේ ඇතුළට අරන් එන්න එපා කියල
මගේ පුතා මොන්ටිසෝරි යද්දිම
මම ඔහුට නීතියක් දැම්මා.

මොන්ටිසෝරි වයසෙදි
රුපියල් දෙකක් අරන් ගිහින
මම ඔහුට තදින් දඬුවම් කළා.
පස්සෙ රුපියල් සියයක් අරගෙන ගිහින්
කලින් දඬුවම පණස් ගුණයකින්
වැඩි කරල දෙන්න බැරි නිසාම
එදා දඬුවම් නොකර කියල දුන්නා.
කාලයකට ඒ පුරුද්ද මග ඇරුණා.

පුතා පහ වසරෙදිත්
බඩු ගේන්න කඩේ ගිය වෙලාවට
ඉතුරු සල්ලි වලින් කඩචෝරු කන්න
අපි නොදැනුවත්ව හුරුවෙලා හිටියා.
මම පස්සෙන් ගිහින් අතටම ඇල්ලුවා.
ඒක අපට කළ හොරකමක් කියලා
අපි ඔහුට කියල නතර කළා.
කඩේටත්
කිව්වා.

පුතා පස්සෙ දවසක ඒ කඩෙන්ම
ටිපි ටිප් එකක් හොරෙන් අරන් කාල
කොළේ වීසි කරල ගෙදර ආවම
බිරිඳට සුවඳ ආවා.
ඇහුවාම ඔහු පිළිගත්තා.

මම පාරට ගිහින් බැලුවාම
කොළෙත් පාරෙ තිබුණා.
මම ඔහුත් කොළෙත් අරන් කඩේට ගියේ
දඬුවම් දෙන්නත් සූදානමින්.
"ටිපි ටිප් එක බලමින් ඉන්නවා මම දැක්කා"
මුදලාලි මාත් එක්ක කිව්වා.
කඩේ තව කීප දෙනෙක් සිටියා.
මම ඔහුට එතනදිම දඬුවම් කළා.
ඒක ඔහු කරගත් අනතුරට කළ
හදිසි ප්‍රථමාධාරයක්.
නැත්නම් ඔහු හොරෙක් වෙන්න ඒ ඇති.

හොරකම් කරන්න අවශ්‍ය වෙන
හිරි ඔතප් නැති ප්‍රවණතාවය නිසා
ඔහු ලොකු වුණාම හොරෙක් වෙන්නත් පුලුවන්.
පොලීසියට භාර දීම හැරෙන්න
එදාට අපිට වෙන කරන්න දෙයක් නෑ.
මට ඒක කරන්නත් පුලුවන්.
මම මොනතරම් දුකෙන් වුණත්
ඒක කරනවා.
දෙමව්පියන් වශයෙන් අපේ වගකීම
අපි ඉටු කරල තියන නිසා
එදාට අපි වැරදි නෑ.

මේ අත්දැකීම නැතිව හැදෙන දරුවන්
ලක්ෂ ගාණක් ලංකාවෙ ඉන්නවා.
මව/පියා කාර්යාලයෙන් අරගෙන එන පෑන,
පැන්සල, කොලේ අරගෙන පාසල් යන
ලක්ෂ ගාණක් ලංකාවෙ ඉන්නවා.
ඒ දරුවො හොරකමට එරෙහිව
හැදෙන්නෙ කොහොමද?

ඔබත් හොරකම් කරල ඇති.
මමත් පුංචි කාලෙ කරල තියනවා.
ඒ අතීතය අමතක කරන්න.
ඔබ මේ මොහොතෙත් හොරෙක්ද?

මේ මොහොතෙත් ඔබ හොරෙක් නම්
රට කරවන මහ හොරුන්ට විරුද්ධ වෙන්න
ඔබට ආත්ම ශක්තියක් තියනවද?

ඔබ තුළ, ඔබේ චරිතය තුළ
හොරකමට ඇති ප්‍රවණතාවය
ඔබ මෛත්‍රීට විරුද්ධ කෙනෙක් කරන
ප්‍රධානම දුර්වලකමයි.
ඔබ කුඩාවට හෝ හොරකම් කරනවා නම්
"මෛත්‍රී හොරෙක්" කියා හිතන එක, කියන එක
ඔබේ හිතට ලොකු සැනසිල්ලක්.
නැත්නම් ඔබේ මේ අපිරිසිදු බව
ඔබට වද දෙන ගැටළුවක්....

හොරකමට නැඹුරු ප්‍රවණතාවයක් ඇති
සාමාන්‍ය ඕනම කෙනෙක් තුළ බැලුවොත්
තමන්ගෙ මට්ටමෙන් පෑනක් පැන්සලක් හෝ
හොරකම් කරන ප්‍රවණතාවයක් තියනවා.
හොරකම් කරන අය අනිවාර්යයෙන්ම
බාහිර සැප සම්පත් වලට, උපකරණවලට
යාන වාහනවලට, ගේ දොර ඉඩකඩම් වලට
ඇඳුම් පැළඳුම් වලට, කෑම බීමට කෑදර වීම
පොදු ප්‍රවණතාවයක් ලෙස තියනවා.

එවැනි මිනිසුන් සියයට අසූවක්
මෛත්‍රීට එරෙහිව මහින්දට, රනිල්ට
පසු ගිය දවස්වල කැමැත්ත දුන්නා.

මෛත්‍රීට විරුද්ධව 80%ක්.

මේ තරම් හතුරො ඉන්න මෛත්‍රීට
මේ වසර තුන තිස්සෙ වුණත්
දූෂණ චෝදනා නැත්තෙ ඇයි.?

මෛත්‍රී ඇමති කාලෙ කීප වතාවක්
ඔහු මරන්න හැදුවා... ඔහු බේරුණා.
ඔහු දූෂිත නම් ඔහු මරන්න අවශ්‍ය නෑ.
ඔහු නොමරා මරන්න ඒ හොඳටම ඇති.

මෛත්‍රී දූෂිත නෑ කියල  මම හිතන්නෙ
ඒ හේතු කිහිපය මතම නොවෙයි.
ඊට වඩා ප්‍රබල හේතු තියනවා.

මෛත්‍රී දූෂිත නෑ කියල
මම සැකක් නැතුව හිතන්නෙ
මෛත්‍රී ගතකරන ජීවිතය ගත කරන්න
ඔහුට දූෂණ වල යෙදෙන්න අවශ්‍ය නෑ
කියලා මට පැහැදිලිව පෙනෙන නිසයි.

හානා හීය පානා අඬහැරෙන් දැනේ.

චතුරිකා හෝ දහම් දූෂණ කළාය කියල
කවුරු හරි බොරුවට හෝ කිව්වොත්
මම ඔවුන් දෙන්නා සැක කරනවා.
ඔහුගෙ සොහොයුරන් සැක කරනවා.
දූෂණ වල යෙදිය යුතු විදියෙ ජීවිත සහ
උවමනාවල් ඒ අයට තියන බව පෙනෙනවා.
දහම්ගෙ යාලුවො සැක කටයුතුයි.
චතුරිකාට අවධානය අවශ්‍යයි.
ඇයට මොනවා හෝ කරන්න අවශ්‍යයි.
දූෂණ වංචා සහිත දේකට
චතුරිකා පෙළඹෙන්න ඉඩ තියනවා.

ඒත්
මෛත්‍රී හෝ, ඔහුගෙ බිරිඳ හෝ
අපි නොදන්නා අනික් දියණිය හෝ
දූෂිතයි කියා කිව්වාට පිළිගන්න තරම්
හේතු කිසිවක් මට තවම හමුවෙලා නෑ.
ඔවුන්ට සතුටෙන් ඉන්න යාන වාහන,
ගේ දොර ඉඩකඩම් අනවශ්‍ය බව
අපිට බැලුවාම පෙනෙනවා.

ජනපතිකම නැති දවසක
මෛත්‍රීට පොළොන්නරුවට වෙලා
හේනක් කුඹුරක් කරගෙන ඉන්න පුලුවන්.
බලය සොයාගෙන පන්සල් ගානෙ යන්න
මෛත්‍රී ක්‍රියා කරන එකක් නෑ.

මෛත්‍රී හොරෙක් කියා විශ්වාස කරන
ඕනම කෙනෙක් තමන්ගෙ ජීවිතය
තමන්ට අවංකව පරීක්ෂා කර බැලුවොත්
ඔහු ඉතාම සුළුවෙන් හෝ සැක බිය නැතුව
හොරකම් කරන්න ලැජ්ජා නැති කෙනෙක්.

හොරකම අහඹුවක් නොවෙයි.

හිතා මතා සැලසුම් කරල කරන
භාරදූර කාර්යයක්, බර වැඩක්.

හොරකමක් කරන්න ඇතිවෙන උවමනාවට
පළමුව හිතේ පහළවෙන රාගය වැඩිලා
ඒ හොරකමෙන් විඳින්න පුලුවන් සැප ගැන
කාමච්ඡන්දයක් කෙනෙකුට ඇති වෙනවා.
ඒ බලය නිසයි හොරකම සිදුවෙන්නෙ.

මේ ක්‍රියාවලිය ඇත්තටම දුකක්.
ඒ දුක නොතේරෙන අය පමණයි,
හොරකමට ඇබ්බැහි වෙන්නෙ.

හොරකම් වලට යොමුවෙන අයට
ඒ සල්ලි වලින් කරන්න වැඩ තියනවා.
ඒ විදියෙ අරමුණු මත
දූෂණ වලින් සල්ලි හොයන අය
මේ රජය තුළත් ඉන්නවා.

මෛත්‍රී සල්ලි වීසි කරල බලය ගන්න
අතීතයේ කවදාක හෝ හිතුවා නම්
වසර 47ක් තිස්සෙ දූෂණ චෝදනා
කිසිවක් නැතිව ඉන්න ලැබෙන්නෙ නෑ.
2015 දිනන්නෙත් නෑ.

බලය හොයන අය සල්ලි හොයනවා.
සල්ලි හොයන්න බලය හොයනවා.

මෛත්‍රීට දූෂණ චෝදනා තිබුණා නම්
ඒ චෝදනා එළියට එන්නෙ මහින්දගෙන්..
ඔහු සමග ජනපතිවරණයට ආව වෙලාවෙ
ඒ චෝදනා ඉදිරිපත් කළා නම්
මෛත්‍රීට දිනන්න ලැබෙන්නෙ නෑ.

මම මෛත්‍රී හොරෙක් නෙවෙයි කියන්නෙ
මගේ හිතේ තියන භක්තිය නිසා නොවෙයි.
මේ වගේ නොයෙක් කෝණ වලින් හිතා බලල
මට සැක සහිත තැන් හමු නොවුණ නිසා
මම දරන මතය වෙනස් වෙලා නෑ.

මෛත්‍රී හොරෙක් කිව්වාම ඔව් කියා අදහන අය
මොන යම් හේතුවක් නිසා ඔහුට විරුද්ධ අයයි.
ඔවුන්ට තියන ලොකුම ගැටළුව වෙන්නෙත්
එවැන්නෙක් ඔවුන් අතර සිටීම නිසා
මත්පැන් බොන පිරිසක් අතර
නොබොන කෙනෙක් ඉන්නවා වගේ
ප්‍රශ්නයක් ඇති වෙනවා.

ලංකාවෙ ඡන්ද දායකයන්ගෙන් 80%කට
දූෂණ වංචා ප්‍රශ්නයක් නෑ.
මෛත්‍රීත් හොරෙක් කියල හිතන්න, කියන්න
ඒ සියයට අසූවක් ජනතාව කැමතියි.
ඒ සියයට 80 හඳුනාගන්න පුලුවන්.
ඔවුන්ගේ චරිත, කතා බහ ආදිය
අනන්‍යතාවයක් සහිතව සමානයි.

මේ රටේ හොරකම් නවත්වන්න නම්
ඒ නවත්වන පුද්ගලයාට 50%ක් ජනතාව
බලය ලබා දෙන්න ඕන.
ඒ ශක්තිය නැත්නම් බහුතරය විසින්
ඔහු විනාශ කරනවා.

ලංකාව පුරාම විසිරී ඉන්න
ඕනම පොල්ලෙල්ලකට ඡන්දෙ දෙන
මහරගම මිනිස්සු බලාපොරොත්තු වෙන්නෙ
මහින්ද, රනිල් වගේ දක්ෂ හොරු මිසක්
හොරකම් නැති කරන අය නොවෙයි.

හොරකමට විරුද්ධ අය අතරෙත් ඉන්න
මැර චරිත බලාපොරොත්තු වෙන්නෙ
හොරු විනාශ කරන මැරයෙක්.
එහෙම කෙනෙක් බලයට ආවොත්
ඉන්න හොරු අල්ලලා හිර කරලා
මැරයා කෑම පටන් ගන්නවාට සැක නෑ.

දූෂණ නැති කරනවා නම් කරන්නෙ
රටේ බහුතරයක කැමැත්තත් ලැබෙන,
චරිතයෙන් මෛත්‍රී වගේ කෙනෙක්.

අද ලැබී තියන
සුළු නිහඬ ජනප්‍රියත්වයෙන්
මෛත්‍රීට ඒක කරන්න බැහැ.
ගහක් වුණත් බිම වැටෙන්න
ගුරුත්ව කේන්ද්‍රය පනින්න අවශ්‍ය
යම් සීමාවක් තියනවා.

ලෝක ස්වභාවය ඒකයි.

ප්‍රජාතන්ත්‍රවාදී නැති
ඒකාධිපති මැරයෙකුටවත්
සියයට පණහක ජනතා කැමැත්ත
ලබාගන්න බැරි නම් බලයෙ හිටියත්
විශාල වෙනස්කම් කරන්න බෑ.

ලංකාවෙ 80%ක්ම ඡන්දෙ දුන්නෙ
හොරුන්ට සහ හොරු විසි කල
පොල්ලෙලිවලට බව අපි දන්නවා.
ඉතුරු විස්සෙනුත් මෛත්‍රීට ලැබුණ
ඡන්ද ප්‍රතිශතය කීයද?

මේ ප්‍රතිශතයෙ බලයෙන්
රට වෙනස් කරන්න තරම් ශක්තියක්
මෛත්‍රීට ලැබෙන්නෙ නෑ.

ඉදිරි අවුරුදු දෙකේ රට යන්නෙ
දූෂණය පැත්තටද නැත්නම්
දූෂණ විරෝධය පැත්තටද කියල
ඉදිරි මැතිවරණ වලදි බලමු.

මෛත්‍රී බලයෙ ඉන්න තුරුම
යමක් වෙන්න පුලුවන් කියන
දැඩි විශ්වාසයෙන් නොසැලී
මම ඉවසීමෙන් බලාගෙන ඉන්නවා.
මට කිසිම හදිසියක් ඇත්තෙ නෑ.

ත්‍රී වීලරයක් හරවන්න වගේ
බර වහනයක් හරවන්න බෑ.
පල්ලමේ වේගයෙන් ඇදිලා යන
දූෂිතයන් සහිත බර වාහනය
ආපසු හරවාගෙන කන්ද ඇදීම
ඊටත් වඩා අමාරු වැඩක්.

මෛත්‍රී මේ දූෂිත රටේ
තිරිංග තද කරන්න උත්සාහ කළත්
මම උපරිම තෘප්තිමත්.

කවමදාවත්
දූෂණ වංචා නැතිම කරන්න බෑ.
ඒත් අවම කරන්න පුලුවන්.
ඒ බලාපොරොත්තුව තියනවා.

මෛත්‍රීට බලය නැති වුණදාට
නැවත ඔහු බලයට එනතුරු
මම ඒ බලාපොරොත්තුව අත් හරිනවා