ඉදිරියෙන් ඇත්තේ බුදු දහමද, විද්‍යාවද?

1, 

බුදුන් වහන්සේත් විද්‍යාඥයාත් අතුරෙන්
වඩාත් ඉදිරියෙන් සිටින්නේ බුදුන් වහන්සේය.

2,
වඩාත් ගැඹුරු බුදු දහමයි.

3,
වඩාත් සරල බුදු දහමයි.

4,
වඩාත් විශ්වාස කළ හැක්කේ බුදු දහමයි.

5,
මිනිසාට වඩාත් ප්‍රයෝජනවත් බුදු දහමයි.

බුදුන් වහන්සේගේ දහමෙහි
ප්‍රධාන ගුණාංග දෙකකි.

එනම්
1, කේවලං පරිපුණ්ණං.
එක් කළ හැකි කිසිවක් නැත.
2, කේවලං පරිශුද්ධං
ඉවත් කළ හැකි කිසිවක් නැත.


මම මගේ සය හැවිරිදි පුතාට
නියාම ධර්ම පහ විස්තර කළෙමි.
මෙම පළකිරීමෙහි අදහස
මට පහළ වූයේ
ඒ වෙලාවෙහිදීය.

ඔහු තවම කිසිවක් ග්‍රහණය කර ගත්තේ නැත.
එහෙත් සති කිහිපයකදී
ඔහු ඉන් දෙක තුනක් හෝ
තවෙකෙකුට පෙන්වා දිය හැකි තරමට
ග්‍රහණය කරගන්නා බව මට විශ්වාසය.

බුදුන් වහන්සේ
ලොව පවතින සියලු නියාමයන්
වර්ග පහකට ගොනු කළහ.
ඉන් පිටස්තර
වෙනත් නියාමයන් නැත.
ඉන් එක් නියාමයක් හෝ
අන් නියාමයක් තුළට
කැවිය නොහැක.

උතු නියාමය කියන්නෙ
ඍතු වෙනස්වීම්,
කාලගුණික වෙනස් වීම් නිසා
සිදුවෙන දේවල් තියනවා.
වහින කාලෙට ඇට පැළ වෙනව,
පායන කාලේට් මැරෙනවා,
මිනිස්සුන්ට උණ හෙම්බිරිස්සව හැදෙනව
වගේ දේවල් උතු නියාම වලට වැටෙනව.

බීජ නියාම කියන්නෙ බීජයේ ස්වභාවය අනුව
ගහක්, සතෙක්, මිනිසෙක් හැදෙනවා කියන එකයි.
එක සතෙකුගෙ එක සෛලයක
=== අණුවක වුණත් ඒ ගුණය තියනවා.
ගහෙ විදියට ගෙඩි හැදෙන එක
දෙමව්පියන් අනුව දරුවන් පහළවීම ආදිය වගේම
ඒවා විකෘති වෙනවනම්
ඒකට ඉඩ තියන එකත්
බීජ නියාමම තමයි.

කර්ම නියාම කියන්නෙ
රාග, ද්වේශ, මෝහ කියන කෙලෙස් පදනම් වෙලා
හිතන, කරන කියන හැම දේම
මතුවට විපාක දිය හැකි,
භවය සකස් වෙන විදියෙ
කර්මයක් බවට පත් වීමයි.
හැම දෙයක්ම සිදුවෙන්නෙ
කර්මය නිසා නෙමෙයි.
ළමයෙක් අංග විකල වෙනකොට
ඒක එයාගෙ කර්මයක් වෙන්නත් පුළුවන්
අනික් නියාම ධර්මයක් නිසා වෙන්නත් පුළුවන්.

ධම්ම නියාම කියන්නෙ
ගින්දරට පිච්චෙනවා,
වතුර පහළට ගලනව,
ගුරුත්වාකර්ශණය, චුම්බකත්වය වගෙ
ස්වාභවික ධර්මතාවයන්.

චිත්ත නියාම කියන්නෙ
බාහිර සිදුවෙන දේවල්
සමාජය හැසිර්න ආකාරය
හිතට බලපානවා,
අපි හිතන දේවල් බාහිර දෙවල් වලට
සමාජයට බලපානවා කියන එකයි.
සියුම්ව ගත්තොත්
තමා තුළ සිදුවෙන දේට
සිහියෙන් සහ උපේක්ශාවෙන් හිටියාම
කෙලෙසුන් නැසීම ආදී
දුකෙන් මිදීමට බුදුන් වහන්සේ දේශනා කළ ක්‍රමත්
මීට අයිතියි.

මේ නියාම ධර්ම වලින්
විද්‍යාවෙන් ග්‍රහණය කරගෙන තියෙන්නෙ
කොටසක් විතරයි.
බුදු දහම නොදන්න,
බුදු දහම නොපිළිගන්නා,
බුදු දහම නොපිළිපදින අයට
ඉදිරියෙන්
විද්‍යඥයා සිටිනවා.

එහෙත් බුදු දහමෙහි අරටුව වන
චතුරර්ය සත්‍යය
විදසුන් වඩන්නා විසින්
ප්‍රත්‍යක්ශයෙන් අවබෝධ කර ගන්නා නමුත්
විද්‍යාඥයාට
ඔහු මෙතෙක් සොයාගෙන ඇති
අති සියුම් උපකරණ වලින්වත්
කියවිය නොහැකියි.
එය තමන් තුලින්ම
ප්‍රත්යක්ශයෙන් දැකිය යුතුයි.

කර්මය, පුනරුත්පත්තිය දැනෙනවා කියන එක
අන්ධ බැතිමතාගේ නොව
ප්‍රඥාවන්තයාගේ ගුණාංග දෙකක්.
කර්මය, පුනරුත්පත්තිය වැනි සරල ධර්මතා
විද්‍යාවෙන් ඔප්පු කළ නොහැකි වීම
බුදු දහමෙහි අඩුවක් නොව
විද්‍යාවේ දුර්වලතාවයයි.

විද්‍යාවෙන් සොයාගෙන ඇති නමුත්
තවමත්
බොහෝ දෙනෙකුට පිළිගත හැකි තත්වයට පත් නොවූ
“විශ්වයෙහි සියල්ල නිම වී ඇත්තේ තරංග වලින්ය”යි
කියන විද්‍යාත්මක සොයාගැනීම
එක් රහත් තෙරණියක් තමන් තුළ අත් දැක ප්‍රකාශ කළේ
“සබ්බේ ලොකෝ පකම්පිතෝ-
සබ්බේ ලොකො පජ්ජලිතෝ” යනුවෙනි.
“පවතින සියලු දේ ප්‍රකම්පිතයි-
පවතින සියලු දේ දැවෙමින් ඇත”

කෙනෙකු තුළ විදසුන දියුණු වනවිට
පහළ වන භංග ඥාණ අවස්ථාවෙදී
මේ තත්වය කෙනෙකුට තමා තුළම
අත් දැකිය හැක.

විද්‍යාවෙන් මෙය සොයා ගැනීමත්
ධර්ම මාරගයෙහි ගොස්
මෙය සොයා ගැනීමත් අතර
අති විශාල වෙනසක් ඇත.

බුදුන් වහන්සේ
මෙම සත්‍යය තමා තුළ පසක් කිරීමේදී
උන්වහන්සේ
වසර දහස් ගණනක් පවතින දහමක් ලෙස
එම සත්‍යය ප්‍රකාශ කරමින්
දුකෙන් මිදෙන්නට
තමා සොයා ගත් ක්‍රමය මගින්
අනන්ත අප්‍රමාණ සත්වයන් රැසක්
දුකෙන් මුදා ගත්හ.

එහෙත්
එම සත්‍යයම විද්‍යාව ඇසුර්න් සොයා ගත් විද්‍යඥයා
එම සත්‍යය නිසා කිසිදු පරිවර්තනයකට බඳුන් නොවී
පුහුදුන් මිනිසෙකු වශයෙන්  වෙසෙනු ඇත.

දරුවාට ලිංගිකත්වය මරුවැලක් විය හැකියි.

සමාජය ඉදිරියේ නොකලයුතු
කටේ අත දැමීම,
නාසය හෑරීම වැනිදේ
වැඩිහිටියන් වළක්වනවා..

ඒත් චූ බර නිසා හෝ
රහස් තැනකට
අත තියා ගත්තොත්
ඒ අත ඉවත් කරගන්නැයි කියන්නට
වැඩිහිටියන් පැකිලෙනවා.

ලිංගිකත්වය කියන්නෙ
ස්වභාව ධර්මයේ
මූලික අවශ්‍යතාවයක්.

ඒ ලිංගිකත්වය
තමන්ගේ උපරිම තෘප්තියක් හා
රසාස්වාදයක් දෙන සම්පතක් විදියට
ඒකට වහල් වෙලා
දරුවෙක් තුළ ලිංගිකත්වය දැකීම
වැඩිහිටියන්ට පවක් වෙලා
කියලයි මට හිතෙන්නෙ.

දරුවාත් තමන්ගෙ පාරෙම එන
තවත් සත්වයෙක් බව
ඔවුන් හිතන්නෙ නැහැ.
අපි තෘප්තිමත් වෙන්න හෝ
ඉගෙනගන්න බලාගෙන කරපු
හැම දෙයක්ම
දරුවාත් කරන්න ඉඩ තියනවා.
ඔවුන් ඊටත් එහා යන්න පුලුවන්.
මේ චාරයක් නැති,
සිහිය නැති, නිහීන වර්තමානය තුළ
අඩු වයසින්ම ජීවිතේ වටිනාකම
සෝදා පාලුවෙන්න පුලුවන්.
එහෙම වෙනවා අපි දකිනවා.

සදාචාරය ගැන හැඟීම නැති වුණොත්
නොමග ගොස් ගබ්සා කරගන්නට
එයින් මියැදෙන්නට පවා
ඉඩ ඇති බව කියන්නට
අද දරුවන් කුඩා නැහැ.

විරුද්ධ ලිංගික ඇසුර වැරදුණොත්
ගබ්සාවකින්, මරණයෙන්
ජීවිතය නැති විය හැකි බව
දහමෙදි නිරය ගැන කියා දෙනවා වගේ
මගේ අවුරුදු හතේ සහ පහේ දරුවන්ට
මම කියාදී තියෙනවා.

ලිංගිකත්වය ගැන
දරුවන්ට කියාදෙන්න අවශ්‍ය නැහැ.
ස්වභාව ධර්මය ඒ ඉව ඔහුට දී තිබෙනවා.

ලිංගිකව නොවුණත්  කායික ස්පර්ශය මගින්
ඒ ඉව උත්තේජනය කිරීම
දෙමාපියන්ගේ පටන්
දරුවාට අත පෙවිය හැකි
හැම වැඩිහිටියෙකුගෙන්ම පාහේ
නොමඳව සිදු වෙනවා.

ලිංගිකව වුණත්
කායික ස්පර්ශය මගින් ඒ ඉව උත්තේජනය කිරීම

කරදරයක් වෙනතුරුම දැනගන්නට බැරි තරම් දුර
සමාජය දරුවන් අරන් ගිහින්.

පියාත්, සොහොයුරාත් අතින්
කාලයක් තිස්සේ අපයෝජනය වුණ
දස හැවිරිදි දැරියක් ගැන
රාජාංගනයෙන් වාර්තා වුණා.
ඒ ජීවිත තුනම
මිනිස් සමාජයක් විදියට
ගැලපෙන චරිත නොවෙයි.

මේ කියවන ඔබේ දරුවා
කවරෙකු අතින් හෝ
ලිංගිකව අපයෝජනය නොවේයැයි
ඔබට සහතිකද?

ඔබේ දරුවා ලිංගික අපයෝජනයවීම
ඔබට සරල සාමාන්‍ය දෙයක් නම්
ඔබේ දරුවාටත් එසේමයි.
ඔහු හෝ ඇය සමාජයට ගොදුරක්.
ඔහු හෝ ඇය ඒ සඳහා
මානසිකව හා කායිකව
සකස් කරන්නේ ඔබයි.
ලිංගිකත්වයේ හානිකර පැත්ත ගැන
හිරි ඔතප් වශයෙන්
සොබාදහමෙන් ලැබුණ ඉව
අදාන්ත වැඩිහිටියන්ගෙ අවිචාරවත්,
කාමුක හැසිරීම් නිසා
අද යුගයේ කුඩා දරුවන් තුළින්
ළමා වියේදිම ගිළිහෙනවා.

ලිංගිකත්වය මරුවැලක් විය හැකිබව
කුඩා දරුවන්ට කියා දිය යුතුයි.

ඔවුන්ගේ දිවිය රැකගැනීමේ වගකීම
හැකි ඉක්මණින් ඔවුන්ටම පැවරිය යුතුයි..

මිනිසාද හීලෑ කළ හැකි තිරිසනෙකි.

මිනිසාද හීලෑ කළ හැකි තිරිසනෙකි.

තිරිසන් සතුන්ට පොදු චර්යා රටාවන් ඇත.

එම චර්යා රටාවන් හඳුනා ගන්නා
එක් සතුන් කොටසක් අනෙක් කොටස හීලෑ කර ගනිති.
දඩයම් කර ගනිති.

උන්ගේ චර්යා රටාව හඳුනා ගන්නා අනෙක් සතුන් කොටස
උන්ගෙන් බේරී ජීවත් වන්නේද එම ආකාරයෙන්මය.

නිශ්චිත චර්යා රටාවන් හඳුනා ගන්නා සතුන්ට
අන් සතුන් දඩමගට යොමු කළ හැක.
දඩයම් කළ හැක.

මිනිසාද තිරිසන් සතෙක් වුවද
අන් සතුන්ගේ චර්යාවන් හඳුනාගෙන
දඩයම් කරන්නට පමණක් නොව
හීලෑ කර ගන්නටද
ඌට විශේෂ හැකියාවක් ඇත.

සතුන්ගේ චර්යාවන් හඳුනාගෙන 

සතුන් හීලෑ කරගෙන මසට හෝ වැඩට
ඇති කළ හැක.

ඌ එම හැකියාව
ශක්ති පමණින් උපයෝගී කරගනිමින්
ඌට රිසි රිසි අයුරින්
සිය වර්ගයා වූ මිනිසාද ඇතුළුව
රිසි සියලුම සතුන්ගේ චර්යාවන් හඳුනාගෙන 

සතුන් හීලෑ කරගෙන ඇති දැඩි කරති.
පාලනය කරති.
මරා දමති.
මරා මස් බුදිති.

ඒ සියල්ල කරද්දී අනෙක් සතුන් උන් පසුපසද එති.

අන් සතුන් මෙන්
පාලනය කළ නොහැකි තැන
සීමා මායිම් පණවති.
දම්වැල්, සිර කූඩු අන් සතුන්ට සහ,
දමනයට අපහසු
සමාජයට සතෙක් වැනි අයටය.

ආගමික. සංස්කෘතික බැමි,
සිරිත් විරිත්, ආදරය, කාමය,
දුක, තරහ, බය, මත්පැන්,
තනතුරු, වේතන, අනුග්‍රහ,
අල්ලස්, කප්පම්, දානමාන, දොළ පිදේනි,
ගරු නම්බු, ප්‍රධාන, සම්මාන,
වර්ණනා, ප්‍රශංසා ආදී
නොයෙක් චර්යා රටාවන් මගින්
මිනිසා නමැති සතාටද යොදමින්
සිය වර්ගයාත්
අන් සතුන් මෙන්ම හීලෑ කරගනිති.
හික්මවා ගනිති.
බැරි නම් පහර දෙති.
මරා දමති.

කිසියම් අයුරකින්
එසේ හික්මෙන මිනිසා
හික්මවන්නා රකියි.
ඌට වහල්කම් කරයි.
අවැසි විටෙක
ඌ වෙනුවෙන් දිවි වුවද පුදයි.
හීලෑ සතෙකු වෙනුවෙන් දිවිපුදන්නා
එමගින් අන් සතුන් තමාට නතු කරගනියි.
ඌට උගේ මරණයෙන් පසුද
අන් සතුන් පාලනය කළ හැක.

මෙම විෂම රටාවෙන් ගැලවීමට
බුදුන් වහන්සේට හෝ නොහැකි විය.
නිවන් දකින්නට පොරොන්දු වී
ගිහි ගෙය හැර එන ශ්‍රාවකයන්ට
ගිහියන්ටත් නැති විනය නීති
පණවන්නට වූයේ එහෙයිනි.
උන් වහන්සේ සියලු උපක්‍රම උපයෝගී කරගත්තේ
සත්වයා දුකෙන් මුදවන්නට නිසා
චර්යා රටාවන්ට ගොදුරු වී දුක් විඳින බව
වටහාගන්නා සත්වයෝ
දුක දැක දුකෙන් මිදෙති.

සිහියෙන් හා උපෙක්ෂාවෙන් වෙසෙන ක්‍රමය
උන් වහන්සේ සොයාගත් නිසා
බොහෝ සතුන්
තම වාසිය සඳහා උපක්‍රම සැකසීමෙන් හා
අන අය සකසන උපක්‍රම වලට වහල් වීමෙන්ද
එම උපක්‍රම වලින් දුක් විඳීමෙන්ද මිදුණාහ.

අන් සතුන්ගේ සත්ව චර්යාවන්ගෙන් හානියක් නොවී
තම චර්යාවන්ගෙන් උන්ටද හානි නොකොට
සැනසිල්ලෙන් ජීවත් වීමේ කරමය
බුදු දහමෙන් ඉගැන්වෙයි.

එහෙත් පොදු ජනප්‍රිය ක්‍රමය නම්
සත්ව චර්යාවන් හඳුනාගෙන
එම චර්යා රටාවන්
තම වාසිය පිණිස
උපයෝගී කර ගැනීමයි.
ඉතිරි කොටස
එම පාලනයට නතු වී
තම වාසිය සලසා ගනිති.

ඔබ මෙම චරිත දෙක
දවස පුරා, මාරුවෙන් මාරුවට
රඟ නොපාන්නෙහිද?

ඔබ රඟන චරිතය හඳුනා ගන්න.

ආත්ම දමනයෙන් යුතු
ස්වාධීන පුද්ගලයන්
මෙම රටාවෙන් දුක් විඳීම අවමය.
ඔබ ස්වාධීන වන තරමට,
තමන් දමනය කරගැනීමට හුරුවෙන තරමට
මෙම විෂම චක්‍රයෙන් අන් අය පෙළීමෙන්ද
අන් අයගේ පෙළීමෙන්ද මිදෙන්නට
හැකි වනු ඇත.

අවම ශක්තියකින්, අවම වෙහෙසකින්,
අවම ආවේගයකින්, අවම පිරිවැයකින්
එම චරිතය රඟන අයුරු සොයා ගන්න.

සිහියෙන් හා උපේක්ෂාවෙන් වෙසෙන්න.

------------------------------------------------------------------------------------------------------


ඉහළ ඡායාරූපයේ දැක්වෙන
Christian Walliser නම් සතුන් හීලෑ කරන්නා
වරෙක පය පැකිලී වැටී
ඔහුගේ සුරතල් ව්‍යාඝ්‍රයින් පස්දෙනාගෙන්
තුන්දෙනෙකුගේ පහරදීමට ලක්විය.

මේ ඔහු සතුන් හික්මවන අයුරුයි.

---------------------------------------------------------------------------------------------------------------

මේ තවත් අති දක්ෂ තිරිසනෙක්
උගේ වර්ගයා හික්මවා ගන්නා අයුරුයි.

බුදුන් වහන්සේ උපන්නේ මොන තූත්තුකුඩියකද?

බුදුන් වහන්සේ
මොන තූත්තුකුඩියක උපන්නත්
මට එය අදාළ නැහැ.
---------------------------------------------

මොන තූත්තුකුඩියක උපන්නත්
බුදුන් වහන්සේ
මිනිසාගේ දුක නිවන හැටි
මිනිසාට කියා දුන්
උත්තර මනුෂ්‍යරත්නයයි.

මොන තූත්තුකුඩියක උපන්නත්
බුදුන් වහන්සේ දුක නිවන හැටි
මට කියා දුන්
උත්තර මනුෂ්‍යරත්නයයි.

සතර සතිපට්ඨානය වැඩීමෙන්
සත්වයා විශුද්ධියට පත් වෙන බව
සෝතැවුල් ඉක්ම යා හැකි බව
දුක් දොම්නස් අස්තංගත වන බව
ප්‍රඥාව දියුණු වෙන බව
මම අත්දැකීමෙන් දන්නවා.

නිවනත් සාක්ෂාත් වෙන බව
මම විශ්වාස කරනවා.
මේ සත්‍යය දේශනා කළ
උත්තර මනුෂ්‍යරත්නය 
බුදුන් වහන්සේ යි.

බුදුන් වහන්සේ
මොන තූත්තුකුඩියක උපන්නත්
මට එය අදාළ නැහැ.

මගේ දුක
උන්වහන්සේගේ දහම පිළි පැදීමෙන්
නිවෙමින් පවතිනවා.

මට වැදගත් එපමණයි.

යම් කෙනෙක් ලෝකයේ මොන රටක්
උන්වහන්සේ ඉපදුණු රටයැයි
විශ්වාස කළත්
ඉන් ඔහුගේ දුක නොනිවෙන බව
මා කිවයුතු නැහැ.
මගේ දුකෙන් මිදීමට
එයින් බාධාවක් වෙන්නෙත් නැහැ.

පිපාසයෙන් ඉන්න පිරිසක්
දිය පොදක්වත් තොල ගා නොගෙන
උල්පත උපන් තැන ගැන විවාද කරමින්
කාලය කා දැම්මාට
පිපාසය නිවෙන්නෙ නැහැ.

කෙලෙස් කන්දරාව වැඩිකරගෙන
කම්වූ පරිද්දෙන්
හිස් අතින්ම මිය පරලොව යන්නට පුලුවන්.