20130225

ආර්ය අෂ්ඨාංගික මාර්ග දෙකක් නැහැ


මහා චත්තාරීසක සූත්‍රය
වරදවා තේරුම් ගැනීමෙන්
ලෞකික සහ ලෝකෝත්තර වශයෙන්
ආර්ය අෂ්ඨාංගික මාර්ග දෙකක් ඇතැයි
පෙර නොඇසූ අමුතුම දහමක්
අදහන කොටසක්
අප සමාජයේ ඉන්නවා.
ඔවුන් මෙසේ කියනවා.
------------------------------------------------------

අපි වඩන ආර්ය අෂ්ඨාංගික මාර්ගයක් තියනව. මේ ආර්ය අෂ්ඨාංගික මාර්ගය තුල ලෞකික ආර්ය අෂ්ඨාංගික මාර්ගයකුයි, ලෝකෝත්තර ආර්ය අෂ්ඨාංගික මාර්ගයකුයි දෙකක් තියනව කියල බුදුරජාණන් වහන්සේ දේශනා කලා. නමුත් අපි අහල තියනවද එහෙම එකක්? ආර්ය අෂ්ඨාංගික මාර්ග දෙකක් ගැන? එතකොට ලෞකික ආර්ය අෂ්ඨාංගික මාර්ගය කියල එකක් තියනව. හැබැයි බුදුරජාණන් වහන්සේ දේශනා කරනව මෙහෙම එකක්. ඒ ලෞකික වූ ආර්ය අෂ්ඨාංගික මාර්ගය කෙලෙස් සහිතයි. නිවනට නෙවෙයි සුගතියට හේතු වෙනව කියල. කෙලෙසුන්ගෙන් මුදවන නිවනට හේතුවන ආර්ය අෂ්ඨාංගික මාර්ගය බුදුරජාණන් වහන්සේ පෙන්වා දුන්න ලෝකෝත්තර ආර්ය අෂ්ඨාංගික මාර්ගයයි.

ලෝකෝත්තර ආර්ය අෂ්ඨාංගික මාර්ගය අපි තෝරගන්න ඕන. කොහොමද ලෝකෝත්තර ආර්ය අෂ්ඨාංගික මාර්ගයට පත්වෙන්නෙ කියල අපි ධර්මානුකූලව තේරුම් ගන්න ඕන. මජ්ජිම නිකායෙ මට මතක හැටියට, මහා චත්තාරීසක සූත්‍රය කියන සූත්‍රයෙ හොඳට පැහැදිලිව ඔය ටික දේශනා කරල තියනව. නමුත් අපි ඕක බැලුවෙ නැත්නම් තෝරගත්තෙ නැත්නම් අපිට හරි අමාරුයි යථාර්ථය තෝරා ගන්න. ඔන්න ඔය ආර්ය අෂ්ඨාංගික මාර්ගය වටහාගත්තොත් අපිට පුලුවන්කම ලැබෙනව හරියටම අන්න ඒ ධර්ම මාර්ගය වටහාගන්න.
------------------
https://sites.google.com/site/hiddenbuddhism/written-files/cd01f07-0---d2
=========================================================
ඉහත ප්‍රකාශය සම්පූර්ණ වැරදි ප්‍රකාශයක්.


 මහා චත්තාරිසක සූත්‍රයෙ
ආර්ය අෂ්ඨාංගික මාර්ග
දෙකක් නැහැ.....

මහා චත්තාරිසක සූත්‍රයෙ
සම්මා වායාම
සම්මා සති
සම්මා සමාධි හැර
මුල් අංග පහ වෙනම
විස්තර වෙනවා.

පළවෙනි සුගති මාර්ගයට
අංග පහයි.
1. සම්මා දිට්ඨි
2. සම්මා සඞ්කප්ප
3. සම්මා වාචා
4. සම්මා කම්මන්ත
5. සම්මා ආජීව අංග සහිත
සාසවා පුඤ්‌ඤභාගියා උපධිවෙපක්‌කා
පඤ්චාංගික මාර්ගයක් තියනවා.

සම්මා සමාධිය වැඩෙන්නට හේතුවෙන
දෙවෙනි සුගති මාර්ගයට අංග හතයි.
1. සම්මා දිට්ඨි
2. සම්මා සඞ්කප්ප
3. සම්මා වාචා
4. සම්මා කම්මන්ත
5. සම්මා ආජීව
6, සම්මා වායාම
7, සම්මා සති
මේ මාර්ගාංග නිසා වැඩෙන
සම්මා සමාධියත් සමග
අරියා අනාසවා ලොකුත්‌තරා
අෂ්ඨාංගික මාර්ගයක් තියනවා.




විදසුන් නොවඩන නමුත්
සාමාන්‍ය ගිහි ජීවිතයක් ගත කරන
යහපත් මනුෂ්‍යයාට
අවශ්‍ය මූලිකාංග පහක්
විස්තර කරන පඤ්චාංගික මාර්ගය
එතනින් එහාට යන්නෙ නැහැ.
ඒ පහ පැත්තකින් තියන්න.
ඒ පහ කොහොමවත්
අටක් වෙන්නෙ නැහැ.

ආර්ය අශ්ඨාංගික මාර්ගයේ
කරුණු මත පදනම්ව
1. සම්මා දිට්ඨිය
2. සම්මා සඞ්කප්පය
3. සම්මා වාචා
4. සම්මා කම්මන්ත
5. සම්මා ආජීව
ලෝකෝත්තර මාර්ගාංග පහ
1. සම්මා දිට්ඨි
2, සම්මා වායාම ,
3, සම්මා සති පදනම්ව
සම්මා සමාධියට හේතුවෙන
මාර්ගාංග හතක් බවට පත්වෙන අයුරු
මහා චත්තාරිසක සූත්‍රයෙ
ප්‍රධාන මාතෘකාවයි.

මේ කතා කරන්නෙ නිවන ගැනවත්
දුක නිවීම ගැනවත් නෙවෙයි.
මේ කතා කරන්නෙ
සම්මා සමාධිය ගැනයි.

හැම ලෝකෝත්තර මාර්ගාංගයකටම
සම්මා දිට්ඨි, සම්මා වායාම,
සම්මා සති අවශ්‍යයි.

ප්‍රඥාව, ප්‍රඥා ඉන්ද්‍රිය සහ ප්‍රඥා බලය
ලේකෝත්තර සම්මා දිට්ඨියෙ
එක් අවශ්‍යතාවයක්
.
[[ප්‍රඥාව වැඩෙන්න විදසුනෙන් බව
බුදුන් වහන්සෙ ප්‍රකාශ කරල තියනවා.]]

සම්මා වායාම
අනුප්පන්නානං අකුසලානං ධම්මානං අනුප්පාදාය
ඡන්දං ජනේති වායමති,
විරියං ආරභති
චිත්තං පග්ගන්හාති පදහති,
උප්පන්නානං අකුසලානං ධම්මානං පහානාය
ඡන්දං ජනේති වායමති විරියං ආරභති
චිත්තං පග්ගන්හාති පදහති.

සම්මා වායාමයෙ විස්තර වෙන
උපන් නූපන් කුසල් අකුසල් මොනවාද?
බුදුන් වහන්සෙ
අකුසල රාසි සූත්‍රයෙ මෙසේ
සඳහන් කරනවා.

කුසල් අකුසල් රැස්වෙන ආකාර දෙකකි.
අන් සියලු වැරදි නිවැරදි ක්‍රියා
පින් පව් වලට අයත් වෙයි.

මහණෙනි,
අකුසල් රැස යැයි යමකට කියනු ලබන්නේ නම්
නිවැරදිව කිව යුත්තේ මේ පංච නීවරණයන්ටයි.
මහණෙනි, පංච නීවරණ යනු
සම්පූර්ණයෙන්ම අකුසල් රැසයි.
ඒ පහ කුමක්ද?
කාමච්ඡුන්ද නීවරණය,
ව්‍යාපාද නීවරණය,
ථීනමිද්ධ නීවරණය,
උද්ධච්චකුක්කුච්ච නීවරණය,
විචිකිච්ඡා නීවරණයයි.
----------------------------------------------------------
මහණෙනි, කුසල් රැස යැයි
යමකට කියනු ලබන්නේ නම්
නිවැරදිව කිව යුත්තේ
මේ සතර සතිපට්ඨානයන්ටයි.
මහණෙනි, මේ සතර සතිපට්ඨාන යනු
සම්පූර්ණයෙන්ම කුසල් රැසයි.

කවර වූ සතරෙක්ද?

___මහණෙනි, යම් මහණෙක්,
1, වීර්යයෙන්, සමස්තය දැනෙන සිහියෙන්,
පවතින දෙයට ලෝභ-ද්වේශ දෙකෙන් තොරව
කයෙහි කය අනුව දකිමින් වෙසෙයි,

2, වීර්යයෙන්, සමස්තය දැනෙන සිහියෙන්,
පවතින දෙයට ලෝභ-ද්වේශ දෙකෙන් තොරව
[කයෙහි වෙනස් වීම්]
වේද්නා වල වේදනා අනුව දකිමින් වෙසෙයි,

3, වීර්යයෙන්, සමස්තය දැනෙන සිහියෙන්,
පවතින දෙයට ලෝභ-ද්වේශ දෙකෙන් තොරව
සිතෙහි සිත අනුව දකිමින් වෙසෙයි,

4, වීර්යයෙන්, සමස්තය දැනෙන සිහියෙන්,
පවතින දෙයට ලෝභ-ද්වේශ දෙකෙන් තොරව
[සිතෙහි වෙනස්වීම්]
දහම්හි දහම් අනුව දකිමින් වෙසෙයි,

මහණෙනි, කුසල් රැස යැයි
යමකට කියනු ලබන්නේ නම්
නිවැරදිව කිව යුත්තේ
මේ සතර සතිපට්ඨානයන්ටයි.
මහණෙනි, මේ සතර සතිපට්ඨාන යනු
සම්පූර්ණයෙන්ම කුසල් රැසයි.

සතර සතිපට්ඨානය කියන්නෙ
සම්මා සතියයි.

සම්මා සතිය නිසා
වැඩෙන ප්‍රඥාවෙන් ඇතිවෙන
සම්මා දිට්ඨිය
පළවෙනි ලෝකෝත්තර
මාර්ගාංගයයි.

ඉතිරි මාර්ගාංග හැම එකකටම
1. සම්මා දිට්ඨි,
2, සම්මා වායාම,
3, සම්මා සති, පාදක වෙනවා.

සම්මා සමාධිය ඉහත කී
මාර්ගාංග හතේ ප්‍රතිඵලයයි.

ඒ අනුව බලන විට
මුලින් කියන ලද
සාසවා පුඤ්‌ඤභාගියා උපධිවෙපක්‌කා
පඤ්චාංගික මාර්ගය
අරියා අනාසවා ලොකුත්‌තරා
මාර්ගාංග බවට පත්වෙන්නෙ
මූලිකවම
සම්මා සතිය, [ සතර සතිපට්ඨානය ]
එනම් විදර්ශනාව නිසයි.

මේ අනුව කෙනෙක්
ලෝකොත්තර මාර්ගයට
ඇතුල් වෙන්නෙ විදසුන නිසයි.

 

20130207

මනෝ විද්‍යාව සහ බුදු දහම




මනෝ විද්‍යාව කියන්නෙ
බුදු දහමෙන් අංශුමාත්‍රයක
අසම්පූර්ණ දැනුමක්.

මනෝ විද්‍යාව කියන්නෙ
මිනිසුන්ගෙ චර්යාවන්
තනි පුද්ගලයන් ලෙස හා
කණ්ඩායම් ලෙස ගෙන
කරන ලද සමීක්ශණ මගින්
ඇතිකරගන්නා ලද නිගමනයි.

මොළය හා ස්නායු පද්ධතිය
පිළිබඳව කරනලද
වෛද්‍ය විද්යාත්මක
හැදෑරීම් හැරුණු කොට
මනෝ විද්‍යාව
විද්‍යාවක් ලෙස හෝ
නොපිලිගැනෙන
දියාරු විද්‍යාවක්.

මනෝ විද්‍යාව කියන්නෙ
පාර්ශ්වික දැනුමක්.

රිටක් මුදුනෙ කරණම් ගහන්න
හැකියාව තියෙන නමුත්
ඒ බව නොදන්නා
දක්ශ කරණම් කාරයෙක්
අංග විකලයෙක් මෙන් හැසිරෙනවා බලා
ඒ සීමාව තුළ හදාගත්ත
පාර්ශ්වික දැනුමක්.

මිනිස් සමාජයට,
විශේශයෙන්ම අන්‍යාගමික අයට සහ
බුදු දහම වටහාගත නොහැකි අයට
එයින් යම් සේවයක් වෙනවා.

බුදුන් වහන්සෙ සිත පිලිබඳ සොයා ගත්තෙ
අනුන්ගෙ චර්යාවන් මගින් හෝ
සමීක්ශණ ප්‍රශ්න පත්‍ර ඇසුරෙන් නෙමෙයි.
තමන්ගෙම සිත දිහා බලලයි.
උන්වහන්සෙ කියන දේ සත්‍යද කියල
අපිට සොයා බලන්න තියෙන්නෙත්
තමන්ගෙම සිත දිහා බලලයි.

උන් වහන්සේ කරන ලද වර්ගීකරණයන්
මනෝ විද්‍යාඥයින්ට
ඔවුන්ගෙ දැනුමෙන්
ස්පර්ශ කරන්නවත් බැහැ.

මනෝ විද්‍යාඥයින්
සිත වශයෙන් හඳුන්වන්නෙ
මිනිස් මනසෙන්
සියයට පහක් දහයක් පමණ වන
උඩු හිත විතරයි.

කෙලෙස් වලින් වැසුණ ඉතිරි කොටස
ඔවුන් හඳුන්වන්නෙ
මිනිසාට පාලනයක් නැති
උප විඤ්ඤාණය විදියටයි.

අපරාධයක යෙදෙන අවස්ථාවෙදි
ස්ත්‍රී දූශකයා පාලනය වෙන්නෙ
මනෝ විද්‍යාවෙ
උප විඤ්ඤාණය වශයෙන් හඳුන්වන
ක්ශේත්‍රය මගිනුයි.
ඔහු මෙන්ම
ප්‍රබල කාමුක හැඟීම් ඇත්තාත්
පාලනය වෙන්නෙ
උප විඤ්ඤාණය මගිනුයි.
ඔහු මෙන්ම
තීව්‍ර කාමුක හැඟීම් ඇත්තාත්
පාලනය වෙන්නෙ
උප විඤ්ඤාණය මගිනුයි.
තමන්ගේ නෙත් සිත් පිනවන අන්දමින්
අඩ නිරුවත් ඇඳුම අඳින්නට
දැරියන්ට නිදහස ලබා දෙන්නැයි
ඉල්ලීම් බලපෑම් කරන අයට
ඒ උවමනාව ඇති කරන්නෙත්
උප විඤ්ඤාණයෙන්මයි.

ඒ නිසා
කාමය සුවයක් සේ විඳින
හැම කෙනෙක්ම පාලනය වෙන්නේ
උප විඤ්ඤාණයෙනුයි.

නීතියේ රැහැනට හසු වුණොත්
දඬුවම දෙනවා විනා
මනෝ විද්‍යාඥයින්ට
රසායනික නිර්වින්දනයෙන් එහාට
උප විඤ්ඤාණය
පාලනය කළ හැකි
විසඳුමක් නැහැ.

උප විඤ්ඤාණය
පාලනය කළ හැකි සහ
පිරිසිදු කළ හැකි
විසඳුම තියෙන්නෙ
බුදු දහමෙ විතරයි.

බුදු දහමෙ හරය සහ
මූලිකම ප්‍රායෝගික පිළිවෙත වන
විදසුනෙන් කරන්නෙ
මෙම උප විඤ්ඤාණය ලෙස
හඳුන්වන කොටස
පාලනය කර ගන්නා ගමන්
ඒ ක්ශෙත්‍රය
මිනිස් සිත බවට පත්වනතුරුම
පිරිසිදු කිරීමයි.

රහතන් වහන්සේ කෙනෙකුට
උප විඤ්ඤාණයක් නැහැ.

බුදුන්වහන්සෙ
වර්ගීකරණයට ලක් කළේ
පූර්ණ මිනිස් සිතයි.
උන්වහන්සෙ
මිනිසාගේ චිත්ත ශක්තිය
උපරිම ලෙස
නිදහස් කරගත හැකි ආකාරය අනුව
බුදු පසේබුදු මහ රහත් යනුවෙන්
වර්ග තුනකට වෙන්කළා.
අප අතරත් ඔවුන්
ඒ තුන් ආකාරයට ජීවත් වෙනවා.

බුදුන් වහන්සේ
කයට ඇතිවෙන වේදනා
සුඛ, දුක්ඛ, අදුක්ඛම සුඛ යනුවෙන්
වේදනා වර්ග තුනකට වෙන් කළා.

මිනිස් සිතට ඇතිවෙන හැඟීම්,
සිතුවිලි ආදිය
රාග, ද්වේශ මෝහ යනුවෙන්
වර්ග තුනකට වෙන් කලා.

මුලු සිතම
අනිච්ච, දුක්ඛ, අනත්ත ලෙස
මූලික ලක්ශණ තුනකට
වර්ගීකරණය කළා.

බුදුන් වහන්සේ
ඒ අයුරින් මිනිස් සිත
අණු පරමාණු වැනි මට්ටමකටත්
ඉලෙක්ට්‍රෝන, ප්‍රෝටෝන වැනි මට්ටමකටත්,
ඉන් එහාට
නිරන්තරයෙන් දැවෙන, කම්පනය වෙන
“සබ්බේ ලොකෝ පකම්පිතෝ,
සබ්බේ ලෝකො පජ්ජලිතෝ”
තරංග මට්ටමටත්
කාලයත්, අවකාශයත් ඉක්මවා
අසංඛත වූ නිවන දක්වාම
විස්තර කරනවා.

බුදුන් වහන්සෙගෙ ධර්මයේ
මුළු න්‍යායම
පටිච්ච සමුප්පාදයෙහි අඩංගු වෙනවා.
“පටිච්ච සමුප්පාදය දකින්නා ධර්මය දකිනවා.
ධර්මය දකින්නා පටිච්ච සමුප්පාදය දකිනවා.”
කියා උන්වහන්සේ කියන්නේ ඒ නිසයි.

ඒ වගේම
ආනාපාන සතියෙන් පටන්ගෙන,
කය, වේදනා, සිත, සිතේ ධර්මතා
වශයෙන් නිවන දක්වාම
ඒකායන පිළිවෙත් මග
සතර සතිපට්ඨානය තුළ අඩංගු වෙනවා.

සතර සතිපට්ඨානයෙන් කරන්නෙ
මනෝ විද්‍යාවෙ
උප විඤ්ඤාණය ලෙස හඳුන්වන කොටස
පාලනය කර ගන්නා ගමන්
ඒ ක්ශෙත්‍රය
මිනිස් සිත බවට පත්වනතුරුම
පිරිසිදු කිරීමයි.

රහතන් වහන්සේ කෙනෙකුට
උප විඤ්ඤාණයක් නැහැ.

මිනිස් සිත පිරිසිදු කරන්නට හැකි
උපරිම තලයට
පිරිසිදු වෙලා අවසානයි.

සාමාන්‍ය කෙනෙකුට වුණත්
මේ පිරිසිදු කිරීම
කර ගත් තරමට
ජීවිතයට සහනය
ලැබෙනවා.

20130205

විදසුන් වඩන්න කලින්


.
විදසුන් වඩන්න කලින්
මට තිබුණෙ වේදනා නොදැනෙන
හිස් ශරීරයක්.
තරහ ආව වෙලාවට
තරහ කයෙහි දැකලාම නැහැ
කියන්න පුලුවන්.,

දැන් මට තරහ ආව වෙලාවට
මුළු ශරීරයම වෙනස් වෙනවා.
ඒ දැනෙන වේදනා පෙනෙනවා..
හරියටම වචනයෙන්
කියන්න අපහසුයි..
හොඳම දේ තමයි
ඔබට තරහ ආව වෙලාවට
තමන් දිහා බලන එක.

සිහියත් උපේක්ෂාවත් තිබුණොත්
ඒ තරහ මම
රන කියන දේ
වෙනස් කරන්නෙ නැහැ.

ඒ දැනෙන වේදනා පෙනෙනවා..
ඒත් අනිත් පැත්තෙ ඉන්න කෙනා
කරපු දේ ගැන අදහස කිව්වට
එයින් මම විඳින දේට
ඔහු වගකිවයුතුයි සිතෙන්නෙ නැහැ.

මම ඔහු සමග ගැටෙන්නෙ
මේ වෙනස් වීමට
ඔහු වගකිවයුතුයි කියල
හිතුවොත්...

අදහස් සමග දිගින් දිගට ගැටුණට
පු
ද්ගලයට නින්දා අපහාස කරන්න
රිදවන්න හිතෙන්නෙ නැහැ.

මේ දැනෙන දේ සම්පතක්
කියල මම දන්නවා.මේ මතු වෙන්නෙ සංස්කාර

වැය වීම සංස්කාර වල ධර්මතාවයයි.
වැය වීම-නිරුද්ධ වීම  වෙන්න නම්
සංස්කාර ඉපදිය යුතුයි.
 
උපදින සංස්කාර වේදනා විදියට
ප්‍රකට වෙන කොට
ඒ අත්දැකීමට උපෙක්ෂාව තියනවා නම්
සංස්කාර නිරුද්ධ වෙනවා.

20130204

ක්ෂණික මගඵල..............

බුදුන් වහන්සෙ ළඟ
ක්ෂණිකව මගඵල ලැබූ අය
සසරෙ කල්ප ලක්ෂ ගණන්
විදසුන් වඩමින් පෙරුම් පිරූ අයයි.

ගාථා පද දෙකක් අහලා සෝවාන් වුණ උපතිස්ස
අගසව් වෙන්න නියත විවරණ ලබන කොටත්
70,000ක් ගෝලයො ඇතුව
විදසුන් වඩමින් හිටිය
දහම් ගුරුවරයෙක්.

නියත විවරණ ලැබීමෙන් පසුව
විදසුන් වඩමින්
ඔහු සසරෙ පෙරුම් පිරූ කාලය
බෝසතාණන් වහන්සෙ පෙරුම් පිරූ කාලයෙන්
හතරෙන් පංගුවක්.

සෝපාකලා සුනීතලාත්
කල්ප ලක්ෂ ගණන්
විදසුන් වඩමින්
පෙරුම් පුරන්න ඇති.

ගහක් එක පොරෝ පහරෙන් වැටෙන්න පුලුවන්.
එතනට වෙනතුරු කපල තියෙන්න ඕන.
ඔරුවෙන් එලියට අඩියක් තියල
එගොඩ වෙන්න පුලුවන්.
ඔරුව එගොඩටම ඇවිත් තියෙන්න ඕන.

කාගේ හරි සිවුරු පොටක එල්ලිලා
එක අඩියට ගොඩ වෙන්න බලාගෙන
ඔරුව වතුරටවත් නොදා ඉන්න අයට
මේ බුද්ධෝත්පාද කාලෙ
ඒ අවස්ථාවත් මග හැරෙනවා.