20150411

කැඩුණු අස්ථි පැය දෙකෙන් හදන විශ්මිත සිංහළ වෙදකම



පැරැණි වෙද පරපුරේ වෙද කමත් පැරණි ශාස්ත‍්‍රයත් ආරක්ෂාකරගත් එමෙන්ම ඒ හැකියාවෙන් පිරිපුන් අපූරු තරුණයකු ගාල්ලේ කීඹියේ සිය පරපුරෙන් උරුම වූ අතීත වෙදගෙදර තවමත් ජීවමානව පවත්වාගෙන යන්නේ ලොවට වැඩ සලසමිනි.

තවමත් 36 හැවිරිදි වියේ පසුවන නන්දසිරි වික‍්‍රමනායක ආරච්චි මහතා ඒ අභිමානවත් හෙළ සිංහල වෙද පරපුරේ ඔහු දන්නා පරිදි හයවැනි පරම්පරාවයි.
කැඩුණු පා ඇටයක් හෝ අත් ඇටයක් පැයකින්, පැය දෙකකින් හෝ පැය හැටකින් හෝ දින ගණනකින් හෝ යළි තිබූ ආකාරයටම පිළිසකර කිරීමේ හැකියාව ඔහුට ද තිබේ.

දක්ෂිණ ලංකාවේ උළු පට්ටලේ ගෙදර යනුවෙන් චිර ප‍්‍රසිද්ධියක් උසුළන මේ වෙද ගෙදර අතීතය දිව යන්නේ තොටගමුව මහ පිරිවෙන ශී‍්‍ර විභූතියෙන් විරාජමානව තිබූ යුගයටය. එකළ එම පිරිවෙන ආශි‍්‍රතව කි‍්‍රයාත්මක වූ භාෂා හා ශිල්ප ශාස්ත‍්‍ර බෙදාදීමේ මධ්‍යස්ථානයෙන් කැඩුම් බිඳුම් වෙදකම ඉගෙන ගත් වික‍්‍රමනායක ආරච්චි නම් වෙද මහතෙක් කීඹියේ තරුණියක් හා විවාහ වී එම ගමේ පදිංචියට පැමිණෙන්නේ උ`එ පට්ටලේ ගෙදර වෙද පරපුර ආරම්භ කරමිනි.
ගාල්ලේ සිට මාපලගම මාර්ගයේ පැමිණ හිරිගල්කැටිය හන්දියෙන් හැරී කිලෝ මීටර තුනක් පමණ ගමන්ගත් විට මැද කීඹීයේ උළුපට්ටලේ ගෙදර හමුවෙයි.

උළු පට්ටලේ ගෙදර අන්ද්‍රයස් වික‍්‍රමනායක ආරච්චි වෙද මහතාටත් ඔහුගේ බිරිඳ වූ නබඳව විතානගේ කුසුමලතා මහත්මියටත් දියණියන් දෙදෙනකි. ඉන් අනතුරුව තුන්වැනි දරුවා ලෙස 1976 අගෝස්තු 25 වැනි දින පුත් කුමරකු උපත ලබන්නේ වෙදකම ඉදිරියට රැුගෙන යාමේ අන්ද්‍රයස් වෙද මහතාගේ බලාපොරොත්තු ඉහළ නංවමිනි. මේ කුමරු නන්දසිරි නම් වූවේය.

බද්දේගම කි‍්‍රස්තුදේව පිරිමි විද්‍යාලයේ අධ්‍යාපනයට ගිය නන්දසිරි නිවසේ සිටින සෑම මොහොතකම සිය පියාගේ වෙද කමට හෙද කමෙන් සහය වූයේ එය මනාව අධ්‍යයනය කරමිනි. පාඩම් පොත්වලට අමතරව පැරණි වෙද පොත් කියවීමටත් ඔහු කාලය ගත කළේ ඒ පිළිබඳව තිබූ නොනිමි ආශාව හේතුවෙනි.
ජීව විද්‍යා අංශයෙන් උසස් පෙළ හැදෑරූ නන්දසිරි පාසල් අධ්‍යාපනය හදාරා අවසන් වනවිටම වෙදකමට බැස්සේ පියා ජීවත්ව සිටියදීම ඔහුට යෝද ශක්තියක් වෙමිනි. ඔහුගේ වැඩිමහල් සොහොයුරිය කුසුමා වික‍්‍රමනායක ආරච්චි තරුණිය ද සොහොයුරා සමග වෙදකම ආරම්භ කළාය.

ඔවුන්ගේ වෙදකම වූයේ සිංහල කැඩුම් බිඳුම් වෙදකමයි. ඊට අමතරව පීනස සුව කිරීම, නහරගත ආබාධ සුව කිරීම හා කාන්තා රෝග සුවපත් කිරීමත් පරපුරෙන් පැවත ආවේය. එහෙත් ඒ සියල්ල අභිබවමින් මතුවී තිබෙන්නේ විශේෂඥ විෂයක් වූ කැඩුම් බිඳුම් වෙදකමයි.

සිය පිය පරපුරෙන් ලැබුණු පැරණි පුස්කොළ පොත් ඇතුළු වෙද පොත් රැුසක් ද පැරණි වෙද වට්ටෝරු ද ඔහු අධ්‍යයනය කළේය. එමෙන්ම වර්තමානයේ බටහිර වෛද්‍ය ක‍්‍රමය අනුව ප‍්‍රතිකාර ලබාගන්නා රෝගීන් එම ප‍්‍රතිකාරවලින් සුවපත් නොවී ඔහු සොයා පැමිණෙන විට ඒවා යළි සැකසීමේ ක‍්‍රමවේදයන් ද අධ්‍යයනය කිරීමට ඔහුටත් සොහොයුරියටත් සිදුව තිබේ.

වික‍්‍රමනායක ආරච්චි මහතා පවසන්නේ වර්තමානයේ වෙදකමට ඇති ප‍්‍රධානතම බාධකය අත්‍යාවශ්‍ය අමුද්‍රව්‍ය නොමැති වීම බවයි.
උළු පට්ටලේ ගෙදර වෙද පරපුර කැඩුණු අස්ථියක් පැයකින් බද්ධ කිරීමට සමත්කම් දැකුවූහ. එක් පෑ සන්ධි, දෙපෑ සන්ධි, තුන්පෑ සන්ධි, හත්පෑ සන්ධි, හැට පෑ සන්ධි යනුවෙන් අස්ථි සවිකිරීමට ගතවන කාලය අනුව බෙහෙත් වර්ග තිබෙන බව වික‍්‍රමනායක ආරච්චි මහතා පවසයි.

ඔහු පවසන්නේ පැයකින් අස්ථි සවිකිරීමට නම් ඇතකුට පන තිබියදී හෝ මියගිය වහාම දළයෙන් ගන්නා කුඩු භාවිතා කිරීමට සිදුවන බවයි. එමෙන්ම උරුලෑවාගේ උකුල් ඇටයෙන් ගන්නා කුඩු ද මෙැවිනි අස්ථි බිඳුම් සඳහා භාවිතා කළ බව මේ තරුණ වෙද මහතා අප සමග කීවේය. ඔහු පවසන්නේ මිහිමත ජීවත්වන සතුන් අතරින් අස්ථිවල වැඩිම කැල්සියම් ප‍්‍රතිශතයක් ඇත්තේ උරුලෑවාගේ අස්ථිවල බව සිංහල වෙදකමේ පිළිගැනීමක් තිබෙන බවයි.

‘‘ එදා සිංහල වෙදකමට අනුව අවශ්‍ය වූ ඇත් දළ කුඩු, උරුලෑවාගේ අස්ථි කුඩු සහ ගව අඃ, හරක් අඃ ආදිය අද සොයා ගන්න දැන් හැකියාවක් නැහැ. ඒ නිසා පැයෙන් දෙකෙන් අස්ථි පිළිසකර කිරීමේ වෙදකම කිරීමනම් අපහසු දෙයක්. අපි දැන් කරන්නේ ගස්වල පොතු, කොළ ආදී පස් පංගුව යොදාගෙන අස්ථි වෙදකම කිරීමයි. ඒ සඳහා යම් කාලයක් ගතවනවා.’’

බටහිර වෛද්‍ය විද්‍යාව කෙතරම් දියුණු වුවද අස්ථි සම්බන්ධයෙන් නම් ශී‍්‍ර ලංකාවේ බහුතර ජනතාවක් තවමත් විශ්වාස තබන්නේ පැරණි සිංහල අස්ථි වෙදකමට බව නොරහසකි. ඇටයක් කැඩුණු විට, උළුක්කුවක් හෝ පෙරළීමක් සිදුවූ විට සිංහල වෙද මහත්තයකු සොයා යා යුතු යැයි සිතිවිල්ලක් බොහෝ අය තුළ තිබේ. එහෙත් ඕනෑම අයකු අනතුරකදී කෙලින්ම යන්නේ රජයේ රෝහලටය. එහි ගිය විට යළි සිංහල වෙද ගෙදරට යාමට සිදුවන්නේ රෝගියාගේ කැමැත්තෙන් හෙවත් බලෙන් ටිකට් කපාගෙනය.

‘‘ බටහිර වෙදකම අනුව අස්ථි යළි සකස්කැර ගන්න ගිහින් ප්ලාස්ටර් දාගෙන, ඇණ සවිකරලා, එහෙමත් නැත්නම් අධාරක තහඩු ශරීරය ඇතුළට සවිකරගෙන පවා අවසානයේ අපේ ළ`ගට එනවා. ඇතැම් ඇයගේ අත පය ඇද වෙලා නැත්නම් කොට වෙලා සදාකාලික ආබාධිතයන් බවට පත්වෙලා තමයි එන්නේ. එවැනි රෝගීන් සුවකරන්න බැරි මට්ටමටම ආවට පස්සේ අපි ළගට එනවා. ඒත් අස්ථියක් කැඩුණු අළුතම අපි ළගට එනවානම් ඕනෑම ආකාරයක කෙනෙක් සුවපත් කිරීමේ හැකියාව අපට තිබෙනවා. ’’

වික‍්‍රමනායක ආරච්චි මහතා පවසන්නේ තම පියාගේ කාලයේ අකුරටියේ අමරවංශ හිමියන්ට අසීරු ප‍්‍රතිකාරයක් කැර ඇති බවයි. ඒ හිමියන් සහ ගනේගම සරණංකර හිමියන් වරක් රිය අනතුරකට ලක්ව තිබේ. එයින් බරපතළ තුවාල ලැබූ අකුරටියේ අමරවංශ හිමියන් මාර්ගයේ පසෙක හාන්සිකොට තබා ඇත්තේ ඒ හිමියන් අපවත්වී ඇතැයි සිතමිනි. ඒ අවස්ථාවේ හිමියන්ගේ පාදයක් යන්තමින් සෙළවෙන ආකාරය යමකු දැකීම හේතුවෙන් උන්වහන්සේ වහාම රෝහල්ගත කැරුණි.

වෛද්‍යවරුන් පැවසුවේ ස්ථාන කිහිපයකින් කැඞී ගිය හිමියන්ගේ පාදය කිසිදා සුව කළ නොහැකි වනු ඇති බවයි. අවිදීමට පමණක් නොව ඇඳෙන් බැසීමට පවා නොහැකිව සිටි අමරවංශ හිමියන්ට පිහිටට ආවේ වික‍්‍රමාරච්චි මහතාගේ පියා සහ ඔහුගේ සොහොයුරෙකි. මේ දෙදෙනා ගොස් විද්‍යාලෝක පිරිවෙනේ දී අමරවංශ හිමියන්ට ප‍්‍රතිකාර කළහ. කිසිදා පය බිමතබා ඇවිදීමට නොහැකි වනු ඇතැයි වෛද්‍යවරු කියා සිටි අමරවංශ හිමියෝ දින 13 න් පාද බිම තැබූහ. මාසයක් ගතවීමට පෙර ඇවිද ගියහ.

තවත් බරපතළ රෝගියකු වූයේ බද්දේගම මාකුරුගොඩ ප‍්‍රදේශයේ නාවික හමුදා සෙබළෙකි. දබරයකදී ඔහු යකඩ පොලූ වලින් පහරකා ආබාධිත වී සිටියේය. රෝහලට ගෙන යන විට ඔහුගේ එක්පාදයක දිවිත්ව අස්ථියක් කැඞී ගොස් තිබේ. එහි ඇතුළත කුහරයක් ද හටගෙන තිබිණි.

‘‘ අපෙ තාත්තා ඒ කුහරයට බෙහෙත් තෙල් කාලක් විතර පුරවනවා. මාස එකහමාරක් ප‍්‍රතිකාර කරනකොට ඒ ඇට පෑහිලා කුහරය නොපෙනී ගියා රෝගියා ටික දිනකින්ම සුව වුණා. ඒ කාලේනම් වැඩිපුරම එන්නේ ගස්වලින් වැටිලා එන කට්ටිය දැන් එන්නේ රිය අනතුරු වලට ලක්වීමෙන් අත් පා අහිමි වූ පිරිස. නමුත් අද ඒ තත්ත්වය වෙනස්වෙලා දැන් වැඩිපුරම එන්නේ රිය අනතුරුවලට ලක්වූ අය. ඇතැම් අය එනවිට කකුලේ විශාල තුවලා පවා තියෙනවා. මේ තුවාල සුවපත් කිරීමේ හැකියාව අපේ වෙද පරපුරෙන් උරුම වුණත්. දැන් ඒවාට අවශ්‍ය බෙහෙත් වර්ග සොයා ගැනීම ඉතාමත්ම අපහහසුයි. ඒ නිසා දැන් එවැනි තුවාල ඉක්මණින් සුවපත් කරන ආලේපන වර්ග සකස් කරන්නේ නැහැ. ’’

වෙද මහතා පවසන්නේ සිංහල වෙදකමට අනුව ඉතාමත් අත්‍යාවශ්‍ය ඖෂධයක් වන කලාඳුරු පවා නොමැති බවයි. කෘෂි රසායනික ද්‍රව්‍ය හේතුවෙන් එවැනි ශාක සොයාගත නොහැකි වීම සිංහල වෙදකමට බරපතළ හානියක් බව ද හෙතෙම කියයි. මුවකීරිය, ලූණු වරණ වැනි අස්ථි පෑහීමට ගන්නා ශාක වර්ග මෙන්ම රත්නෙටොල් ද සොයා ගැනීම ඉතාමත්ම අසීරු වී තිබේ. අස්ථි බිඳුම් සඳහා ඖෂධ සෑදීමට යොදා ගන්නා ගොනිකා කොල මේ වනවිට සොයා ගැනීමට නොහැකි තරමටම වඳවී ගොසිනි. වෙද මහතා පවසන්නේ ගොනිකා කොළ වෙනුවට වෙනත් ආදේශක යොදා ගන්නා බවයි.

තෙල්, ගුලි, කල්ක , චූර්ණ ආදී සියල්ල සකසන උළුපට්ටලේ ගෙදර අතීතයේ සිට භාවිතා කළ සමපාක හෙවත් හිසෙන් ඉහළ ගල්වන තෙල්, කරපාක හෙවත් හිසෙන් පහළ ගල්වන තෙල් හා ශරීර අභයන්තරයට ගල්වන තෙල් වර්ග තුනකි. වර්තමානයේ ඒවා සකසා ගන්නේ ද වෙද මහතාගේ පූර්ණ අධීක්ෂණයෙනි.

‘‘ අස්ථියක් බිඳෙනවිට අස්ථිය සමග එන ස්නායු බිඳීම්, අස්ථිය සමග ඇති පටක තුවාල වීම් තිබෙනවා. මේ තුවාල වේලෙන්න කසාය දෙනවා. කසාය කියන්නේ ශරීරය ඇතුළේ තුවාල වේලීම ඉක්මන් කරන්න දෙන බෙහෙතක්. මේ සිය`එ දේ යොදාගෙන තමයි අපි වෙදකම කරගෙන යන්නේ. ’’

අස්ථි කෑලි වලට කැඞී වෙන්වී ගිය ද ඒවා එකතුකොට රෝගියා යළි ඇවිද්දවීමට පවා සමත්වන මේ සිංහල වෙද මහතා පවසන්නේ ලෙඩාගේ තත්ත්වය, ඔහුගේ නිරෝගී ස්වභවාය හා ඖෂධ භාවිතා කරන පිළිවෙල හා රෝගියාට ලැබෙන සාත්තුව අනුව සුවවීමට ගතවන කාලය තීරණය වන බවයි.
වෙද මහතා හමුවීමට ගොස් සිටි කාලයේදී අපට පෙනී ගියේ වසර ගණනාවක් පැරණි කැඩුම් බිඳුම් සහිත රෝගීන් පවා එහි ගෙන එන බවයි. එමෙන්ම උකුළු ඇටය කැඞී ගිය රෝගීන් පවා පැමිණ සුවපත් වී සිටින අයුරු ද දක්නට ලැබිණි. පාදය කපා ඉවත් කිරීමට තීරණය කැර තිබූ රෝගීන් පවා මේ වෙදගෙදරින් ප‍්‍රතිකාර ලබා ඇවිද යති.

වෙද මහතා පවතින්නේ බොහෝ දෙනා රෝහලට ගොස් ප‍්‍රතිකාර ලබාගෙන ගැටළු ඇතිකරගෙන එන බවයි. කකුල පසාරු කරගෙන යන උණ්ඩයක් වැනි දෙයක් පවා බෙහෙත් බැඳ ඉවත් කිරීමේ හැකියාව සිංහල වෙදකමේ තිබෙන බව ද ඔහු පවසයි.

කකුලක හෝ අතක බිඳුණු අස්ථියක් යළි සකස් කිරීම සඳහා ශරීරයට ලෝහමය ආධාරක ඇතුළු කිරීම බටහිර වෙදකමට අනුව සිදුකරන්නකි. එසේ සිදුකළ අවස්ථාවේදී අස්ථිවලට බෙහෙත් යෙදුව ද එය සාර්ථක නොවන බව ද වෙද මහතා පවසයි. එවැනි තහඩු යොදා නොමැතිනම් වැරදි ලෙස ඇති අස්ථිය යළි බුරුල් කිරීම සඳහා හමට පිටින් බෙහෙත් බැඳ යළිත් අස්ථිය නිසි පරිදි සකස්කොට බෙහෙත් බැඳ සුවකරයි.

උ`එපට්ටලේ ගෙදර වික‍්‍රමනායක ආරච්චි වෙද පරපුර සිංහල කැඩුම් බිඳුම් වෙදකම කරගෙන යන්නේ ව්‍යාපාරයක් ලෙසින් නොවේ. ජනතාව වෙනුවෙන් කරන සේවාවක් වෙනුවෙනි. ඔවුන් පවසන්නේ ඖෂධ සෑදීම වෙනුවෙන් වැයවන සුළු මුදලක් පමණක් තමන් අයකරන බවයි.

උදේ සිට සවස් වනතුරුම රෝගීන් විශාල පිරිසක් නිරන්තරවම පැමිණෙන මේ වෙද ගෙදර නිතරම පිරී ගොසිනි. තරුණ පරපුර සිංහල වෙදකමෙන් ඈත්වන යුගයක එය තම උරුමය පමණක් නොව යුතුකම ද ලෙස සළකා එහිම යෙදී සිටින නන්දසිරි වික‍්‍රමාරච්චි වෙද මහතා සිය ජීවනෝපාය සොයා ගන්නේ ඉඩම් වගා කිරීමෙනි. ඒ වෙනුවෙන් ඔහු කාලය කලමණාකරණය කරගන්නේ අසීරුවෙනි. ඔහු පවසන්නේ තම පරපුරෙන් උරුම වූ සිංහල වෙදකම තවත් සියවස් ගණනක්කල් නොනැසී පවත්වාගැනීම තම යුතුකම හා වගකීම වන බවයි.

විශේෂ ස්තූතිය
අක්මීමණ හදිසි මරණ පරීක්ෂක චන්ද්‍රසේන ලොකුගේ මහතාට
( නුඹ වෙනුවෙන් උපන් මගේ ලෝකය ~ ~ My WoRld for You ~෴ පිටුවෙන්)

ලිපිනය
ගාල්ලේ සිට මාපලගම මාර්ගයේ පැමිණ
හිරිගල්කැටිය හන්දියෙන් හැරී
කිලෝ මීටර තුනක් පමණ ගමන්ගත් විට
මැද කීඹීයේ උළුපට්ටලේ ගෙදර හමුවේ.

මාතෘ ඝාතක කොටකෙතන පුත්‍රයා බිහිවූයේ කෙසේද?


කොටකෙතන මව මැරූ පුත්‍රයා
එක රැයකින් බිහිවූ අපරාධ කරුවෙකු නොවෙයි.
විවෘත ආර්ථිකයෙන් පටන්ගෙන
අපරාධකරුවන්ගේ ආරක්ෂාව සහ පැවැත්ම
පාලනයෙන් සුරක්ෂිත කෙරුණු යුගයක් දක්වා වූ
අමානුෂික වර්ධනයක තවත් ප්‍රතිඵලයක්.
=======================================================

‘‘පෙම්වතිය මට ත්‍යාගයක් ලබාදුන්නා. ඊට වඩා හොඳ තෑග්ගක් මිලදී ගන්න මවගෙන් රුපියල් 1500ක් මා ඉල්ලා සිටියා. නරුමඊට අකමැත්ත පළකළා. පසුව මම මන්නා පිහියක් රැගෙන සියදිවි නසාගන්නා බවට මවට තර්ජනය කළා. මා මුළුතැන්ගෙට යනවිට පසුපසින් මව පැමිණියා.


මා පසුපස හැරී ගැසූ පළමු පහර මව වළක්වාලීමට උත්සාහ කළා. එහිදී ඇගේ දකුණු අතෙහි මාපටගිල්ල කැපී අනතුරුව පිහි තලය නළලටද වැදුණා. පසුව මා ලේ වහනය වන හිස ෂොපිං බෑගයකින් ආවරණය කර නිවසට මීටර් 500ක් පමණ දුරින් පිහිටි ඇළට රැගෙන ගොස් දැමුවා. සරම ගලවා විසිකර මන්නා පිහියද විසිකර නිවසට පැමිණ නිදාගත්තා.‘‘

කොටකෙතන මවගේ ඝාතනය ගැන 
පුතා පාපොච්චාරණය කරයි.
 
"කොටකෙතන අනිත් මරණත් එක්ක අම්මගෙ මරණයත් සමාන කරන්න ඕන නිසා කුස්සියෙ තිබුණු මන්නා පිහිය අරන් අම්මට බරපතල තුවාල සිදු කළා.එහෙම කළේ කොටකෙතන අනිත් කාන්තාවෝ මරලා තිබුණෙ එහෙම නිසයි. ලේ විලක් මැද්දෙ හිටපු අම්මව මමම උස්සගෙන ගිහින් ගඟ ගාව ගසක් මුල හැංගුවා.”
==========================================================

බුදු දහමට අනුව
දූෂිත ජනතාවක් කියන්නෙ
දූෂිත පාලනයක ප්‍රතිඵලයක්.

රජු දූෂිත වූ පසු ඇමති වරුත්
ඇමති වරු දූෂිත වූ පසු නිලධාරිත්
නිලධාරි දූෂිත වූ පසු රටේ ජනතාවත් දූෂිත වෙන බව
බුදුන් වහන්සේ දේශනාකොට තියනවා.

මේ සත්‍යය පසුගිය වසර ගණනාවක් පුරා අප දුටුවා.

2008 සිට කොටකෙතන ප්‍රදේශයේ
ඝාතනයක් සිදු කරන්නට අවශ්‍ය කෙනෙකුට
පරිසරය සකස් වී තියනවා.
"කොටකෙතන අනිත් මරණත් එක්ක අම්මගෙ මරණයත් සමාන කරන්න ඕන නිසා කුස්සියෙ තිබුණු මන්නා පිහිය අරන් අම්මට බරපතල තුවාල සිදු කළා.එහෙම කළේ කොටකෙතන අනිත් කාන්තාවෝ මරලා තිබුණෙ එහෙම නිසයි. ලේ විලක් මැද්දෙ හිටපු අම්මව මමම උස්සගෙන ගිහින් ගඟ ගාව ගසක් මුල හැංගුවා.”
මේ පාපොච්චාරණය හෙළි කරන්නේ
ඝාතනයක් සිදු කරන්නට අවශ්‍ය කෙනෙකුට
සකස්වූ නරුම පරිසරයක
ඒ ප්‍රවණතාවයට ගොදුරු වූ
මන්ද බුද්ධික තරුණයෙකුගේ කතාවයි.

පවුලක උපදින ලොකු දරුවාට
විශේෂ අවධානයක් ලැබෙනවා.
ඒ අවධානය ඔහුගෙම දෙයක් විදියටයි
ඔහු සලකන්නෙ.
දෙවැන්නා ඉපදුනාම
වැඩිමලා දෙවෙනි තැනට වැටිලා
බාලයා රජ වෙනවා.
තුන්වැන්නා ඉපදුණාම
අවධානය වැඩිමලාට සහ
බාලයාට බෙදෙනවා.
මද්දුමයා තනිවෙනවා.
ඔහු එක්කො , හීනමානයෙන් පෙළෙන
අහ්ංසකයෙක් වෙනවා.
නැත්නම් දාමරික නහරයෙක් වෙනවා.
ඔහු අනික් අයට වඩා
වෙනස් කෙනෙක් වෙනවා.
ඔහු දෙමාපියන්ට පවුලට බැඳීම අඩුයි.
තිදෙනාම ස්ත්‍රී හෝ පුරුෂ වූ විට
මේ තත්වය තවත් බරපතලයි..
ඔහු, ඔහුට සලකන අයට වහල් කෙනෙක්.

කොටකෙතන මාතෘ ඝාතකයා එවැන්නෙක්..
ඔහුගේ මානසික පීඩනය
මේ ගැටළුවට හේතුවක්  වෙන්න පුලුවන්..

නීතියෙන් ඔහුට හිමි දඬුවම ලැබිය යුතුයි..
සොබා දහම ඉදිරියේ
ඔහු කළේ ආනන්තරිය පාප කර්මයක්.
සමාජය වගකිවයුතු නමුත්
වරදට සමාව දීමට
එය පදනමක් නොවෙයි.
ආගමෙන් නොහික්මෙන අයට
නීතිය තියෙන්නෙ
ඒ සීමාව තුළ තියාගන්නයි.
සීමාව ඉක්මවීමට හේතුව
ඉක්මවීමේ වරදට
නිදහසට කරුණක් නොවෙයි..

පසුගිය කාලයේ සැක කරුවන් රැසක්
සැඟවූ ආයුධ පෙන්වන්නට ගොස් මියගියා.
පැනයන්නට ගොස් දියේ ගිලී මියගියා.
පසුව සැකකරුවෙක් හසුවනවිට
ඔහු වරද කළත් නැතත්
ඔහු ආයුධ පෙන්වන්නට ගෙනයන්නට
පසුබිමක් සකස් වුණා.
------------------------------------------------
"ත්‍රිරෝද රියේ ණය බේරන්න මිතුරාත්
තවත් සිව් දෙනෙකුත් මරයි" සඳහා ලැබී ඇති ප‍්‍රතිචාර.
ගයන් 2013-11-06 18:20:02 [[[මේ වගේ අපරාධකාරයින් ගැන මානුෂික පැත්තෙන් බලනවට වැඩිය හිරේදීම තීරණයක් ගත්තා නම් හොඳයි ]]]
----------------------------------------------------------
කිසියම් අපරාධයක් සිදු වූ පසු
ඒ ප්‍රදේශයේ බලවතුන්
කොටකෙතන පුත්‍රයා මෙන්
ඒ සිදුවීම දඩමීමා කරගෙන
දඩයම කරන්නට පෙළඹුණා නම්
එහි අරුමයක් නෑ.

කොටකෙතන පුත්‍රයා අහම්බෙන් කළ ඝාතනය
අනෙක් ඝාතනවලට සමාන කරන්නට
සිදුවීමෙන් පසුව ගත් තීරණය
සිය හතුරෙකු නැති කරන්නට සැලසුම් කරන කෙනෙක්
පූර්ව සූදානමකින් කරන්නත් පුලුවන්.
සමහර ඝාතන එසේ සිදුවන්නටත් ඇති.

2015 ජනවාරි දක්වා ඝාතන 17කින් පසුව
මෙසේ සිදුවූ හෙළිදරව්ව
කොටකෙතන ඝාතන රැල්ලේ නිමාව
වෙන්නට පුලුවන්..

කිසියම් පාලකයෙක්
කලක් රට පාලනය කරන විට
ඔහුගේ චින්තන රටාව සහ ක්‍රියා කලාපය
ඉහළ සිට පහළට කාන්දු වෙනවා.
බහුතරයක් ඇමතිවරු, බහුතරයක් නිලධාරි
සහ බහුතරයක් ජනතාව
ඊට අනුගත වෙනවා.
රජුගේ මානසිකත්වයට අනුගත වෙන බහුතරය
රජු වෙනුවෙන් පෙනී සිටිනවා.
අසුන් හතර දෙනෙකු අදින කරත්තයක්
අසුන් තිදෙනෙක් අදින දිසාවට ගමන් කරනවා.

අධාර්මික පරිසරයක අධාර්මික ජනතාව
වැඩි වැඩියෙන් වැරදි කරනවා.
ජනතාව වැඩි වැඩියෙන් වැරදි කරනවිට
වැරදි කරන්නට සුදුසු ලෙස පරිසරයත් සකස් වෙනවා.
ඔවුන් වැඩි වැඩියෙන් වරදට පෙළඹෙනවා.
නීතිය වල්වැදුන රටක අවනීතිය රජ කරවා
වැරදි කරන ජනතාවක් පාලනය කිරීම පහසුයි.
නීතිය වල්වැදුන රටක
රජයට හිතැති අය වැරදි කිරීම
රජයට ගැටළුවක් නොවෙයි.
ඔවුන් රජයේ පැවැත්ම සහතික කරනවා.
රජයට විරුද්ධ අය රජයට බියෙන්
මුනිවත රැකගෙන දුක් විඳිනවා.

අධාර්මික පාලකයා
සෙමින් බෝවෙන වසංගත රෝගයක් වගෙයි..
ඔහුගේ පාලන සමයේ
මතුපිටින් අතුකොළ දළු ලන නමුත්
දීර්ඝකාලීනව
සමාජ දේහය කුණ බසිනවා.
ඔහුගෙ පාලනය ඔහුටත් දීර්ඝකාලීන
සියදිවි නසා ගැනීමක් වෙනවා.
හොඳ වුණත් නරක වුණත්
සැම දේකටම සීමාවක් තියනවා.
අධාර්මික රජයකට වුණත් අවසානයක් තියනවා.

ශක්තිමත් නායකයන් ලෙස
ජනතාව හඳුන්වන පාලකයන්
ඇතුළාන්තයෙන් දාමරික සිත් ඇත්තන්.
සුදු පිරුවටයකින්
සිය දුර්දාන්තභාවය සඟවා
ජනතාව ඉදිරියේ හැසිරුණත්
සමස්තයක් ලෙස රට හැසිරෙන ආකාරය

ගඩාෆි වැනි පාලකයන් රට සංවර්ධනය කළත්
ඉතා අවාසනාවන්ත ලෙස ඝාතනය වූයේ
මිනිස් සිත් සතන් වලට
ඔහු කළ හානියට සරිලන අයුරින් විය හැකියි.

රජෙකුගේ මූලිකම සුදුසුකම
ඔහුගේ ධාර්මික භාවයයි..
ධාර්මික රජෙකුගේ පාලනය තුළ
ජනතාව විඳින සැනසිල්ල නිසා
ඔහු අතින් සිදු විය හැකි
යම් යම් අඩුපාඩු සහ වැරදි වලට
සමාව දිය හැකි වනු ඇත.

==========================================================


‘‘මෙට්ටේ හැමතැනම ලේ, කුස්සියට යනකොට එතනත් ලේ ගොඩක්‘‘
සැමියාගේ බාල සහෝදරයත් නිවසට ඇවිත්
ඝාතකයා පාදවලට මේස් දමාගෙන ආවාදැයි සැකයක්

කහවත්ත - කොටකෙතන ප්‍රදේශයේදී අභිරහස් ලෙස ඝාතනයට ලක්වූ කාන්තාවගේ මරණයට හේතුව බර ආයුධයකින් හිසට සිදුවූ පහරදීමක් බවට අනාවරණය වී තිබෙනවා. ඒ ඊයේ (2015 - 04 - 07) සිදු කෙරුණු පශ්චාත් මරණ පරීක්ෂණයේදියි.

පොලිස් මාධ්‍ය ප්‍රකාශක සහකාර පොලිස් අධිකාරී රුවන් ගුණසේකර සඳහන් කළේ ඇයගේ හිස් කබලට දැඩි ලෙස හානි සිදුව ඇති බව පශ්චාත් මරණ පරීක්ෂණ වාර්තාවේ සඳහන් වන බවයි. එසේම මියගිය කාන්තාවගේ සිරුරේ බරපතල කැපුම් තුවාල 6 ක් දක්නට ලැබෙන බවද ඔහු වැඩිදුරටත් කියා සිටියා.


39 හැවිරිදි චාන්දනී ස්වර්ණලතා නැමති තුන්දරු මව අතුරුදන්ව ඇති බවට ඇයගේ සැමියා විසින් පොලීසියට පැමිණිලි කර තිබුණේ පස්වනදා අලූයමයි. අනතුරුව නිවසේ සහ මිදුලේ තිබූ ලේ පැල්ලම් කිහිපයක් නිරීක්ෂණය කළ පොලීසිය ප්‍රදේශය පුරා සෝදිසි මෙහෙයුමක් ආරම්භ කළා. පදිංචි නිවසට ආසන්නයේ පිහිටි ඇළ මාර්ගයක තිබියදී ස්වර්ණලතාගේ සිරුර සොයාගත්තේ ඊයේ පස්වරුවේයි.





ඇය ඝාතනය වන විට නිවසේ සිටි පුත්‍රයා ප්‍රථම වතාවට මේ වන විට මාධ්‍යයට සිද්ධිය පිළිබඳව අදහස් දක්වා තිබෙනවා. ඔහු පැවසු කරුණු පහතින්..


‘‘7.45ට විතර මං කාලා කාමරේට යන්න හදනකොට අම්මත් කාමරේට ගියා. අම්මා කාමරේට ගිහින් එහෙන්මම නිදාගත්තා. මමත් ඊට පස්සේ සාලේ ලයිට් නිවලා කාමරේට ගිහින් දොර වහගෙන නිදාගත්තා.

මට එහෙම්ම නින්ද ගියා. තාත්තා 2ට විතර ඇවිත් කතා කළා. කතා කළාම තමයි ඇහැරුනේ. ඊට පස්සේ අම්මා කොයි කියලා ඇහුවා. අම්මා කාමරේ කීවම කාමරේ ඇතුලට ගියා. යනකොට මෙට්ටේ හැමතැනම ලේ තිබුණා. ඊට පස්සේ කුස්සිය පැත්තට යද්දි එතනත් ලේ ගොඩක් තිබුණා. තාත්තා එක්ක ඊට පස්සේ එහෙන්ම එළියට ඇවිත් මාමලාටත් කතා කරලා පොලිසියට කීවා.‘‘


අත්අඩංගුවට ගත් කුෂාන් පොලිසියට කීව කතාව

‘‘පෙම්වතිය තෑග්ගක් දුන්නා, ඊට වඩා හොඳ තෑග්ගක් මට දෙන්න ඕනි වුනා,
ලේ ගලන හිස ෂොපින් බෑගයකින් අාවරණය කලා‘‘
 
කොටකෙතනේ අබිරහස් ලෙස මියගිය කාන්තාව ඝාතනය කර ඇයගේම පුත්‍රයාවන 18 හැවිරිදි කුෂාන් පසුගියදා මෙම සිද්ධිය සම්බන්ධයෙන් කිසිදු බියකින් හා සැකයකින් තොරව මාධ්‍යට අදහස් දක්වනු ලැබුවා. එමෙන්ම ඔහු විසින් මවගේ මියගිය සිරුර හමුවන විට හඬා වැළපෙමින් ලොවටම පෙනෙන්ට ශෝකය පළකර සිටියා.


මව් මරා ආනන්තරීය පාපකර්මයක් සිදුකරගත් ඔහු පසුගියදා සිය මවගේ මියගිය සිරුර හමුවූ අවස්ථාවේ මෙන්ම ඇයගේ මෘත ශරීරයේ රෝහලේ තැම්පත් කර ඇති අවස්ථාවේ හැසිරුනේ කිසිවක් නොදන්නා අයෙක් ලෙසිනුයි.

ඔහු මාධ්‍යට සිද්ධිය සම්බන්ධයෙන් පවසමින් කියලා සිටියේ මව ඝාතනය වන අවස්ථාවේ ඔහුට නින්ද ගොස් සිටි බවයි. එමෙන්ම මවගේ ඝාතනය සම්බන්ධයෙන් පොලිසි ගිය බවත් ඔහු පැවසුවේ දුක්බර මුහුණක් ලොවට පෙන්වමිනුයි.

නමුත් සියල්ල අවසානයේ මව මරාදැමූවේ පෙම්වතියට ලබාදෙන්නට ත්‍යාගයක් ගැනීමට මුදල් ලබා නොදුන් නිසා බවට ඔහු පොලිසිය හමුවේ පාපොච්චාරණය කර තිබුණා. ඔහු පොලිසියට පාපොච්චාරණය කර කරුණු වලින් කොටසක් පහතින්..


මෙසේ පොලිස් අත්අඩංගුවට ගෙන ඇත්තේ කුෂාන් මහේෂ් නමැති මිය ගිය කාන්තාවගේ දෙවැනි පුත්‍රයාය. සිද්ධිය සිදුවූ දිනයේ සැකකරු රාත්‍රී 8 ට නින්දට ගිය බව පැවසුවත් පොලිස් පරීක්ෂණවලදී ඔහු රාත්‍රී 10 වනතෙක්ම සිය පෙම්වතිය සමඟ ජංගම දුරකතනයෙන් කෙටි පණිවුඩ හරහා සම්බන්ධ වෙමින් සංවාදයේ යෙදී සිටි ඇති බව පොලිස් පරීක්ෂණවලදී තහවුරු වී ඇත.


යොවුන් සේනාංකයට සම්බන්ධවී නේවාසික පුහුණුවක් ලබමින් සිටි ඔහු සති අන්තයට පමණක් නිවසට එන අතර පසුගිය 3වැනි සිකුරාදා ඔහු නිවසට පැමිණ තිබේ.මොහු මෙම ඝාතනයෙන් පසුව සිය මව අභිරහස් ලෙස ඝාතනය වූ බවට අඟවමින් හැසිරී ඇති අතර පසුව මෙම ඝාතනය ඔහු විසින් පෙම්වතියට යොමුකරන ලද එස්.එම්.එස් පණිවිඩ හරහා පොලිසියට හෙළිවන තෙක්ම සඟවාගෙන ඇත.