20121122

ඡායාරූප ශිල්පියා යනු කැමරාව නොවේ..


මා හිතවත්
විලාසිතා ඡායාරූප ශිල්පියෙකු වන
මෙත්තසේන
වරක් ඔහුගෙ අත්දැකීමක්
මා සමග කීවේය.
ඔහු ඒ අත්දැකීම කීවේ
කවර ආකාරයේ හැඟීමකින්දැයි
මට මතක නැත,
එහෙත් කල් යාමේදී

මුලු මහත් ඡායාරූප ශිල්පී ක්ෂේත්‍රයම
කිසියම් සරල වර්ගීකරණයකට බඳුන් කිරීමට
එම අත්දැකීමට ශක්තිය ඇති බව මට හැඟින.
----------------------------------------------------------------------------------------------------------------------------------------------
විදේශීය සඟරාවක
විලාසිතා ඡායාරූප මාලාවක්
ලංකාව පසුබිම් කරගෙන ඡයාරූප ගතකිරීමට
යැස්මින් ගෞරි නම් නිරූපිකාව සමග පැමිණි
දක්ෂ ඡායාරූප ශිල්පියෙකු වෙනුවෙන්
ඔහුගේ සම්බන්ධීකරකයෙකු ලෙස වැඩ කරන්නට
මගේ මිත්‍රයාට අවස්ථාව ලැබිණ.
ඔවුහු කොළඹ සහ මහනුවර ප්‍රදේශවල
රූ ගත කිරීම් වල යෙදුණෝය.

නිරූපිකාව සහ ඡායාරූප ශිල්පියාට අමතරව
තවත් ඡායාරූප ශිල්පීන් කිහිපදෙනෙකු
එම කණ්ඩායමට අයත් වූහ.
එම ඡායාරූප ශිල්පියා වෙනුවෙන්
ආලෝකය පිරික්සමින්,
ආලෝකය නිසි පරිදි සකසමින්
එම අවස්ථාවේ පවතින ආලෝකයට ගැලපෙන අයුරින්
තාක්ෂණික ක්‍රම වේදයන්ට අනුව
ඡායාරූපය ගැනීමට සුදුසු තත්වයට
කැමරාව පත් කරන්නේ ඔහුගේ සහායකයින්ය.
අනාවරණය කාච විවරය ආදිය
නිසි ලෙස සකසා දුන් කැමරාව අතට ගන්නා
ප්‍රධාන ඡායාරූප ශිල්පියා
රාමුව නිසි ලෙස සකසා ඡායාරූප ගනියි.
ඔහු කරන්නේ එපමණෙකි.

සමාන්‍යයෙන්
සෑම දක්ෂ ඡායාරූප ශිල්පියෙකුම
මේ කාර්යයන් දෙකම
තමා විසින්ම කර ගන්නෝය.
සෑම අදක් ඡායාරූප ශිල්පියෙකුම
සහයකයින්ගේ කාර්යය
අදක්ෂ ලෙස, සාමාන්‍ය ලෙස හෝ
ඉතා දක්ෂ අන්දමින් කර ගන්නෝය.
ඔවුන් අදක්ශ ඡායාරූප ශිල්පීන් වන්නේ
අර ඡායාරූප ශිල්පියාකළ දේ
ඔවුන්ට කර ගන්නට බැරි නිසාවෙනි.

කොතරම් හොඳින්
අවස්ථාවට ගැලපෙන අයුරින්
කැමරාව සකස් කරගන්නට
යම් ඡායාරූප ශිල්පියෙකු දක්ෂ වුවද
කැමරාවේ දසුන් කවුලුවෙන්
දකින දර්ශනයෙහි
අනවශ්‍ය දේ කැපී ඉවතට යන ලෙසත්,
ඒ දර්ශනයෙහි, වර්ණ, හැඩතල, රේඛා ආදිය
රිද්මයකට අනුකූලව මතුකරගෙන
එහි සුන්දරත්වය නිරූපනය කරන්නටත්
ඔහුට නොහැකිනම්
ඔහුගේ ඡායාරූපය
මනා ආලෝක තත්වයෙන් යුතු
නීරස දසුනක් වනු ඇත.

ඡායාරූප ශිල්පියෙකු ලෙස කෙනෙකු
තාක්ෂණික භාශා ඥාණයෙන් කෙළ පැමිණියද
ඔහු එම භාෂාවෙන් ඉදිරිපත් කරන
දෘෂ්‍යමය ප්‍රකාශනයෙන්
අප තුළ කිසියම් සසල වීමක් නොවන්නේ නම්
ඔහුගේ ප්‍රකාශනය අපට අදාළ නොවේ.

තාක්ෂණික ගුණාත්මක භාවය
ඡායාරූපයක් මනින
ප්‍රධාන මිනුම් දණ්ඩ ලෙස සලකන
බොහෝ ඡායාරූප ශිල්පීන්
සිය ඡායාරූප වලට ලැබෙන
ඇල්මැරුණු ප්‍රතිචාර වලින්
විමතියට පත්වෙති.

තාක්ෂණික වශයෙන් දුර්වල ඡායාරූපයක්
සම්භාවනාවට පාත්‍ර වනු දකින ඔවුහු
ඊටත් වඩා විමතියට පත්වෙති.

කැමරාව කරන්නේ
ඡායාරූපය සටහන් කරගැන්මය.
එහි සටහන් වන්නේ කුමක්දැයි
තීරණය කරන්නේ
ඡායාරූප ශිල්පියායි.
ඔහුගේ ඡායාරූපයේ අගය
රඳා පවත්නේ
ඡායාරූපය වශයෙන්
ඔහු සටහන් කරගන්නට
තීරණය කරන
රූපයෙහි අගය මතය.

මා ඉහතකී
ඡායාරූප ශිල්පියාගේ සහායකයින්
ඔහුට කරදෙන දේ ඉගෙන ගන්නට..
කැමරාව කරන්නේ කුමක්දැයි
ඉගෙන ගන්නට
ජීවිතයම ගත කරන
බොහෝ ඡායාරූප ශිල්පීහු
කැමරාව කරන දේ
නිසි පරිදි සිදුවන්නට
තමා කළයුතු කුමක්දැයි නොදනිති.

මරණ දඬුවම පමුණුවනවාට කැමැත්තෙමි


 මරණ දඬුවමෙහි අරමුණ
 වරද කරුගෙන් පළිගැනීම නම්
එය ම්ලේච්ඡ ක්‍රියාවක්.


එහෙත්
 
මරණ දඬුවමෙහි අරමුණ
හිතට වහල්වී වරද කරන්නවුන්
මරණ බියෙන් බියගන්වා
වරදින් වැළක්වීම නම්
මරණ දඬුවම ක්‍රියාත්මක කිරීම
සමාජයකට අවශ්‍ය ක්‍රියාවක්..

 
මා තවෙකෙකු මැරුවොත්
ඒ සඳහා මගේ ජීවිතයෙන්
මා වන්දි ගෙවිය යුතුය.

එහෙයින්,
මම මරණ දඬුවම පමුණුවනවාට
කැමැත්තෙමි.


මරණ දඬුවම පමුණුවනවාට
මා කැමැතිවන්නේ

මිනීමරා එල්ලුම් ගස්යන
අතළොස්සකට එරෙහිව නොවේ.
ඔවුහු කර්මයක් කර
එහි දිට්ඨධම්මවේදනීය කොටස
රළු ලෙස ගෙවා දමන්නෝය..

මරණ දඬුවම පමුණුවනවාට
මා කැමැතිවන්නේ
මැරෙන්නට බියෙන්
මිනී නොමරන්නන් නිසා රැකෙන
ඔවුන්ගේම ජීවිත සහ
තවත් රැසකගේ
ජීවිත වෙනුවෙනි.

මගේ ඉලක්කය මිනීමරුවා නොවේ.
පළමුව ඔහු බාර නීතියටයි.
දෙවනුව ඔහු බාර ස්වභාව ධර්මයටයි.

වරද කළවුන් ගැන
තීන්දු කරන්නේ
ස්වභාව ධර්මය සහ නීතියයි.

නීතියෙන් ඔහු රැකුණත්
ඔහුගේ චේතනාවට අනුව
ස්වභාව ධර්මය
ජීවිතයෙන් ජීවිතයට
ඔහුට එලව එලවා
දඬුවම් දෙනු ඇත.

මිනීමරුවා මා වුවත්
මම ස්වභාව ධර්මයේ තීන්දුව
අගය කරමි.

මගේ ඉලක්කය මිනීමරුවා නොවේ.

මිනීමැරූ කෙනෙකුට
ඔහු කළ වරදින් හෝ
ඔහු කළ පාපයෙන්
ගැලවිය නොහැක.


මගේ ඉලක්කය
මිනීමරු චේත්නාවෙන්
පෙළඹී සිටින විටක
එල්ලුම් ගස සිහි වී

මරණ බිය මුල්වී
එම අරමුණ අත හැර

තමාගේ ජීවිතයත්,
අනිකාගේ ජීවිතයත්
බේරාගත හැකි
අසරණයාය.

බේරාගත හැකිත්,
බේරාගත යුතුත් ඔහුය.

මරණ ද
ඬුවම පනවනවාට
මා කැමති වන්නේ
ඔහු වෙනුවෙනි.

Capturing Chinese Illustrations

















සැනසිල්ල සහ අසහනය



සත්තුවත්තෙහි වෙසෙන සතුන්
සත්තුවත්තෙහි සිරවී සිටීම
අනුමත කරනු ඇතැයි
අපට සිතිය නොහැක.

ඔවුන් මෙන්ම
සත්තුවත්තට විරුද්ධ මිනිසුන්ද සිටිති.
ආකල්පමය වශයෙන් පමණක්
මමද ඔවුන් හා එකඟ වෙමි.

එහෙත් ප්‍රායෝගිකව
සත්තුවත්තට මා විරුද්ධ නැත.

කැලයෙහි වෙසෙන සතුන් තුළ දැකිය නොහැකි
එහි සිටින සතුන්ගේ අපූර්ව හැඟීම්, සහ චර්යාවන්
රූ ගත කිරීමටද ඉමහත් කැමැත්තක් දක්වමි.

මා ඡායාරූපයක් ගන්නේ
මට විශේෂයක් පෙනෙන යමක් රූගත කොට
අන් අය හා බෙදා ගැනීමේ අරමුණේනි.
මා රූගත කරන දෙය පිළිබඳව
මා දක්වන ආකල්පය
මට එය රූගත කිරීමට
කිසිදු බාධාවක් නොවේ.

සත්තු වත්ත පවත්වාගෙන යන්නේ
මා නොවන හෙයින්ද
මට එය වසාදැමිය නොහැකි බැවින්ද
මම ඊට විරුද්ධ නොවන්නෙමි.
හැකි හැමවිටම එහි යමි.
එහි සිරවූ සතුන්ද
උන් බලා සතුටුවන්නට එන
වරප්‍රසාද ලත්
අස්වාභාවික සතුන්ද නරඹමි.

කැමරාවේ විදුලිකෝෂයෙහි
විදුලි බලය ඇති තාක් කල්
ඔවුන්ගේ අපූර්ව හැඟීම් සහ චර්යාවන් රූගත කරමි.

නිදහසේ වටිනාකම නොදන්නා කාලයේ
ඇතිකරන්නට ගිරා පැටවෙකු ගන්නට පහළවූ
දැඩි උවමනාව පාලනය කරගත නොහැකිව
එළවළු කපන ප්‍රමාණයේ පිහියකින්
ගිරා කූඩුවක් සහිත
මැරුණු පොල්ගසක් බිම හෙළුවෙමි.
එහි උන් පිහාටුවත් නිදුණු
ලේකැටි පැටවුන්ගෙ අහිංසක ජීවිත
අනතුරේ හෙළීම ගැන
අදත් එය සිහිකොට කම්පා වෙමි.
ඊට වඩා වයසින් වැඩුණත්
ඊට වඩා අවසිහියෙන් හා
යොවුන් මදයෙන් මත්ව සිටි
පූර්ව ගැටවර වියේදී
සියතින්ම පරෙවියෙකු මරා
පුලුස්සා කෑවෙමි.

ඒ එදාය.
අද මම කිසිම සතෙකු
හෝ මිනිසෙකු
කිසිම හේතුවක් මත
මරනවාට විරුද්ධ වෙමි.

එමෙන්ම අද කුරුල්ලන් ඇති කරන්නට
එදා මෙන්ම රිසි වුවත්
මාළුවෙකුවත් ඇතිකරන්නට නොරිසියෙමි.
එසේ වුවද
සකල ලෝක සත්වයාම
මා තේරුම් ගන්නා සත්‍යයන්ට අනුව
මගේ පටු ආකල්පයන්ට අනුව
හැසිරිය යුතුයැයි සිතන්නට තරම්
අන්ධයෙකුද නොවෙමි.

අපට ඕනෑම දෙයකට
විරුද්ධ විය හැකිය.
එහෙත් මේ විශ්වයේ කිසිවක්
හේතු රහිතව සිදු නොවේ.
කුමක් සිදුවුවත්
සැනසිල්ලෙන් වෙසෙන අය සහ
අසහනයෙන් පසුවන අයද ඇත.

මා දකින ආකාරයට
මම ඔවුන් වර්ගකරමි.

1, හේතු නොසොයා
ලැබෙන දෙයක් බාරගෙන
වෙන දෙයක් බලාගෙන සිටින්නා
ඇස් ඇතත් අන්ධයෙකි.

2, හේතු දන්නේහි නම්
ඔහු ප්‍රඥාවන්තයෙකි.

3, හේතු ඇතිබව නොදන්නා නමුත්
හේතු සොයන්න විද්‍යාඥයෙකි.

4, හේතු නොදන්නා නමුත්,
හේතු ඇතිබව දන්නා නිසා
හේතු සොයන්න ගවේශකයෙකි.

5, මතුපිටින් පෙනෙන දේට අනුව කම්පාවෙමින්
තමාට අදාළවම සිතමින්
එකඟවිය නොහැකි සියල්ලටම
අත්තනෝමතිකව විරුද්ධවුවත්
කිසිවක් කරගත් නොහැකි තැනැත්තා
පීඩිතයෙකි..

6, මතුපිටින් පෙනෙන දේට අනුව කම්පාවෙමින්
තමාට අදාළවම සිතමින්
එකඟවිය නොහැකි සියල්ලටම
අත්තනෝමතිකව විරුද්ධවන්නා
විප්ලවවාදියෙකි.
ඔහු එසේ සිතන්නටද හේතු ඇත.
ඔහු එසේ සිතන්නට පොදු හේතු මෙන්ම
පුද්ගලික හේතුද ඇත.

සතුන් මෙහි හිරවන්නටද
එවැනිම වූ හේතු ඇත.
එහි සැනසිල්ලේ වෙසෙන සතුන්
අයිති වන්නේ පළවෙනි ගණයටය.
එහි සැනසිල්ලේ නොවෙසෙන සතුන්
අයිති වන්නේ හෝ පස්වෙනි හෝ
හයවෙනි ගණයටය.

මා අයිති වන්නේ හතරවෙනි ගණයටය.

මා එකඟ වෙන හෝ විරුද්ධවෙන සියල්ලටම,
විශ්වයේ සිදුවන සියල්ලටම
හේතු ඇතිබව පිළිගනිමි.

මා එකඟ වෙන හෝ විරුද්ධවෙන
සියල්ලටම හේතු සොයන
අත්‍යන්ත ගවේෂකයෙකු පමණෙක්මි.