20130924

දරුවාට ලිංගිකත්වය මරුවැලක් විය හැකියි.


https://fbcdn-sphotos-g-a.akamaihd.net/hphotos-ak-prn2/1235101_10200645930617394_429535735_n.jpg


සමාජය ඉදිරියේ නොකලයුතු
කටේ අත දැමීම,
නාසය හෑරීම වැනිදේ
වැඩිහිටියන් වළක්වනවා..

ඒත් චූ බර නිසා හෝ
රහස් තැනකට
අත තියා ගත්තොත්
ඒ අත ඉවත් කරගන්නැයි කියන්නට
වැඩිහිටියන් පැකිලෙනවා.

ලිංගිකත්වය කියන්නෙ
ස්වභාව ධර්මයේ
මූලික අවශ්‍යතාවයක්.

ඒ ලිංගිකත්වය
තමන්ගේ උපරිම තෘප්තියක් හා
රසාස්වාදයක් දෙන සම්පතක් විදියට
ඒකට වහල් වෙලා
දරුවෙක් තුළ ලිංගිකත්වය දැකීම
වැඩිහිටියන්ට පවක් වෙලා
කියලයි මට හිතෙන්නෙ.

දරුවාත් තමන්ගෙ පාරෙම එන
තවත් සත්වයෙක් බව
ඔවුන් හිතන්නෙ නැහැ.
අපි තෘප්තිමත් වෙන්න හෝ
ඉගෙනගන්න බලාගෙන කරපු
හැම දෙයක්ම
දරුවාත් කරන්න ඉඩ තියනවා.
ඔවුන් ඊටත් එහා යන්න පුලුවන්.
මේ චාරයක් නැති,
සිහිය නැති, නිහීන වර්තමානය තුළ
අඩු වයසින්ම ජීවිතේ වටිනාකම
සෝදා පාලුවෙන්න පුලුවන්.
එහෙම වෙනවා අපි දකිනවා.

සදාචාරය ගැන හැඟීම නැති වුණොත්
නොමග ගොස් ගබ්සා කරගන්නට
එයින් මියැදෙන්නට පවා
ඉඩ ඇති බව කියන්නට
අද දරුවන් කුඩා නැහැ.

විරුද්ධ ලිංගික ඇසුර වැරදුණොත්
ගබ්සාවකින්, මරණයෙන්
ජීවිතය නැති විය හැකි බව
දහමෙදි නිරය ගැන කියා දෙනවා වගේ
මගේ අවුරුදු හතේ සහ පහේ දරුවන්ට
මම කියාදී තියෙනවා.

ලිංගිකත්වය ගැන
දරුවන්ට කියාදෙන්න අවශ්‍ය නැහැ.
ස්වභාව ධර්මය ඒ ඉව ඔහුට දී තිබෙනවා.
http://adweek.blogs.com/.a/6a00d8341c51c053ef0120a695678c970b-pi
ලිංගිකව නොවුණත්  කායික ස්පර්ශය මගින්
ඒ ඉව උත්තේජනය කිරීම
දෙමාපියන්ගේ පටන්
දරුවාට අත පෙවිය හැකි
හැම වැඩිහිටියෙකුගෙන්ම පාහේ
නොමඳව සිදු වෙනවා.

ලිංගිකව වුණත්
කායික ස්පර්ශය මගින් ඒ ඉව උත්තේජනය කිරීම

කරදරයක් වෙනතුරුම දැනගන්නට බැරි තරම් දුර
සමාජය දරුවන් අරන් ගිහින්.

පියාත්, සොහොයුරාත් අතින්
කාලයක් තිස්සේ අපයෝජනය වුණ
දස හැවිරිදි දැරියක් ගැන
රාජාංගනයෙන් වාර්තා වුණා.
ඒ ජීවිත තුනම
මිනිස් සමාජයක් විදියට
ගැලපෙන චරිත නොවෙයි.

මේ කියවන ඔබේ දරුවා
කවරෙකු අතින් හෝ
ලිංගිකව අපයෝජනය නොවේයැයි
ඔබට සහතිකද?

ඔබේ දරුවා ලිංගික අපයෝජනයවීම
ඔබට සරල සාමාන්‍ය දෙයක් නම්
ඔබේ දරුවාටත් එසේමයි.
ඔහු හෝ ඇය සමාජයට ගොදුරක්.
ඔහු හෝ ඇය ඒ සඳහා
මානසිකව හා කායිකව
සකස් කරන්නේ ඔබයි.
ලිංගිකත්වයේ හානිකර පැත්ත ගැන
හිරි ඔතප් වශයෙන්
සොබාදහමෙන් ලැබුණ ඉව
අදාන්ත වැඩිහිටියන්ගෙ අවිචාරවත්,
කාමුක හැසිරීම් නිසා
අද යුගයේ කුඩා දරුවන් තුළින්
ළමා වියේදිම ගිළිහෙනවා.

ලිංගිකත්වය මරුවැලක් විය හැකිබව
කුඩා දරුවන්ට කියා දිය යුතුයි.

ඔවුන්ගේ දිවිය රැකගැනීමේ වගකීම
හැකි ඉක්මණින් ඔවුන්ටම පැවරිය යුතුයි..

මිනිසාද හීලෑ කළ හැකි තිරිසනෙකි.



https://fbcdn-sphotos-f-a.akamaihd.net/hphotos-ak-frc1/p480x480/574581_10200644614024480_1575546656_n.jpg
මිනිසාද හීලෑ කළ හැකි තිරිසනෙකි.

තිරිසන් සතුන්ට පොදු චර්යා රටාවන් ඇත.

එම චර්යා රටාවන් හඳුනා ගන්නා
එක් සතුන් කොටසක් අනෙක් කොටස හීලෑ කර ගනිති.
දඩයම් කර ගනිති.

උන්ගේ චර්යා රටාව හඳුනා ගන්නා අනෙක් සතුන් කොටස
උන්ගෙන් බේරී ජීවත් වන්නේද එම ආකාරයෙන්මය.

නිශ්චිත චර්යා රටාවන් හඳුනා ගන්නා සතුන්ට
අන් සතුන් දඩමගට යොමු කළ හැක.
දඩයම් කළ හැක.

මිනිසාද තිරිසන් සතෙක් වුවද
අන් සතුන්ගේ චර්යාවන් හඳුනාගෙන
දඩයම් කරන්නට පමණක් නොව
හීලෑ කර ගන්නටද
ඌට විශේෂ හැකියාවක් ඇත.

සතුන්ගේ චර්යාවන් හඳුනාගෙන 
සතුන් හීලෑ කරගෙන මසට හෝ වැඩට
ඇති කළ හැක.

ඌ එම හැකියාව
ශක්ති පමණින් උපයෝගී කරගනිමින්
ඌට රිසි රිසි අයුරින්
සිය වර්ගයා වූ මිනිසාද ඇතුළුව
රිසි සියලුම සතුන්ගේ චර්යාවන් හඳුනාගෙන 
සතුන් හීලෑ කරගෙන ඇති දැඩි කරති.
පාලනය කරති.
මරා දමති.
මරා මස් බුදිති.

ඒ සියල්ල කරද්දී අනෙක් සතුන් උන් පසුපසද එති.

අන් සතුන් මෙන්
පාලනය කළ නොහැකි තැන
සීමා මායිම් පණවති.
දම්වැල්, සිර කූඩු අන් සතුන්ට සහ,
දමනයට අපහසු
සමාජයට සතෙක් වැනි අයටය.

ආගමික. සංස්කෘතික බැමි,
සිරිත් විරිත්, ආදරය, කාමය,
දුක, තරහ, බය, මත්පැන්,
තනතුරු, වේතන, අනුග්‍රහ,
අල්ලස්, කප්පම්, දානමාන, දොළ පිදේනි,
ගරු නම්බු, ප්‍රධාන, සම්මාන,
වර්ණනා, ප්‍රශංසා ආදී
නොයෙක් චර්යා රටාවන් මගින්
මිනිසා නමැති සතාටද යොදමින්
සිය වර්ගයාත්
අන් සතුන් මෙන්ම හීලෑ කරගනිති.
හික්මවා ගනිති.
බැරි නම් පහර දෙති.
මරා දමති.

කිසියම් අයුරකින්
එසේ හික්මෙන මිනිසා
හික්මවන්නා රකියි.
ඌට වහල්කම් කරයි.
අවැසි විටෙක
ඌ වෙනුවෙන් දිවි වුවද පුදයි.
හීලෑ සතෙකු වෙනුවෙන් දිවිපුදන්නා
එමගින් අන් සතුන් තමාට නතු කරගනියි.
ඌට උගේ මරණයෙන් පසුද
අන් සතුන් පාලනය කළ හැක.

මෙම විෂම රටාවෙන් ගැලවීමට
බුදුන් වහන්සේට හෝ නොහැකි විය.
නිවන් දකින්නට පොරොන්දු වී
ගිහි ගෙය හැර එන ශ්‍රාවකයන්ට
ගිහියන්ටත් නැති විනය නීති
පණවන්නට වූයේ එහෙයිනි.
උන් වහන්සේ සියලු උපක්‍රම උපයෝගී කරගත්තේ
සත්වයා දුකෙන් මුදවන්නට නිසා
චර්යා රටාවන්ට ගොදුරු වී දුක් විඳින බව
වටහාගන්නා සත්වයෝ
දුක දැක දුකෙන් මිදෙති.

සිහියෙන් හා උපෙක්ෂාවෙන් වෙසෙන ක්‍රමය
උන් වහන්සේ සොයාගත් නිසා
බොහෝ සතුන්
තම වාසිය සඳහා උපක්‍රම සැකසීමෙන් හා
අන අය සකසන උපක්‍රම වලට වහල් වීමෙන්ද
එම උපක්‍රම වලින් දුක් විඳීමෙන්ද මිදුණාහ.

අන් සතුන්ගේ සත්ව චර්යාවන්ගෙන් හානියක් නොවී
තම චර්යාවන්ගෙන් උන්ටද හානි නොකොට
සැනසිල්ලෙන් ජීවත් වීමේ කරමය
බුදු දහමෙන් ඉගැන්වෙයි.

එහෙත් පොදු ජනප්‍රිය ක්‍රමය නම්
සත්ව චර්යාවන් හඳුනාගෙන
එම චර්යා රටාවන්
තම වාසිය පිණිස
උපයෝගී කර ගැනීමයි.
ඉතිරි කොටස
එම පාලනයට නතු වී
තම වාසිය සලසා ගනිති.

ඔබ මෙම චරිත දෙක
දවස පුරා, මාරුවෙන් මාරුවට
රඟ නොපාන්නෙහිද?

ඔබ රඟන චරිතය හඳුනා ගන්න.

ආත්ම දමනයෙන් යුතු
ස්වාධීන පුද්ගලයන්
මෙම රටාවෙන් දුක් විඳීම අවමය.
ඔබ ස්වාධීන වන තරමට,
තමන් දමනය කරගැනීමට හුරුවෙන තරමට
මෙම විෂම චක්‍රයෙන් අන් අය පෙළීමෙන්ද
අන් අයගේ පෙළීමෙන්ද මිදෙන්නට
හැකි වනු ඇත.

අවම ශක්තියකින්, අවම වෙහෙසකින්,
අවම ආවේගයකින්, අවම පිරිවැයකින්
එම චරිතය රඟන අයුරු සොයා ගන්න.

සිහියෙන් හා උපේක්ෂාවෙන් වෙසෙන්න.

------------------------------------------------------------------------------------------------------
https://fbcdn-sphotos-f-a.akamaihd.net/hphotos-ak-frc1/p480x480/574581_10200644614024480_1575546656_n.jpg

ඉහළ ඡායාරූපයේ දැක්වෙන
Christian Walliser නම් සතුන් හීලෑ කරන්නා
වරෙක පය පැකිලී වැටී
ඔහුගේ සුරතල් ව්‍යාඝ්‍රයින් පස්දෙනාගෙන්
තුන්දෙනෙකුගේ පහරදීමට ලක්විය.

මේ ඔහු සතුන් හික්මවන අයුරුයි.


---------------------------------------------------------------------------------------------------------------

මේ තවත් අති දක්ෂ තිරිසනෙක්
උගේ වර්ගයා හික්මවා ගන්නා අයුරුයි.