20140830

ඉතාම පහසුවෙන් බුද්ධිය රවටන්න පුළුවන්.


බුද්ධිය අන්ධයි.
බුද්ධිය කියන්නෙ මෝඩ උපකරණයක්.
ඉතාම පහසුවෙන් බුද්ධිය රවටන්න පුළුවන්.

ඔබටත් ඔබේ බුද්ධිය රවටන්න පුළුවන්.
ඔබ හරහා වෙනත් කෙනෙකුටත්
ඔබේ බුද්ධිය රවටන්න පුලුවන්.

බුද්ධියට තනියම හිතන්න බෑ.
ඔබ හිතන දේට වෙනස් දෙයක්
ඔබේ බුද්ධියට හිතන්න බෑ.
බුද්ධිය ස්වයංක්‍රීය උපකරණයක්..
තමන් කරන්නෙ මොකක්ද කියලා
බුද්ධියට දකින්න බැහැ.
බුද්ධිය ඇත්ත නැත්ත හොයන්නෙ නෑ.
ඔබට ප්‍රිය හා අප්‍රිය දේට පිටින්
වෙනත් සත්‍යයක් බුද්ධිය දන්නෙ නෑ.
ඔබ නොදකින සත්‍යයක් දකින්න බුද්ධියට බෑ.

බුද්ධිය දන්න එකම දේ
ඔබට ප්‍රිය අප්‍රිය දේ පමණයි.
ඔබට ප්‍රිය ඕනම බොරුවකට බුද්ධියත් කැමතියි.
ඔබට අප්‍රිය ඕනම ඇත්තකට  වුණත් බුද්ධිය අකමැතියි.
ඇත්ත බොරුව මොකක් වුණත් බුද්ධියට ප්‍රශ්නයක් නෑ.

බුද්ධිය කියන්නෙ අන්ධ භක්තිකයෙක්.
ඔබ කියන ඕනම බොරුවක් බුද්ධිය අදහනවා.
බුද්ධියට යන පණිවිඩය
ඔබ මගදි විකෘති කරනවා.
ඒ විකෘති පණිවිඩය තමයි
බුද්ධිය අදහන්නෙ.

මේසෙ උඩ තියන ආහාරයක
රස බුද්ධියට දැනෙන්නෙ නෑ.
දිවට දැනෙන්නෙත් නෑ.
ආහාරය දිවේ ස්පර්ශ වුණත්
දිවට රස දැනෙන්නෙ නෑ.

ආහාරයක රස
ආහාරයට අයිති ගුණයක්
කියලා ඔබ හිතුවට
රස කියල කියන්නෙ
ආහාරය ස්පර්ශ වෙද්දි
දිවේ දැනෙන උත්තේජනයයි..

යම් ආහාරයක ස්පර්ශයෙන්
දිව උත්තේජනය වෙලා
ජෛව රසායනික තරංගයකින්
බුද්ධියට පණිවිඩයක් යනවා.

ඒ තරංගය ඔබට ප්‍රිය නම්
ඔබට ඒ පණිවිඩය ලැබුණ ගමන්
ෂා රසයි කියලා ලේබල් එක ඇලෙව්වොත්
බුද්ධිය වෙන මොකුත් නොසිතා ඒක පිළිගන්නවා.
ඒ රස පස්සෙ යන්න සැලසුම් හදනවා.
ඒ රස නැවත නැවත විඳින්න හීන මවනවා.

රස නිසා ඔබ කන කෑම
කන තරමක් කන්නෙ
ඒ පණිවිඩ රස විඳින්නයි..
ඒ පණිවිඩ රස විඳින ඔබත්
බුද්ධිය ට බොරු පණිවිඩ යවමින්
බුද්ධිය රවටමින් බොරු පණිවිඩ රසවිඳිනවා.

ඔබ දොඩම් යුෂවලට කැමති නම්
දොඩම් යුෂ රසැති සින්තටික් රස කාරකයකින්
ඒ පණිවිඩය දුන්නත් මෝඩ බුද්ධිය පිළිගන්නවා.
බුද්ධිය රැවටෙනවා.. ඔබ සතුටුවෙනවා.

ආහාරයෙන් වෙන්නෙ
දිව උත්තේජනය කිරීමයි.
අමු අඹ වගේ දෙයක් දකින්නවත් ඕන නැහැ.
මතක් කළත් බුද්ධිය වැඩ කරන්න පටන් ගන්නවා.
කටට කෙළ පවා උනනවා.

බුද්ධිය කියන්නෙ මෝඩ උපකරණයක්.
ඉතාම ලෙහෙසියෙන් රවටන්න පුළුවන්.

ඔබ රවටන හැම කෙනෙක්ම කරන්නෙ
ඔබ ප්‍රිය කරන බොරු පණිවිඩ ටිකක් බුද්ධියට යවලා
ඔබේ මෝඩ බුද්ධිය උත්තේජනය කරලා
ඔබ ඔවුන්ට රිසි පාරක අරන් යන්නයි.
කෙනෙක් ඔබ මෝහනය කරලා
මෙන්න කේක් කෑල්ලක් කියලා ඔබට දුන්නොත්
සබන් කෑල්ලත් හපනවා.
කේක් රසත් දැනෙනවා ඇති.
පොත්පත් කියවලා, දේශන අහලා
ඔබේ කැමැත්තෙන් ඔබම මෝහනය වුණත්
ප්‍රතිඵලය ඒ විදියමයි.
පොතේ කේක් කියලා සබන් තිබුණත්
ඔබ කේක් කියලා පිළිගන්නවා.
ඇත්තටම කේක් ලැබුණත්
සබන් වගේ නෙවෙයි නිසා වීසි කරනවා.

ඔබ නිදා ගනිද්දි ඇඳෙන් වැටුණොත්
බුද්ධිය දන්නෙ නෑ ඔබ වැටුණෙ ඇඳෙන් කියලා.
බුද්ධිය බොරු කතාවක් හදලා දෙනවා.
ඔබ දකින්නෙ වෙන වෙලාවක වෙන තැනක
වැටෙන රූපයක්.
අවදි නොවුණොත් ඔබ දන්නෙ නෑ.
අවදියෙන් ඉන්නකොටත් ඔබ වැටෙනවා.
බුද්ධිය කතන්දර හදනවා.
ඔබ වැටුණෙ නෑ.. වැටෙන විදිය ඉගෙන ගත්තා.
ඔබ සතුටු වෙනවා.

අනිත් වෙලාවට
වෙන කෙනෙක් කතන්දර හදනවා.
ඔබ ඔහුට කැමති නම්
ඔහු හදන කතන්දර බුද්ධියටත් සුන්දරයි.
ඔබ අකමැති නම්.... කතන්දරත් වෙනස් වෙනවා.
බුද්ධිය වැඩ කරන්නෙ ද්වේශයෙන්.

ඔබේ කැමැත්ත අකමැත්ත මත
කතන්දර හදන කතාවට ශූරයන්ටත්
ඔබ තුළ කැමැත්ත අකමැත්ත ඇති කරන්න පුළුවන්..
ඔබේ අන්ධ බුද්ධිය අතපත ගාගෙන
යන්තම් ක්‍රමයක් හොයාගෙන
ඒ කතන්දර වල විදියට හැසිරෙනවා.

ඔබ ඔබේ ජාතියට ආදරෙයි.. ආගමට ආදරෙයි..
ඔබ වැඩ කරන ආයතනයට ආදරෙයි කියල
කවුරු හරි දක්ෂ කථිකයෙක්
ඔබ තුළ විශ්වාසය ඇති කළොත්
අන්ධ බුද්ධිය ඒ බව ලෝකෙට ඔප්පු කරන්න
අවශ්‍ය සියලු දේ කරනවා.

ඔබේ ප්‍රියතම භාණ්ඩ විකුණන වෙළඳ ව්‍යාපාරිකයාත්
ඔබ දිවි හිමියෙන් හුළං ගහන ඔබේ ප්‍රියතම දේශපාලනඥයාත්
දේශනවලට සවන් දී ඔබ රස විඳින පූජකයාත්
ඔබේ රෝග ගැන ටමන් දන්න දේ අනුව
ඔබ කැමති හිතලු ඔබට මවා දෙන වෛද්‍යවරයාත්
ඔබේ කැමැත්තෙන්ම ඔබේ කරපිට යන ඔබේ මිතුරාත්
ඔබට ප්‍රිය දේ හඳුනන ඔබ පෙම් බැඳි තැනැත්තාත්
ඔබේ ස්වයංක්‍රීය බුද්ධිය
ඔබට අවශ්‍ය විදියට  උත්තේජනය කරලා
ඔවුන්ට අවශ්‍ය විදියට ඔබ මෙහෙයවනවා.

ඔබට සිදුවෙන සියල්ලටම වරදකරු
තමන් කරන්නෙ මොකක්ද නොදන්නා
ඔබේම අන්ධ බුද්ධියයි.

මේ අදහස පිළිබඳව
ඔබ ඔබේ අන්ධ බුද්ධියට කියන්නේ කුමක්ද?

ගිහි ජීවිතයට, විවාහයට බුදු දහම සහයෝගයක්..



බුදු දහම
ගිහි ජීවිතයට, විවාහයට
බාධාවක් නොවෙයි.
ප්‍රබල සහයෝගයක්..

බුදුන් වහන්සේ උපදෙස් දෙන්නෙ
ධර්මයෙහි පිහිටන්නයි..
හැම කෙනෙක්ම පැවිදි විය යුතු නැහැ.
හැකි හැම කෙනෙක්ම ධර්මයෙහි පිහිටීම
ගිහි ජීවිතයට ප්‍රබල සහයෝගයක්..

කෙනෙක් පැවිදි වෙන්නෙ
මේ ජීවිතය තුළම
නිවන් දකින්න හිතනවානම් තමයි..

ගිහියන් පැවිදි කරවන්න
බුදුන් වහන්සෙ උත්සාහ කළේ නැහැ.
පැවිදි වෙන කෙනෙක් පැවිදි වෙන්නෙ
තමන්ගෙ කැමැත්තෙන්.
එහෙම කැමති වුණ අයටත්
බුදුන් වහන්සෙ
හාරමාසයක් පසු කරන්න
උපදෙස් දුන් අවස්ථාත් තියනවා.

කෙනෙක් විවාහ විය යුත්තේ
විරුද්ධ ලිංගික සිරුරක් සමග නොවෙයි..
විවාහ විය යුත්තේ
විරුද්ධ ලිංගික සිතක් සමගයි..
විරුද්ධ ලිංගික මිතුරුකමක් සමගයි..
කායික සබඳතා පිරිහෙන්න පුලුවන්.
පරිපූර්ණ වෙන්න පුලුවන්.
අවසාන ප්‍රතිඵලය එකයි..
දෙදෙනා අතර ඇති
දැවෙන සුළු ආකර්ෂණය අඩුවීමයි.

දැවෙන සුළු ආකර්ෂණය අඩුවෙලා
කායික සබඳතා පිරිහුණොත්
දැවෙන සුළු ආකර්ෂණය සොයන අය
අතරමං වෙනවා.
කායික සබඳතා පරිපූර්ණ වුණොත්
දැවෙන සුළු ආකර්ෂණය අඩුවෙලා
මිහිරි උණුහුමක් ඉතිරිවෙනවා.

කායික සබඳතා පරිපූර්ණ වුණොත්
මානසික සබඳතාවය
නිසි පරිදි පෝෂණය වෙලා
දිගින් දිගට වැඩෙන්න පුළුවන්.

අනියම් සබඳතා නැතිව
එක් තැනැත්තෙකු හෝ තැනැත්තියක සමග
සමීපව ජීවත්වෙන අයට
කාමච්ඡන්දය ජයගන්න පුලුවන්..
කාමච්ඡන්දය ජයගන්නා විට
අනික් සියලු නීවරණ දුර්වල වෙනවා.

විවාහය කියන්නෙ ආයතනයක්
සාමාජික සාමාජිකාවන් අනුව
සාර්ථකත්වය තීරණය වෙනවා.

ප්‍රබල තීරණයක් ගන්න පෙර
දස දින විපස්සනා පුහුණුවකට යන්න.
දෙන්නම ගියොත් වඩා හොඳයි..

දස දින විපස්සනා පුහුණුව


20140825

බාලයා සහ ප්‍රඥාවන්තයාගෙ වෙනස.

http://www.theroot.com/content/dam/theroot/history/Image%20of%20the%20Week/IOW-Ward.Fire%20Maker.The%20Root.6.7mb.jpg.CROP.hd-large.jpg

යටි සිත සහ උඩු සිත සංකල්පයක්
බුදුදහමේ සඳහන් වන තැනක් නැහැ..
බුදු දහමේ සංකල්ප නැහැ.
යටි සිත සහ උඩු සිත අතර වෙනස
වෙනත් විදියකට
අවස්ථා පහකින් එකක් ලෙස
බුදු දහමේ සඳහන් වෙනවා.

පංචස්කන්ධයෙන් විඥාණය කියන කොටස..
කෙලෙස් නිසා අපිට අහිමි වෙලා තියන කොටස..
මනෝවිද්‍යාවෙදි යටි සිත වශයෙන් හඳුන්වනවා.

ඉඳුරන්ට ලැබෙන ස්පර්ශ ඇසුරෙන්
ඇතිවෙන සුඛ දුක්ඛ වේදනාවල
සැබෑ ස්වභාවය වෙනුවට
තමන්ට ඒ මොහොතෙ දැනෙන ස්වභාවය අනුව
ඒ මොහොතෙ අපිට දැනෙන
ප්‍රිය අප්‍රිය  ස්වභාවය අනුව වෙන් කරගෙන
අපි රාග ද්වේශ සංස්කාර ඇති කරගන්නවා..
ඒ දෙකට අයිති නොවෙන ස්පර්ශ
මෝහ විදියට එකතු වෙනවා.
මේ ඥාණය සත්‍ය නැහැ..

සීතල වෙලාවට
කයට උණුසුමක් අවශ්‍යයි.
ගෝත්‍රිකයා ගිනි තපිනවා.
සීතල වෙලාවට
ගිනිතැපීම ප්‍රිය වුණාට
ඇත්තටම ගින්න ප්‍රිය නැහැ.
ගින්නෙන් විඳින දුක
සැපක් වෙන්නෙ පරිසරය සීතල නිසයි.

අපි ගිනි තපින කොට ප්‍රිය කරන්නෙ
සීතල පරිසරයක ගිනි තැපීමද?
සීතලට උණුසුමද??.

කිසිම අත්දැකීමක් නිත්‍ය නැහැ.

ගිනි තැපීම කියන අත්දැකීම ලබද්දි
සීතල නිසා තිබුණ අප්‍රිය අත්දැකීම
ගින්නෙහි උණුසුම නිසා වෙනස් වෙලා
ප්‍රිය අත්දැකීමක් විදියට වෙනස් වෙනවා.

ප්‍රඥාවන්තයා
එසේ වෙනස් වූ ආකාරය
ආදි හා නව විදියට
අනිත්‍ය ස්වභාවයෙන් දකිනවා

වෙනස් වීමෙහි සත්‍ය ස්වභාවය
කායානුපස්සනාවෙන්,වේදනානුපස්සනාවෙන්
විඳ ප්‍රත්‍යක්ෂ කරන කෙනෙක්
මේ ප්‍රමාණයට සීතල පරිසරයක
මේ ප්‍රමාණයක උණුසුම ප්‍රියයි කියල
සම්පූර්ණ අත්දැකීම දකිනවා.
ඇත්ත ඇති සැටියෙන් දකිනවා.

ගින්න ඔහුට එකම විසඳුම නොවේ.
එක විසඳුමක් විතරයි.

සීතලට විසඳුම
බැහැරින් ලැබෙන තාපය නොව
කය උණුසුම් වීම බව
ප්‍රඥාවන්තයා දකිනවා.

සීතලට විසඳුම උණුසුම් වීම බව ඔහු දන්නවා.

සීතල වෙලාවට ගිනිතැපීම ප්‍රිය නිසා
තමන් කැමති විදියට
ඇත්ත විශේෂණය කරගන්න කෙනෙක් තුළ
රාග ද්වේශ සංස්කාර ඇති වෙනවා.

මට ගින්න හොඳයි..
මට ගිනිතැපීම හොඳයි
කියල ගන්න පටු දැනුම වැරදි දැනුමක්.
ඔහුගෙ දැනුම ගින්න ගැන නොවෙයි.

ඔහු උණුසුම වින්දෙ නැහැ.
ඔහු විඳින්නෙ ගිනි තැපීමයි.
ඔහු සීතලට දන්නෙ ගිනි තැපීම විතරයි..
සීතලට ඔහු දන්නා විසඳුම උණුසුම නෙමෙයි.
ගිනි දල්වා ගිනි තැපීමයි.

මනසින් සහ ඉඳුරන් මගින්
ලෝකය විඳින අය
හැම දේකටම විශේෂිතව බැඳිලා
තමන්ගෙ කරගන්නෙ මේ විදියටයි.

ගිනි තැපීම වෙනුවට
ඔබ ප්‍රිය කරන පුද්ගලයන්.. ආහාර වර්ග,
ඇඳුම් පැළඳුම්, සුවඳ විලවුන්, සංගීතය
ආදී ඔබ කැමති ඕනෑම දෙයක්
ආදේශ කරල බලන්න.
ඔබ සොයන්නෙ
ජීවිතේ දෙවරක්
ඒ අයුරින්ම නැවත විඳින්න බැරි
නිශ්චිත අත්දැකීමක්.

එවැනි නිශ්චිත රසවත් අත්දැකීමකට
වෙළඳ නාමයක් දීලා
කෘතිම රස කාරක වලින් හෝ
ඒ රස සංයුතිය ලබාදෙන වෙළඳ ව්‍යාපාරිකයා
බාලයාගෙ රැවටීමට වන්දියක් ගන්නවා.

ව්‍යාපාරිකයාත් ඊට වන්දි ගෙවීම වෙනම කරුණක්.

අද ඒ නිශ්චිත අත්දැකීම දෙන කෙනා හෝ
ඒ නිශ්චිත අත්දැකීම දෙන දේ
හෙට වෙනස් වුණාම ඔබ ඒ කෙනා හෝ දේ අත් හරිනවා.
ඔබ අල්ලගෙන හිටියෙ නිශ්චිත අත්දැකීමක්.
ඔබ අත්හරින්නෙත් නිශ්චිත අත්දැකීමක්.
ඇත්ත දකින කෙනා
හෙට දකින කෙනා සහ දේ භාරගන්නෙ
අළුත් කෙනෙක් විදියට... අළුත් දෙයක් විදියට.

නිශ්චිත අත්දැකීමක්
ප්‍රිය අප්‍රිය වශයෙන් ගන්නා බාලයාගෙ හිතේ
ඒ වෙලාවෙ කාමයට ඇතිවෙන කැමැත්ත
කාමච්ඡන්දයට හේතුවෙන
රාග සංස්කාර
කෙලෙස් විදියට හිතේ තැන්පත් වෙලා
සීතල පරිසරයකදි ගින්නම සොයන්න
ඔහු පොළඹවනවා.
සීතලට ද්වේශය ඇතිවෙන කොට
ඔහුට ප්‍රිය ගිනිතැපීම සොයනවා.

මේ විදියට
පැරණි අත්දැකීම් මත
ගැටළු විසඳා ගැනීම
සතෙකුට වුණත් තියන
ස්වාභාවික හැකියාවක්..
සත්වයාගෙ පැවැත්මට අවශ්‍ය හැකියාවක්.
විසඳුම් සොයා ගැනීමෙදි
මිනිසාත් තිරිසනාත්
බාලයාත් ප්‍රඥාවන්තයාත්
බෙහෙවින් වෙනස් විදියට හැසිරෙනවා.

ප්‍රඥාව වඩන තැනැත්තා...
අත්දැකීම නිවැරදිව දකින
විඳ ප්‍රත්‍යක්ෂ කරන ප්‍රඥාවන්තයා
අවස්ථානුකූලව ගින්නක් නැත්නම්
කුමන ආකාරයෙන් හෝ උණුසුම් වෙලා
ස්ථානෝචිතව ගැටළුව විසඳාගන්නවා.
සීතලෙන් මිදෙන්න උණුසුම ලබා ගන්න
ඝන කම්බිලියක් වුණත් ඔහුට ප්‍රමාණවත්.

ගිනි තැපීමටම රාගයෙන් බැඳුන
බාලයා දන්න එකම විසඳුම
ගිනි දල්වා ගිනි තැපීමයි.
ඔහු කම්බිලියට ගිනි තියනවා.

මිනිසාත් තිරිසනාත්
ප්‍රඥාවන්තයා සහ බාලයාත්
ප්‍රඥාවත් බුද්ධියත්
වෙනස් වෙන්නෙ ඒ විදියටයි.

ඇත්ත දකින ප්‍රඥාවන්තයා
යටිසිත පෝෂණය කරන්නෙ නැහැ.
ඔහු හේතුඵල දෙකම දකිනවා.
ඔහු ප්‍රිය අප්‍රිය වෙන්න හේතුවත් දකිනවා.
ඵලය ප්‍රිය හෝ අප්‍රිය වශයෙන් ගන්නෙ නැහැ.
ඔහුට හේතුවත් ඵලයත් දෙකක් නෙවෙයි..

තමන් විඳින ඵලය
හේතුව වශයෙන් දකින
ඵලය ප්‍රිය අප්‍රිය විදියට දකින බාලයා
යටිසිත නොදැනුවත්වම පෝෂණය කරනවා.
ඔහු කෙලෙස් වලින් මුළා වෙනවා.

කෙලෙස් නසන ප්‍රඥාවන්තයාගෙ මග
ඔහු ඇත්ත ඇති සැටියෙන් දකින
මොහොතක් පාසා...ගමන් කරන්නෙ
දුකෙන් මිදීම දෙසටයි.

එහි කෙළවරේ සිටින
රහතන් වහන්සේට යටි සිතක් නැහැ.
සිත කෙලෙස් වලින් විනිර්මුක්තයි.

සිත යටිසිත කියල දෙකක් තියෙන්නෙත්..
නාම රූප කියලා දෙකක් තියෙන්නෙත්
අවිද්‍යාව > සංස්කාර > විඥ්ඥාණ නිසයි.

විදසුනෙන් අවිද්‍යාව නැති වෙනකොට
නව සංස්කාර ඇති වෙන්නෙ නැහැ..
පැරණි සංස්කාර මතු වෙලා
නිරුද්ධ වෙනවා.
විඥාණය පෝෂණය වෙන්නෙ නැහැ.

විදසුනෙන් කෙලෙස් නැසෙද්දි
තියන විඥාණයත් කෙමෙන් මැකෙනවා.
නාම රූප අතර පරතරය අඩුවෙනවා.
යටිසිත ලෙස අඳුරු වෙලා
අහිමිවෙලා තියන කොටස
සිහිය, උපේක්ෂාව නිසා
ප්‍රඥාව බවට පත් වෙනවා.

මේ දහම් මග ඉතා පැහැදිලියි.
දැනුමෙන්, තර්කයෙන් මේ මග යන්න බැහැ..
රාග, ද්වේශ මෝහ
අත්දැකීමෙන් විඳ ප්‍රත්‍යක්ෂ කර නොගත්තොත්
පොත පතෙන්, දහම් දෙසුමෙන්
සත්‍යය දකින්න බැහැ.
එවැන්නෙකුට කෙලෙස් කියන්නෙ
චිත්ත රූප විතරයි.
විදසුන් වඩන්නාට චිත්ත රූප නැහැ.
විඳ ප්‍රත්‍යක්ෂ කරන අත්දැකීම් විතරයි.

මේ කරුණු ඉතාම කෙටියෙන් සඳහන් කළේ.
චිත්ත රූප ලෙස එකතු කරගෙන ගෙන ඉන්න
වෙනත් දැනුම සමග සසඳන්නෙ නැතිව
මේ කරුණු අනුව ප්‍රශ්න කළොත්
පිළිතුරු දෙන්නම්.

20140821

ඔබේ නිර්මාණ ebay හරහා ජාත්‍යන්තර වෙළඳපොළට අලෙවි කරන්න...


http://t1.gstatic.com/images?q=tbn:ANd9GcQnH6_nOXlnAjGUdNsz61QIsfyHGmfR--QTWH9EwW1RvLR7NSKG9Q
ඔබේ චිත්‍ර සහ ඡායාරූප අලෙවි කරන්න...
අන්තර්ජාල වෙළඳපොළක්.
https://blogger.googleusercontent.com/img/b/R29vZ2xl/AVvXsEh4GM765sFhju_agQP5FezOxDGywea4O63rCcEz0uyPcWShOleh0m63AMbw1ai8xbgXOj8ORSoaGFg_c03qYqo4Oj6JmppcZPvJQ1jTGIAZC2J15jaenAw-Hy2bm77j4YcirP90-6be4P2_/s1600/Ebay.jpg



2014දී ලියූ ලිපියක් නිසා
අද වන විට Ebay ආයතනය මගින් කළ
නව වෙනස්කම් යාවත්කාලීන වී නැත.
මේ ඇසුරෙන් දළ අදහසක් ලබාගෙන
වැඩි විස්තර සඳහා මේ යොමුවට පිවිසෙන්න.
https://pages.ebay.com/seller-center/get-started/selling-basics.html



පළමුව ඔබ http://www.ebay.com ගිණුමක් විවෘත කළ යුතුය.

ඔබේ නිර්මාණ
Ebay අන්තර්ජාල වෙළඳපොල හරහා අලෙවි කිරීමේදී
ගාස්තු ලෙස ඔබට ගෙවීමට සිදු වන්නේ
සුළු ඇතුළත් කිරීමේ ගාස්තුවක් සහ
අලෙවි කිරීමෙන් පසුව මුළු වටිනාකමෙන්
10%ක් පමණ කොටසකි.

මසකට සීමාසහිත භාණ්ඩ සංඛ්‍යාවක්
( සාමාන්‍යයෙන් මසකට 200ක පමණ සංඛ්‍යාවක්...)
ඇතුළත් කිරීමේ ගාස්තුවෙන් තොරව
නොමිළේ පළ කිරීමට ඔබට අවසර ලැබේ.

දෙවන ගාස්තුව ලෙස
අවසාන වටිනාකමෙන් කොටසක් ගෙවිය යුතු වන්නේ
අලෙවිකිරීම සිදුවුවහොත් පමණි.

අලෙවිකරන භාණ්ඩ වල කාණ්ඩය අනුව සහ
ඔබේ ගිණුම් වර්ගයට අනුව
ඔබට මසකට ගාස්තු රහිත ඇතුළත් කිරීම්
50ක් 100ක් 150ක් 200ක් ආදී වශයෙන් කළ හැක.
එවිට ඔබට ගෙවීමට සිදු වන්නේ
භාණ්ඩය අලෙවි වුණොත් ගෙවන ගාස්තුව පමණි.

මේ අනුව ඔබ ඔබේ වෙළඳ පොළ හා ඉල්ලුම සකස් කරගන්නා තුරු
මූලික ගෙවීමකින් තොරව භාණ්ඩ අලෙවි කළ හැක.


ඔබ කැමති නම් නැව් හෝ ගුවන් ගාස්තු ගැනුම්කරුගෙන් අයකර ගත හැක.
නැව් හෝ ගුවන් ගාස්තු ඔබ ගෙවමින් නොමිලේ ප්‍රවාහනය කිරීමෙන්
විකිණීමට ඇති අවකාශය වැඩිවෙයි.

http://www.fees.ebay.com/feeweb/feecalculator
ඔබ ගෙවිය යුතු ගාස්තුව පහසුවෙන් ගණනය කිරීම සඳහා
EBAY FEE CALCULATERS ඇත.


SAMPLE for $250

අලෙවියෙන් පසු ගෙවිය යුතු ගාස්තුව
මෙසේ දැකගත හැක.





අලෙවිය සඳහා ගෙවිය යුතු ගාස්තුව සියයට දහයකටත් වඩා අඩුය.

 https://account.skrill.com/signup?rid=12832481
 

ඔබට ලැබෙන මුදල වංචා කිරීමට ගැනුම්කරුවාට නොහැකි වන ලෙස
ඔබ රකින්නට ආයතනය බොහෝ ආරක්ෂක උපක්‍රම සලසා ඇත.



ඔබේ වෙළඳ භාණ්ඩයක්
මිලට ගන්නට තීරණය කරන ගැණුම්කරු විසින්
භාණ්ඩය ඇණවුම් කරන අවස්ථාවේම
ඔබ තෝරාගන්නා ගිණුමට මුදල් බැර කරනු ලබයි.
ඔබ භාණ්ඩය යවන්නේ ඔබේ ebay ගිණුමට මුදල් බැරවූ පසුවය..

අලෙවිය සඳහා පළමු වරට
වෙළඳ භාණ්ඩයක් ලැයිස්තුගත කරන විට
ඔබට මුදල් බැරවෙන ක්‍රම දෙකකින් එකක් තෝරාගන්නට සිදු වෙයි.

 1
PAYPAL

2
Merchant Credit Card.

භාණ්ඩ අලෙවියෙන් ලැබෙන මුදල් 
අලෙවිකරුවෙකුට ලබා ගත හැක්කේ
සහ Merchant Credit Card.
මුදල් ලබා ගැනීමේ ක්‍රම දෙක හරහා පමණි.


ආයතනයටම සම්බන්ධ Paypal පහසුකම යටතේ
ශ්‍රී ලංකාවට මුදල් ලබාගැනීමට තවම අවසර ලැබී නැත.
ලංකාවට ඒ අවසරය ලැබෙන තුරු
අවසර ඇති රටක වෙසෙන නෑදෑයෙකුගේ හෝ
විශ්වාසවන්ත මිතුරෙකුගේ Paypal ගිණුමකට මුදල් බැර කොට
ඔහු හරහා මුදල් ලබා ගැනීමට සිදුවෙයි.
ක්‍රෙඩිට් කාඩ්පතකට සම්බන්ධ කොට
Paypal  ගිණුමක් විවෘත කළ හොත්
ඔබට ඒ මගින් ජාත්‍යන්තර ගෙවීම් කළ හැක
https://www.paypal.com/lk/webapps/mpp/home


ඔබ විශාල මුදලක අලෙවි කටයුතු කරන්නේ නම් එම ක්‍රමය නිසා
තමන්ගේ ආදායමක් නොවන මුදලක් 
ඔබේ අනුග්‍රාහකයාගේ Paypal ගිණුමට බැරවීම
ඔහුගේ ආදායම් වාර්තාවල දත්ත වලට බලපානු ඇත.


http://pages.ebay.com/help/sell/selling-basics.html


ඔබට ප්‍රශ්න හෝ දැන ගැනීමට යමක් ඇත්නම් 
කමෙන්ට් ලෙස යොමු කරන්න.



 -----------------------------------------------------------------------------

මෙම අලෙවි රටාවට හුරුවීම සඳහා
ඔබ කළයුත්තේ ගිණුමක් විවෘත කොට
භාණ්ඩ කිහිපයක් වෙළඳ පොලට ඇතුළත් කිරීමය.

ඔබ හොඳ නිර්මාණ ඉදිරිපත් කරමින්
අවංකව, පිරිසිදුව, ගැනුම්කරුවන්ගේ විශ්වාසය රකිමින්
කලට වේලාවට භාණ්ඩ යවමින්
අලෙවිකරණ කටයුතු මනාව සිදු කළ හොත්
සාර්ථකත්වය නිසැකය.

ඔබට සුබ පැතුම්.


-------------------------------------------------------------------------
හරහා මා අලෙවි කළ චිත්‍රයක්.


=========================================================

http://www.ebay.com Basics

2014දී ලියූ ලිපියක් නිසා
අද වන විට Ebay ආයතනය මගින් කළ
නව වෙනස්කම් යාවත්කාලීන වී නැත.
මේ ඇසුරෙන් දළ අදහසක් ලබාගෙන
වැඩි විස්තර සඳහා මේ යොමුවට පිවිසෙන්න.
https://pages.ebay.com/seller-center/get-started/selling-basics.html


20140812

හැම කෙනෙක්ම ක්‍රියා කරන්නෙ ඉබේට.


දිනක් බුදු රජානන් වහන්සේ
භික්ෂුන් හා සමග සිටින තැනකින්
වේගයෙන් ඇදී ගිය හිවලෙක්
අසල ගස් බෙනයකට රිංගා ගති,
මද වේලාවක් එහි රැදුණ හිවලා
යලිත් වේගයෙන් එලියට පැමිණ දුවගොස්
ගුහාවකට රිංගා ගති.
තවත් සුළු මොහෙතකින් උහු
භාග්‍යවතුන් වහන්සේ හා භික්ෂු සංඝයා අසලින්
යලිත් වනගැබට දිව ගියේ ය.
මෙය බලා සිටි බුදු රජාණන් වහන්සේ
භික්ෂුන් අමතා මෙසේ ප්‍රකාශ කර සිටිසේක.

"මහණෙනි
ඒ සිවලාගේ ක්‍රියා කලාපය, නුඹලා දැක්කාද ?.
ඌ මුලින්ම මෙතැනින් දිවගොස්
ගස්බෙනයට රිංගා ගෙන
මඳවෙලාවකින් යලිත් ඉන් පිටතට පැමිණ
ගුහාවට රිංගා ගත් අතර
දැන් යලිත් ඌ වනය දෙසට
වේගයෙන් දිව ගියා .
මේ අයුරින් ඌ දිව යන්නේ ඇයිදැයි
ඔබ දන්නවාද
ඒ හිවලාට ඉතාමත් නපුරු ආකාරයේ
කුෂ්ඨ රෝගයක් වැළඳී තිබේ.

උහුගේ වෙනසට හේතුව එයයි."
=====================================



ඒ නරියා ඕනම මිනිසෙකුට සමානයි.

හැම කෙනෙක්ම ක්‍රියා කරන්නෙ ඉබේට.

ඒ නරියා
තමන් කරන දේ නොදන්නා
ඕනම මිනිසෙකුට සමානයි.

නරියා අර සියල්ලම කළේ
ඌට උගේ කුෂ්ඨය
දරාගන්න බැරි නිසා.

 
හැම කෙනෙක්ම 
මොනවා හරි කරන්නෙ
තමන් තුළ සිදුවෙන දේක හෝ
බාහිර ලෝකයේ සිදුවෙන දේකට
ප්‍රතික්‍රියාවක් වශයෙන්.

20140810

යාපනය පුස්තකාලයට ගිනි තියලා


අපි මෙයා මරලා වැඩේ පටන් ගන්නවා.


යාපනය පුස්තකාලයට ගිනි තිබ්බට පස්සේ
යාපනයේ හිටපු කතෝලික පියනමක්, ෆාදර් ඩේවිඩ්,
ෆාදර් ඩේවිඩ් තමන්ගේ ජනේලයෙන් දකිනවා
බුර බුරා නැගෙන ගිනි දළු වගයකින්
අහස රතු පාට වෙලා තියෙනවා.

ඒ පියතුමා කෝල් එකක් දාල අහනවා,
මොකද ඒ, රතු පාටට ??
‘මොකක්ද ගිනි ගන්නේ යාපනේ’ කියලා.
ඊට එතුමාගේ මිතුරෙක් උත්තර දෙනවා.
‘ස්වාමී, යාපනය පුස්තකාලයට ගිනි තියලා’ කියලා.
ඒ පිළිතුර ටෙලිෆෝනයෙන් අහගෙන
ඒ පියතුමා එතැනම වාඩි උණා.
ඒ වාඩි උනේ එතැනම මැරිලා.


ඔබ කවුරුත් නොදන්නවා ඇති,
යාපනය පුස්තකාලයට ගිනි තිබ්බට පස්සේ
මේ රටේ මැරුණේ එක මිනිහයි,
ඒ මිනිහා කතෝලිකයෙක්.
ඒ මිනිහා කතෝලික පියනමක්.

අපිත් දිනමිණ පත්තරේ  ඕක දැක්කා.
අපි කවුරුත් මළේ නැහැ.
ඒ තමයි මේ රටේ බිහි වෙච්ච ශ්‍රේෂ්ඨතම මිනිසා.
දෙමළෙක්. කතෝලිකයෙක්. පූජකයෙක්.

මම  හිතන්නේ
මනුස්සයෙක් ඒ පණිවුඩය දීපු මොහොතේ
මැරිලා වැටුණේ එකම මිනිහයි.
ඒ ෆාදර් ඩේවිඩ්.
එක්කෝටි පනස් ලක්ෂයක් ඉන්න රටක
එක මිනිහෙක් මළා.

ඊළගට ඒ සිද්ධිය දැන ගත්ත මොහොතේ
යාපනයේ හිටපු මහාචාර්ය එම්.එස්. නුහුමාන් -
මුස්ලිම් ජාතික මහාචාර්යතුමා,
කවි පංතියක් ලිව්වා.
ඒ කවි පංතිය දෙමළෙන් ලිව්වේ.
ඒක ඉංග‍්‍රීසියට පරිවර්තනය වුණා.
ඒක සිංහලට පරිවර්තනය කරලා තියෙනවා
නිලාර් එන් කාසිම් හා පුෂ්පා රම්ලානි.
ඒ කවි පංතියේ හෙඩිම - ‘බුදුන් ඝාතනය කිරීම ’.
මේ කවි පංතියේ තියෙන්නෙ මොකක්ද?

ජන ඝාතකයා එනවා අඳුරේ ඉඳලා එළියට.
ඇවිල්ලා දුමාරය නඟිනවා.
ජනඝාතකයා අහනවා නා`දුනන තුවක්කුකරුවන්ගෙන්
‘කවුද උඹලට මෙයාට වෙඩි තියන්න කිවුවෙ’ කියලා.
ඒ ජන ඝාතකයා ‘මෙයා’ කියල කියන්නේ බුදුන් වහන්සේට.
බුදුන් වහන්සේට වෙඩි තියලා
පඩි පේළියක් පාමුල දාල තියෙනවා.

මතක තියාගන්න
මේක ලීවේ මුස්ලිම් මහාචාර්යවරයෙක්.
පඩි පෙළිය පාමුල දාල තියෙන්නේ
බුදුන් වහන්සේගේ දේශය.
අර ජන ඝාතකයා අ`දුරින් මතු වෙලා අහනවා -
කවුද මෙයාට වෙඩි තියන්න කිව්වෙ?

නාඳුනන තුවක්කුකරුවෝ බලාගෙන ඉන්නව භ‍්‍රාන්ත වෙලා.
උඹලට දීපු ලැයිස්තුවේ මෙයාගෙ නම තිබුණෙ නැහැ නේද?
බුදුන් වහන්සේගේ නම තිබුණෙ නැහැ
ඝාතනය කළ යුතු ලැයිස්තුවේ.

එතකොට නාඳුනන තුවක්කුකරුවෝ කියනවා,
‘‘මෙයාව ඝාතනය නොකොට
අපිට කුරා කූඹියෙක්වත් මරන්න බැහැ.
මෙයා තමයි අවිහිංසාවාදය දේශනා කළේ අපට.
ඒ හින්ද අපි මෙයා මරලා වැඩේ පටන් ගන්නවා.’’

=======================================================
 ධර්මසිරි බණ්ඩාරණායක 
‘සිංහල දෙමළ මුස්ලිම් අපි මිනිස්සු’ මැයෙන්
‘සම අයිතිය ව්‍යාපාරය’ විසින්
කොළඹ මහජන පුස්තකාලයේදී සංවිධානය කළ
සම්මන්ත‍්‍රණය අමතා කළ දේශනය...





 

ජාතිවාදය ආගම්වාදය මේ උන්මත්තකවාදය කොහොමද ඇති උනේ කියන ඉතිහාසය අපි හැදෑරිය යුතුයි. 1983 කළු ජූලිය ඇති වෙන කොටත්, ඒ කලු ජූලියෙන් පසුත්, නිර්මාණකරුවෙක් වශයෙන් නිර්මාණ හරහා ජනතාව ඇමතීමට අපි දරපු වෙහෙසත් ඒ වෙහෙස නිසා අපිට එල්ල වූ දැවැන්ත චෝදනාත් අපි මේ මොහොතේ අමතක කරන්නේ නැහැ. මේ කථා කරන මම ගැන බොහෝ පුවත් පත් වල ස`දහන් වුණේ පසුගිය කාලයේ කොටි හිතවාදයෙක් කියලා. ඊළාම් වාදයට සහයෝගය දක්වන නිර්මාණකරුවෙක් විදිහටයි මාව හ`දුන්වලා තිබෙන්නේ සිංහල සමාජය ඇතුළේ. ඒ වගේම මතක් කළ යුතුයි දෙමළ සමාජයේ කිසිම තැනක අපිට ඒ පාහර අවලාදය ගොඩනඟලා නැහැ. යුද්ධය පවතින කාලයේ යාපනය, ත‍්‍රිකුණාමලය, මඩකලපුව වගේ ප‍්‍රදේශ වලට ගිහිල්ලා අපගේ නාට්‍යය සිංහල භාෂාවෙන් ර`ග දැක්වූවා. අපි ඒ නිර්මාණ මෙහෙ සිංහලෙන් නිර්මාණය කරලා ඒවා රඟදක්වන කොට අපෙන් ඇහුවා ‘තමුසෙලා ඇයි මේවා මෙහෙ පෙන්වන්නෙ? ඇයි මේවා යාපනයේ පෙන්වන්න බැරි?’ කියලා. අපි යාපනෙත් පෙන්නුවා. යාපනේ පෙන්නපු ඒ කිසිම අවස්ථාවක කිසිම මනුස්සයෙක් අපට ගහන්න කොසු ඉදල් අරගෙන ආවෙ නැහැ. අපි දැක්කා ටෙලිවිෂන් යන්ත‍්‍ර වලින් ඒ එන ප‍්‍රවාහය කෙබ`දුද කියලා. අද දවසෙත් සිංහල කලාකරුවො විදිහට ඒ ගෞරවය අපි අතලොස්සක් දිනාගෙන තිබෙනවා යාපනය ඇතුළේ. මේ මෑත දක්වාම අපි අපේ නිර්මාණ ගිහිල්ලා යාපනයේ ර`ග දක්වලා තිබෙනවා. ඒ විවිධ බාධක මැද්දේ. සමහර නිර්මාණ රඟ දක්වද්දී යාපනයට ලයිට් නැහැ. විදුලි සැපයුම ක‍්‍රියා විරහිත කරලා. කෙසේ නමුත් අපේ සහෝදරාත්මක සහයෝගය ගොඩනැගිම ස`දහා ලාංකේය භූමිය තුළ අපි විශාල වැඩ කොටසක් කළා. ඒ බව ඉතිහාසය සපථ කොට සිටිනවා ඇති.

ඊයේ පෙරේදා මේ මුස්ලිම් ආරවුල, අරගලය ඇති වෙන කොට අපිට ලොකු බයක් ඇති වුණා. මොකද තිස් අවුරුදු යුද්ධයක් අන්තිමේදී ජයග‍්‍රහණය කළා. ඒක විජයග‍්‍රහණයක් ලෙස කෙළවර උණා. කිසිවෙක් යුද්ධය දිනුවේ නැහැ. අපිට ඒක බය නැතිව කියන්න පුලුවන්. කිසිම කෙනෙක් මේ යුද්ධයෙන් දිනුවේ නැහැ. මම ඒක කියන්නේ සිංහල ජාතියේ මිනිහෙක් විදිහට නෙමෙයි කලාකරුවෙක් විදිහට. මා විසින් නිර්මාණය කළ ට්‍රෝජන් කාන්තාවෝ නමැති නාට්‍යය අපි 1999 දී ර`ග දැක්වූවා. එතකොට ප‍්‍රධාන පෙලේ සිංහල පුවත්පත් අපෙන් ඇහුව ප‍්‍රශ්නය තමයි ‘තමුසෙලා මොකටද යුද විරෝධී නාට්‍ය මෙහෙ පෙන්වන්නේ’ කියලා. මුළු ලෝකය පුරාම ඒ වගේ විශිෂ්ට නිර්මාණ විශ්වවිද්‍යාල වල ර`ග දක්වන යුගයක තමයි අපි ඒ නිර්මාණය අතට ගත්තේ. එතකොට මෙහි තිබෙන ඇතැම් දේශපාලන කණ්ඩායම් අපට කීවේ කොටි හිතවාදීන් කියලා. කොටින්ට සහයෝගය දක්වනවා කියලා. මේ මහ පොළොවේ එක මිනිහෙක්ගෙ හරි ලේ හෙලවෙනවා නම්, සිංහල හරි දෙමළ හරි මුස්ලිම් හරි, එක මිනිහෙක්ගේ හරි ලේ හෙලවෙනව නම් ඒක නැවැත්වීමේ උදාර කර්තව්‍යයට අත දිය යුත්තේ මේ රටේ ජීවත් වන කලාකරුවෝ. නමුත් කලාකරුවෝ යුද්ධයට ගීත ගැයුවා. යුද්ධය ආශ්චර්යයක් බවට පත්කරගත්තා. යුද්ධය හම්බ කරන මාධ්‍යයක් බවට පත්කරගත්තා. ඉතින් මේ වගේ අතීතයක් ඇතුළේ තමයි අපි මේ වර්තමානය ගොඩනගලා තිබෙන්නේ.

කෙසේ නමුත් මෙතැන ඉන්න සිංහල ජනයාට මම එක් පණිවුඩයක් ලබා දෙන්න කැමතියි. පොඞ්ඩක් අපි ආපස්සට යමු. මේ යුද්ධය පැවතුණු කාලය නෙමෙයි. කිසියම් මැතිවරණයක් දියත් කරන අතරතුර යාපනය පුස්තකාලයට ගිනි තැබුවා. පුස්තකාලයකට ගිනි තිබ්බා නම් ඒ ම්ලේච්ඡු ජාතියක්. පොත් අනූදාහක් ඒ පුස්තකාලයේ තිබුණා. අද මේ ඉන්න බොහෝ මිනිස්සුන්ට මේවා මතක නැහැ. බණ්ඩාරනායක මහත්තයාට වෙඩි තිබ්බා. තල්¥වේ සෝමාරාම සහ බුද්ධරක්ඛිත. එල්ලුම් ගහට නියම වුණා. චීවරය පිටින් ඒ නඩුව ඇහුවේ. මේ ඉතිහාසය කවුරුත් දන්නෙ නැහැ. එතකොට ඒ භික්ෂූන් වහන්සේලා. අපි භික්ෂූන් වහන්සේලාට ගෞරව කරනවා. ඒත් යුගයේ අපිට මතකයි. බස් එකක් නතර කරන්නෙ නැහැ. ඉස්සරහ ආසනය දෙන්නෙ නැහැ. කවුද හාමුදුරුවනේ නොදුන්නේ? නොදුන්නේ සිංහල මිනිස්සු. බණ්ඩාරනායක මහත්තයාට කිව්වේ මහජන ආණ්ඩුව බිහි කළා කියලා. නමුත් ඒ මහජන ආණ්ඩුවේ ඇති වෙච්ච විපාක ඵලය අවුරුදු තිහක යුද්ධයක් දක්වා දිව ගියා. යාපනය පුස්තකාලයට ගිනි තිබ්බට පස්සේ යාපනයේ හිටපු කතෝලික පියනමක්, ෆාදර් ඩේවිඩ්, ෆාදර් ඩේවිඩ් තමන්ගේ ජනේලයෙන් දකිනවා බුර බුරා නැඑඟෙන ගිනි දැන් වගයකින් අහස රතු පාට වෙලා තියෙනවා.

ඒ පියතුමා කෝල් එකක් දාල අහනවා, මොකද ඒ, රතු පාටට ‘මොකක්ද ගිනි ගන්නේ යාපනේ’ කියලා. ඊට එතුමාගේ මිතුරෙක් උත්තර දෙනවා. ‘ස්වාමී, යාපනය පුස්තකාලයට ගිනි තියලා’ කියලා. ඒ පිළිතුර ටෙලිෆෝනයෙන් අහගෙන ඒ පියතුමා එතැනම වාඩි උණා. ඒ වාඩි උනේ එතැනම මැරිලා. ඔබ කවුරුත් නොදන්නවා ඇති, යාපනය පුස්තකාලයට ගිනි තිබ්බට පස්සේ මේ රටේ මැරුණේ එක මිනිහයි, ඒ මිනිහා කතෝලිකයෙක්. ඒ මිනිහා කතෝලික පියනමක්. අපිත් දිනමිණ පත්තරේ  ඕක දැක්කා. අපි කවුරුත් මළේ නැහැ. ඒ තමයි මේ රටේ බිහි වෙච්ච ශ්‍රේෂ්ඨතම මිනිසා. දෙමළෙක්. කතෝලිකයෙක්. පූජකයෙක්. මම  හිතන්නේ මනුස්සයෙක් ඒ පණිවුඩය දීපු මොහොතේ මැරිලා වැටුණේ එකම මිනිහයි. ඒ ෆාදර් ඬේවිඞ්. එක්කෝටි පනස් ලක්ෂයක් ඉන්න රටක එක මිනිහෙක් මළා.

ඊළගට ඒ සිද්ධිය දැන ගත්ත මොහොතේ යාපනයේ හිටපු මහාචාර්ය එම්.එස්. නුහුමාන් - මුස්ලිම් ජාතික මහාචාර්යතුමා, කවි පංතියක් ලිව්වා. ඒ කවි පංතිය දෙමළෙන් ලිව්වේ. ඒක ඉංග‍්‍රීසියට පරිවර්තනය වුණා. ඒක සිංහලට පරිවර්තනය කරලා තියෙනවා නිලාර් එන් කාසිම් හා පුෂ්පා රම්ලානි. ඒ කවි පංතියේ හෙඩිම - ‘බුදුන් ඝාතනය කිරීම ’. මේ කවි පංතියේ තියෙන්නෙ මොකක්ද? ජන ඝාතකයා එනවා අ`දුරේ ඉ`දලා එළියට. ඇවිල්ලා දුමාරය නඟිනවා. ජනඝාතකයා අහනවා නා`දුනන තුවක්කුකරුවන්ගෙන් ‘කවුද උඹලට මෙයාට වෙඩි තියන්න කිවුවෙ’ කියලා. ඒ ජන ඝාතකයා ‘මෙයා’ කියල කියන්නේ බුදුන් වහන්සේ. බුදුන් වහන්සේට වෙඩි තියලා පඩි පේළියක් පාමුල දාල තියෙනවා. මතක තියාගන්න මේක ලීවේ මුස්ලිම් මහාචාර්යවරයෙක්. පඩි පෙළිය පාමුල දාල තියෙන්නේ බුදුන් වහන්සේගේ දේශය. අර ජන ඝාතකයා අ`දුරින් මතු වෙලා අහනවා - කවුද මෙයාට වෙඩි තියන්න කිව්වෙ? නා`දුනන තුවක්කුකරුවෝ බලාගෙන ඉන්නව භ‍්‍රාන්ත වෙලා. උඹලට දීපු ලැයිස්තුවේ මෙයාගෙ නම තිබුණෙ නැහැ නේද? බුදුන් වහනසේගේ නම තිබුණෙ නැහැ ඝාතනය කළ යුතු ලැයිස්තුවේ. එතකොට නා`දුනන තුවක්කුකරුවෝ කියනවා, ‘‘මෙයාව ඝාතනය නොකොට අපිට කුරා කූඹියෙක්වත් මරන්න බැහැ. මෙයා තමයි අවිහිංසාවාදය දේශනා කළේ අපට. ඒ හින්ද අපි මෙයා මරලා වැඬේ පටන් ගන්නවා.’’ අමතක කරන්න එපා අද දක්වා මේ නැෙඟන ගිනිදැල්, යාපනය පුස්තකාලය ගිනි තබපු වෙලාවේ නැඟුණු ගිනි දැල් තමා මේ තාම එන්නේ. තුවක්කුකාරයෝ මේ කථාව කීවාම අර ජන ඝාතකයා කියනවා ඉක්මනින් කාටවත් පේන්නේ නැති වෙන්න මේ මළසිරුර ගිනි තියලා දාන්න කියලා. එතකොට තුවක්කුකරුවෝ නඟිනවා පඩි පේළිය. නැඟලා අනූදාහක් පොත් උස්සගෙන ඇවිල්ලා බුදුන් වහන්සේගේ දේහය උඩට දාල ගිනි තියනවා. ඒ ගිනි දලු අතරින් මහාචාර්යතුමා ලියනවා ධම්මපදය ගිනි ගන්නවා කියලා. මේ රටේ යාපනය පුස්තකාලය ගිනි තිබ්බට පස්සේ අපිට එක සින්දුවක් ඇහුන් නැහැ ඒ ගැන. නඬේෂන්  කොටි පොලිස්පති බැන්ද ඒ සිංහල කාන්තාව ගැන සිංදුවක් ලියැවිලා තියෙනවා සිංහල සිංදු කියන කිරිල්ලී කියලා. මේ තමයි අපේ සිංහල ජාතිය. අර යාපනේ පුස්තකාලෙ ගිනි දලු අතරින් ධම්මපදය ගිනි ගත්තා . ඒ තමයි මුස්ලිම් මහාචාර්යවරයා අර කවි පංතිය ඉවර කරපු අවසාන වගන්තිය. අපි ඊට පස්සෙ කිසිම කවියක් අහලා නැහැ. බුදු හාමුදුරුවන්ගේ ධර්මස්කන්ධයේ තියෙන්නේ අසූහාරදාහයි. යාපනය පුස්තකාලයේ පොත් අනූදාහක් තිබුණා.

යුද්ධය තිබුණු කාලයේ එක්තරා දවසක මම යාපනේ ගියා. යාපනේ ගිහින් යාපනය පුස්තකාලය ඉස්සරහා හිටගෙන ඉන්නකොට මනුස්සයෙක් ආවා බයිසිකල් එකක් පැදගෙන. මම පුස්තකාලය ඉස්සරහ හිටගෙන හිටියේ අත්දෙක බැ`දගෙන මගේ යාළුවෙක් එනකල්. බයිසිකල් එකෙන් බැස්ස මනුස්සයා මගෙන් ඇහුවා කොළඹ ඉ`දලද ආවේ කියලා. සිංහලෙන් ඇහුවෙ. මම කිව්වා ඔව් කොහොමද අ`දුන ගත්තෙ කියල. හිටගෙන ඉන්න විදිහෙන් කිව්වා. මම ඇහුවා කොහොමද හිටගෙන ඉන්න විදිහෙන් සිංහල ද දෙමළ ද කියලා හ`දුනාගන්නේ කියලා. නැහැ ඔය හිටගෙන ඉන්නේ ආමිකාරයෙක් වගේ කීවා. යාපනයේ ආමිකාරයෝ හිටගෙන ඉන්නෙ ඔය විදිහට. ඒ නිසා මම හිතුවා ඔයා ආමිකාරයෙක් කොළඹින් ආව කෙනෙක් කියලා කීවා. බලද්දී ඒ පුස්තකාලයේ පුස්තකායාධිපති. ඔහු කීවා එන්න පොඞ්ඩක් පුස්තකාලය ඇතුළට යන්න, අපේ පුස්තකාලය දැකල තියෙනවද කියල ඇහුවා. මම කීවා නැහැ මම දැකලා නැහැ යාපනය විශ්වවිද්‍යාලයට ආවට කියලා. ඊට පස්සෙ එතුමා මාව එක්කගෙන ගිහිල්ලා සිංහල පොත් තිබෙන පොත් රාක්ක පෙන්නුවා. ඒකෙ ගුණදාස අමරසේකර හිටියා. ඒකෙ මාර්ටින් වික‍්‍රමසිංහගෙ පොත් තියෙනවා. මහාචාර්ය සරච්චන්ද්‍රගෙ පොත් තියෙනවා. මේ ඔක්කොම පොත් දූවිලි මැද්දේ ඒ විදිහට තියෙන කොට මේ මනුස්සයා මට කියනවා, අපේ පුස්තකාලය ගිනි තියලා, ගිනි දලු අහසට නඟිනකොට, අපි මේ පොත් ටික බේරගත්තා කියලා. ශ්‍රේෂ්ඨ ජාතියක ලක්ෂණ. ජාතියක් ශ්‍රේෂ්ඨ වෙන්නෙ අන්න ඒ පදනමින්. එච්චරයි අපිට කියන්න තියෙන්නෙ. මේ ශ්‍රේෂ්ඨත්වය කොහොමද ජාතියකට ආදේශ කරන්නෙ. අපි ජාතියක් පිළිගන්නෙ නැහැ. කලාව තමයි මගේ ආගම. ආගම අද ඒව උගන්වන්නේ නැහැ. පිංවත කියන කටින් තෝ, යකෝ, පරයා කියල කියනකොට ඒ කටින් කොහොමද මේ වචන පිටවෙන්නෙ කියල ප‍්‍රශ්නයක් අපිට එනවා. මහාචාර්යවරු කල්පනා කරනවා සිංහල භාෂාව බේරගන්න. සිංහල භාෂාව බේරගන්න බැහැ. සිංහල භාෂාව නෙමෙයි බේරගන්න තියෙන්නෙ දැන්. සිංහල ජනයා හිතන පතන විදිහ, මේ හිතන පතන විදිහ අනුව දැවැන්ත විනාශයක් කරා ගමන් කිරීම නතර කිරීම ස`දහා සම අයිතිය ව්‍යාපාරය කරනු ලබන මේ කටයුත්ත මා අගය කරනවා. මේ වේදිකාවේ පෙරේදා හෝ පළමුදා රැුස්වීමක් තිබුණා, ඒ රැුස්වීම පේ‍්‍රමකීර්ති ද අල්විස් අනුස්මරණ උත්සවයක්. ප‍්‍රධාන දේශනය මහාචාර්ය සරත් විජේසූරියගේ. මහාචාර්ය විජේසූරිය ප‍්‍රමාද වෙලා ආවේ. එතුමා බයෙන් තැති අරගෙන හිටියා. එතුමා රෝගී තත්වයක හිටියේ. එතුමා දේශනය පවත්වමින් මා ඉන්න තැන ඉ`දලම කියූ වදන් තමයි ‘මොකක්ද මේ රටට වෙලා තියෙන්නෙ’ කියන එක.

‘මං උදේ විශ්වවිද්‍යාලයේ ඉඳල කාර් එකේ ආවා. මට දැනුම් දී තිබුණේ පුස්තකාල සේවා මණ්ඩලයේ කියලා’
එතනට එනකොට එතැනදී එතුමාව නතර කළා ශ‍්‍රී ලංකා පොලිසියෙන්. නතර කරලා අහනවා ’කොහෙද යන්නෙ?’
‘මම මේ පුස්තකාල සේවා මණ්ඩලයට දේශනයකට යනවා’ කියලා කියනවා.
‘කොහෙද එතැන දේශනයක් තියෙන්නේ?’
‘එතන දේශනයක් තියෙනව පේ‍්‍රමකීර්ති අනුස්මරණ උත්සවයක.’
‘නෑ එතන දේශනයක් නැහැ. මේ ඒරියා එකටම කාටවත් ඇතුල් වෙන්න බැහැ.’
එතුමා කියනවා ‘නැහැ එතන දේශනයක් තියනවා.’ කියලා. ඊට පස්සෙ පොලිසියෙන් යනවා එතැනට. ගිහිල්ලා බලනවා, එතැන දේශනයක් නැහැ. එතුමාව ඊට පස්සෙ එක පොලිස් මහත්මයෙක් අ`දුනාගන්නවා.
‘ඔබතුමා විශ්වවිද්‍යාල කථිකාචාර්යවරයෙක්ද?’
‘ඔව් මම කථිකාචාර්යවරයෙක්. මම ආපහු යන්නම් දේශනයක් නැතිනම්.’

එතුමා කියනවා එක මනුස්සයෙක් මාව අ`දුනාගත්ත නිසයි මට අද මෙතැනට එන්න හම්බුණේ. ඊට පස්සේ සංවිධායක මණ්ඩලයට දැනුම් දුන්නම මෝටර් සයිකලෙන් ගිහින් විජේසූරිය මහක්මයව එක්කගෙන ඇවිත් තිබෙනවා. ඒ වෙලාවෙ එතුමා කීවා ඒ කාර් එක පදවගෙන ආවේ මුස්ලිම් මිනිහෙක් නම් ඒ මිනිහට යන කල ගැන කවර කතාද? එතුමා මේ වේදිකාවේ ඒ මොහොතේ කීවේ. අපි පුළුවන් තරම් උත්සාහ කරමු - තිස් අවුරුදු යුද්ධයක් නිමා උනේ යුද්ධයකින්මයි. යුද්ධයක් යුද්ධයකින් නිමා කරපු පළවෙනි රට ලංකාව. අපි අහල තියෙන විදිහට ග‍්‍රීසියෙ මහා යුද්ධයක් යනකොට ග‍්‍රීසියේ හිටපු මහා නිර්මාණකරුවෝ යුද්ධයට ශාප කළා. යුද්ධය නතර කරන්න  ඕනෙ කියලා කීවා. නාට්‍ය රචනා මඟින් ඒවා ප‍්‍රකාශ කළා. ශිෂ්ට සම්පන්න සමාජයක් ගොඩනැඟීමට ග‍්‍රීසිය ඇතුලේ විශාල සම්පත් ප‍්‍රමාණයක් ලෝකයට දායාද කළා. එවැනි එක නිර්මාණයක් මා විසින් ලාංකේය සමාජයට ප‍්‍රදානය කළා 1999 දී. ඒ නාට්‍යය අවසාන වන වදන් පෙළ මෙයයි.

‘නුවරක් දිනන්නට
ඒ නුවර වනසා
එහි වෙසෙන දන නසා
බැති පුද ලබන දේව පුදසුන්ද
මලවුන් නිසලව සැනසෙන සොහොන් කොත්ද
වනසාලන යම් අමනයෙක් වේද
සිදුකරන්නේ හෙතෙම තමා වටා කතරක් ඉදිකොට
ඔහුද තනිවී නැසී යාමය’
නාට්‍යකරු ග‍්‍රීසියේ අවුරුදු දෙදහස් පන්සීයකට පෙර නිර්මාණ කළ යුරිපිඞීස්. ඒ වදන් පෙළ කොතරම් සත්‍යයක් වේද යන්න තවත් සියක් වසක් ගිය පසු අපි මැරිලා ඊළ`ග පරම්පරාව තීරණය කරාවි.
 -------------------------------------------------
ජනරළ ඇසුරෙන්

20140804

සිදු වෙන සියලුම දේවල් නිශ්චිතයි..



එක් නිශ්චිත මොහොතක
නිශ්චිත ඝණ්ටාවකට
නිශ්චිත පහරක් වැදුණොත්
සිදු වෙන සියලුම දේවල් නිශ්චිතයි..
අහඹු සිදුවීම් නැහැ.
එක පරමාණුවක් ගත්තත්
මුළු විශ්වයම ගත්තත්
සියලු වෙනස්වීම් නිශ්චිතයි..

දිය පහරක් මිටිම, පහසුම තැනට
ගලා බසිමින් මුහුදට යන්නාක් මෙන්ම
ලෝකයත් එක මොහොතක සිට
අනෙක් මොහොතට වෙනස් වන්නේ
වෙනස් විය හැකි අවම අවස්ථාවටය.
මිනිස් සිතිවිලි පවා
බාහිර හා අභ්‍යන්තරික ක්‍රියාවලියක
ප්‍රතිඵල වෙයි..
ස්වාධීන නැත.

පරමාණු වල සිට සක්වලවල් දක්වා
සියලුම දේ ජාලයක් ලෙස නිශ්චිත මගක
චලනය වෙනවා.
මිනිස් සිතිවිලි පවා ඊට යටත්..
ඔබ කරනවා කියා ඔබ සිතන දේත්
ඔබ කියනවා කියා ඔබ සිතන දේත්
ඔබ සිතනවා කියා ඔබ සිතන දේත්
ඔබට ඉබේම ඇතිවෙන රාග ද්වේශ මෝහ..
නීවරණ වල නිපදවීම් අනුව
ඉබේටම පහළ වෙන
වචන හා ක්‍රියා නොවේද?

ඔබ තුළ ඉබේට සිදුවෙන ක්‍රියාවලිය
ඔබට නතර කළ හැකිද?

හුස්ම නිශ්චිතව
ඇතුල්වන්නේ පිටවන්නේ කෙසේද?
හුස්ම ගන්නේ ඔබද?
සිතිවිලි ඇති කරගන්නේ ඔබද?
දවස පුරා ඉරියව් වෙනස් කරන්නේ ඔබද...
ඒ සියල්ලම ඉබේට සිදු වෙනවා නොවේද?

අප සාක්ෂිකරුවන් බව
අපට අමතකයි.
ඉබේට සිදුවෙන දේවල්
මමත්වයෙන් අල්ලාගෙන
අපි කරනවා කියා සිතනවා.
තත්පර කිහිපයකට
ඔබ කරන සියල්ල නතරකොට
ඉබේට සිදුවෙන දේවල් දෙස
සමස්තයක් ලෙස බලා ඉන්න..

ඉන් පසුව
ඉතා සෙමින්
ඔබේ කයට ඉබේට හැසිරෙන්නට දී
ඔබට ඉබේට සිතිවිලි ඇතිවෙන හැටි..
ඔබ ඉබේට ඒ සිතුවිලි ක්‍රියාවට නගන විදිය
ඉබේටම සන්සුන්ව බලා ඉන්න.