"සිරීපාදෙ යනවා" කියල බොරු කියලා
හංවැල්ලෙ රූම් ගිය දිලිනිගෙ
හිස නැති කඳ වේල්ල වීදියට
එස්. අයි. බෑග් එකක් තුළ අසුරලා ගෙනිහින්
අතරමං කරලා දාලා හමු වුණා.
ඇය දැන් සසරෙත් අතරමං වෙලා ඇති.
ඇයට ගමන් පහසුකම් සැලසූ ප්‍රේමසිරි
නීතිය සාධාරණත්වය පසුපස හඹා එද්දි
රබර් වත්තක ගහක එල්ලිලා තමන් විසින්ම
තමන්ගේ ක්‍රියාවට සාධාරනත්වය ඉටු කළා.
හංවැල්ලෙ රූම් එක ඇතුළේ
ඔවුන් අතර සිදුවුණේ කුමක්ද කියා
තවමත් හෙළිවෙලා නොතිබුණාට
අත්දැකීම් තියන මිනිස්සු ඒ අභිරහස
තමන්ගේ ප්‍රඥාවෙන් දැක්කා.
තමනුත් පව් කරන නිසා පව නොදැනෙන
ජරාජීර්ණ සමාජයේ සැඟවිලා ඉන්න
සුවහසක් දිලිනිලා ප්‍රේමසිරිලා සසල වුනා.
ඔවුන් හැඟීම්බරව නොයෙක් ආකාරයෙන්
දිලිනි සාධාරණීකරනය කරන්න
හැකි අයුරින් ක්‍රියා කළ බව අපි දැක්කා.
"ආගම දහම සංස්කෘතිය අවශ්‍ය නෑ...
සමාජයක දියුණුවට, නිරුවත අවශ්‍යයි.
ලිංගික නිදහස, අනියම් සබඳතා අවශ්‍යයි"
කියා සමාජ ජාලා දෙවනත් කරන පිරිස
ඇටි කෙහෙල් කෑ උගුඩුවන් බවට පත්වුණා.
ඔවුන් මේ සිදුවීම වහගන්න වෑයම් කලේ
ගලේ පැහැරූ බළලුන් වගෙයි.
සදාචාරය අගය කරන පිරිස
මේ සිදුවීම තුළ දුටුවේ අනාචාරය සහ
අනාචාරයෙන් සිදුවිය හැකි විනාශයයි.
මේ සිදුවීමට මුල් වුන දෙදෙනා
තමන්ගේ අසරණභාවයෙන් තාවකාලිකව මිදුණට
ඔවුන් දෙදෙනාට සම්බන්ධ පවුල්වල
අසරනවීම තවත් අසාධ්‍ය වුණා.
ශීලාචාර සමාජය ඔවුන් දිහා
කරුණාවෙන් බැලීම සිත පහදවන සුලුයි.
සමාජයේ අනාචාරය අගය කරන පිරිස
දිලිනි ගන ප්‍රේමසිරි ගැන කම්පා වෙද්දි
ශීලාචාර මිනිස්සු කම්පා වුණේ
අනුන්ගේ අනාචාරය නිසා දුක් විඳින
අසරණ පවුල් දෙක ගැනයි.
ඒ අතරෙ තවත් බොහෝ දෙනෙක්
ඒ තමන්ගෙ බිරිඳ වෙන්න පුලුවන්
කියා සැකකළ බවට ප්‍රවෘත්ති තියනවා.
ඔවුන් ඒ විමසීම කළේ සතුටෙන්ද දුකෙන්ද
කියා තවත් අය විමසනවා.
ඔවුන් තවමත් ඉන්නෙ පීඩනයෙන් කියා
තව කෙනෙක් කියනවා.
අනාචාරයද සදා චාරයද කියා
තීරණය ගන්න වුන වෙලාවට
රාගය විසින් ඒ තීරණය වෙනස් කරනවා.
ප්‍රතිඵලය එන වෙලාව වෙනකොට
තීරණය ගනිද්දි භාවිතා නොකළ
ඔලුව ඇයට අහිමි වෙලා තිබුණා.
සදාචාරය නොවෙන දේ අනාචාරය.
සමාජයක් සකස් වෙන්නෙ ඒ සමාජයට ගැලපෙන
සදාචාරාත්මක රීති මතයි...
ආගම, නීතිය, සදාචාරය...
මේ සියල්ලේම බලාපොරොත්තුව
මෙවන් ඛේදවාචක වලට මැදි නොවී
සැනසිල්ලෙන් වෙසෙන්නයි.
මේ සිදුවීම දිහා බලනකොට
අපේ සමාජය හැසිරෙන විදියෙන් පේනවා
අපේ සමාජය මේ වගේ සබඳතා පිළිගන්න
සූදානම් නැති බව.
සමාජයේ බලවතුන් නීතිය අතට අරන්
අනාචාරයේ හැසිරෙද්දි ඔලුව නමාගෙන ඉන්න
අසරණ සදාචාරාත්මක සමාජයට සිදුවෙනවා.
ඒත් වැරදි කරන මිනිහෙක් ඇදගෙන වැටුණාම
ඔවුන් වටවෙලා අර මිනිසුන්ට කෙළ ගහනවා..
සමච්චල් කරනවා. හෙළා දකිනවා.
ඒ තමන් වින්ද දුකෙන් නිදහස් වෙන්නයි.
ඔවුන් ඒ කෙල ගසන්නේ අනාචාරයට නොවේද?
අපේ සමාජයේ වඩා බලවත් සදාචාරයද?
අනාචාරයද? කියා අපිට දැන් පෙනෙනවා.
