20150608

ඔබ කාමය හඳුනනවාද...?



කාමය ස්වාභාවිකද?

ඔබ කාමය රස විඳින්නට මවන
සිහින ස්වාභාවිකද?

කාමය කියන්නෙ
ඔබේ මානසික අවශ්‍යතාවයක්ද?
ඔබේ කියා ඔබ අයිතිකරගත්
කායික අවශ්‍යතාවයක්ද?

ආහාර ගැනීම කියන්නෙ
ඔබේ මානසික අවශ්‍යතාවයක්ද?
ඔබේ කියා ඔබ අයිතිකරගත්
කායික අවශ්‍යතාවයක්ද?

හුස්ම ගැනීම
ඔබේ මානසික අවශ්‍යතාවයක් නොවන්නේ ඇයි.?
ඔබේ කියා ඔබ අයිතිකර නොගන්නේ ඇයි.
ඔබ හුස්ම වැටෙනවා දන්නේවත් නැත්තේ ඇයි..?

පළමු දෙකටම වඩා
ඔබට අවශ්‍ය වෙන හුස්ම ගැනීම
ඔබේ අවශ්‍යතාවයක් කියා
අයිති කරගන්නෙ නැත්තෙ ඇයි..?

හුස්ම ගැනීමට ප්‍රියජනක තැන් සොයා
ඔබ නොයන්නේ ඇයි?

කාමයෙහි හැසිරීමෙන්
ඔබට උපරිම වින්දනයක් ලැබෙන ආකාරයට
නවපන්නයේ හුස්ම ගැනීමේ ක්‍රමයක්
කිසිවෙකු නිපදවූවොත්
ඔබත් ඇතුළුව කාමය රසවිඳින ලෝකයා
ඒ ක්‍රමය වෙනුවෙන් කීයක් ගෙවාවිද?

ඔබ හුස්ම වැටෙනවා දන්නේවත් නැති ඔබ
කාම රසයට, ආහාර රස වින්දනයට
තදින් බැඳෙන්නේ ඇයි..?

කාමය, ආහාර ගැන කියවීමෙන්,
රූප දැකීමෙන්, සිහින මැවීමෙන් පවා
මිනිසා ලබන ප්‍රියජනක උත්තේජනය කුමක්ද?
ඒ ප්‍රියජනක උත්තේජන වලට
මිනිසා වහල් වන්නේ ඇයි..?

කායිකව විඳින දෙයක්
මනස අත්පත් කරගැනීම නිසා
මිනිසාගේ ආශාවන් වලට
තටු ලැබෙන්නේ කෙසේද?

කායිකව විඳින
ප්‍රියජනක වේදනා වෙනුවෙන්
මනස දුක් විඳින්නේ ඇයි?


කායිකව විඳින
ප්‍රියජනක වේදනාවක් වෙනුවෙන්
ස්ත්‍රී දූෂණයට පෙළඹෙන මිනිසා
තවත් අහිංසක ජීවිත විනාශ කොට
තමනුත් විනාශ වන්නේ ඇයි.?

කාමයෙන් හෝ ආහාර රසවිඳීමෙන් හෝ
ප්‍රියජනක වින්දනයක් ලබන විටක
ඒ වින්දනයෙන් කුල්මත්වෙන කය තුළ
ඒ ප්‍රියජනක උත්තේජනය
අනෙක් සංවේදනාවන්ට සාපේක්ෂව
සිහියෙන් දකින්නට ඔබට හැකිද?

ඔබ විඳින සංවේදනාවෙහි
සැබෑ ස්වරූපය ඔබට දැකිය හැකිද?


ඒ සංවේදනා පහළ වෙන අයුරු
පවතින අයුරු, බිඳී වියැකී යන අයුරු
ඔබ කවදා හෝ දැක තිබේද?

ඔබ රස විඳින අරමුණු පිළිබඳව
ඇසින් හෝ කණින් ලැබෙන උත්තේජනයන් නිසා
ඔබ කය තුළ පහළවෙන ප්‍රියජනක සංවේදනා
ඔබ හඳුනනවාද?

ප්‍රියජනක සංවේදනා විඳින්නට
දින ගණන් මාස ගණන් වසර ගණන් සිහින මවන ඔබ
ඒ සංවේදනා විඳින විට සැබැවින්ම දකින්නේ
ඔබට දැනෙන සංවේදනා වලින්
ඉතාම සුළු ප්‍රමාණයක්
බැව් ඔබ දන්නවාද?

ඔබ ඔබේ කයට කොතරම් සංවේදීද?

ඔබේ සංවේදී බවෙහි සීමාව තුළ
හුස්ම නාසයෙහි ස්පර්ශ වෙන බව දැනෙනවාද?

ඔබේ කයෙහි ඇඳුම ස්පර්ශ වෙන බව
දැනෙනවාද?

ඔබේ සමෙහි ස්පර්ශවෙන සියල්ලෙන්
ඔබ දකින්නේ කොතරම් සුළු ප්‍රමාණයක්ද?

ඔබ පෙරුම් පුරා රස විඳින දේවල් වලින්
ඔබට සැබැවින්ම ලැබෙන රසයෙන්
ඔබ විඳින්නේ කොතරම් සුළු ප්‍රමාණයක්ද?

ඔබට මේ පරාසය වැඩි කරගත නොහැකිද?

ආශ්වාස ප්‍රශ්වාසය දැනෙන තරමට ඔබේ සිහිය සියුම්ද?

ආශ්වාස ප්‍රශ්වාසය නොදැනෙන්නේ
ඔබේ සිහිය ගොරෝසු නිසාද?

ඔබේ ගොරෝසු සිහිය
ඔබේ රස වින්දනයට බලපානවා.

ආශ්වාස ප්‍රශ්වාසය දැනෙන තරමට
ඔබේ සිහිය සියුම් වුවහොත්

ඔබේ සංවේදී බව වැඩි නොවෙයිද?

අවසිහිය සිහිය බවට පෙරළාගෙන
සිහිය පිහිටුවා ගත් තරමට
ඔබට ලැබෙන තොරතුරුවලින්
ඔබ ග්‍රහණය කරගන්නා ප්‍රමාණය
වැඩිවෙනවා නොවේද?

සැබෑ ජීවත්වීම
ඔබ තුළත් පිටතත් සිදුවෙන සියලු දේට
තෝරාගැනීමකින් තොරව සංවේදී වීමයි.



Best Short films විශිෂ්ඨ කෙටි චිත්‍රපට


විනාඩි කිහිපයක් තුළ
කිසියම් සත්‍යයකට අපේ සිත් විවරකරන
විශිෂ්ඨ කෙටි චිත්‍රපට කිහිපයක් නරඹමු.

==========================================

  "මා  යදින්නේ මසුරෙකුගෙනි...."


" ඔහේ ඇවිදිමි, දෙපා විරියෙන්
මසුරෙකුගෙනි, මා යදින්නේ
වැඩ කරන්නට මහළු වැඩි මා,
මියෙන්නත් බිය ඇත්තෙමි.

එකම දිනකට නිවාලන්නට
නොහැකි නම් කුස ගිනි මගේ
මා දයාබර දෙවිඳුනේ,
හිඟන්නෙකි මා මෙන් නුඹත්.."
.
 ජරාව කෑම
ඉන්දියාවෙ පොලිසියෙත් විශාල ප්‍රශ්නයක්.
ඉතාම මානුෂික හා සානුකම්පිත අයුරින්
හැම චරිතයකටම සාධාරණය ඉටුවන අයුරින්
ඉතාම සංයමයෙන් නිපදවා ඇති
මෙම කෙටි චිත්‍රපටිය
මිලකළ නොහැකි දියමන්තියක්.

සැබෑ හිඟන්නා කවුද?

===========================================================

  =====================================================

.

=====================================================

  =================================================

ඇයි අපි වයසට ගිහින්,
ලෙඩ වෙලා දුක් විඳලා මැරෙන්නෙ.
ගහකින් කොළයක් ගිලිහෙනවා වගේ
සැනසිල්ලෙ මැරෙන්න බැරි ඇයි..

  ===========================================

පුතු සෙනේ පිතු හද තුළම මිස
නැත පුතුන් හද තුළ රඳන්නේ.

 

  =============================================

අද ඔබ සා පිපාසා විඳින්නට
අතීත හේතුව කුමක්ද? 

  ============================================

ජීවිතයෙහි පරිපූර්ණත්වයද, ඔබේත් අරමුණ.?

.

 =============================================

 අද ඔබට ලැබෙන අවස්ථාවන්
ඔබ උපයෝගී කරගන්නා ආකාරය
ඔබේ අනාගතය තීරණය කරයි.

   =============================================
ඔබ ඔබේ දෙමව්පියන්ට අකමැතිද?

ඔබේ ධනවත් බවෙහි ප්‍රතිමූර්තිය
ඔබ සතු ධනය නොවේ.
ඔබ පරිත්‍යාග කරන ධනයයි..

 

   =============================================

දකින හැම වරකම කඳුලෙන් දෑස් තෙත් කරන සලරුවක්.

දයාවෙන් යුතුව
තබන පුංචි පියවරක්
අනන්තවූ තරංග ජනිත කරවයි..
ඔබ වෙත යළිදු පැමිණෙන...

 

 =============================================

පසන් සිතින් ඔබ කියන කරන දේ
සෙවනැල්ලක් ලෙස ඔබ පසු පස පැමිණෙයි.
--------- බුදුන් වහන්සේ ---------

 =============================================

 

  =============================================

 

=============================================

 

  =======================================

  මේ පියාට අනුකම්පා කළ යුතුයි..
ඔහු ආදරණීය පියෙක්...
හොඳ පියෙක් නොවෙයි..
පව්කාර පියෙක්..

ඔහු ආදරණීය පියෙක්...
ඒත් ඔහුට ගරු කරන්න බෑ.
ඔහු බාලයෙක්..
ඔහු බොරු කියන කෙනෙක්..
ඔහු තමන්ගේ දියණියට
බොරුව සාධාරණීකරණය කරන්න
උගන්වන කෙනෙක්..
දරුවා නොමග යවන පියෙක්..

  ==============================================

සොඳුරු සිත් ඇති කාන්තාවෝ සුන්දරයි..

=========================================

සැබෑවිය හැකි නිසා..
සිහින මවන්නේ පරිස්සමෙන්


WINNER - 2010 Australian Effects and Animation Festival
NOMINEE - 2009 Australian Film Institute Award. Best Visual Effects
WINNER -- 2009 Visual Effects Society Award, LA, USA
FINALIST -- 2008 Best Tertiary Short Fiction, Enhance TV ATOM Awards, Australia
WINNER -- 2008 Best Short Sharp Short, In The Bin Festival, Australia
SILVER -- 2008 ACS Victoria/Tasmania, Short Fictional Drama Australia,
Official Selection - Palm Springs, USA;

  ==================================================

  අසීමාන්තික

  .

  ===============================================

  අපූර්ව කතන්දරයක්...

===========================================================


 

දරුවාට ලිංගික අධ්‍යාපනය අවශ්‍යද.???




මිනිසාත් ඇතුළුව කිසිම සතෙකුට
ලිංගික දැනුම දෙන්න ඕන දෙයක් නොවෙයි.
දරුවාට ලබා දිය යුත්තේ කාම අධ්‍යාපනයයි.

දරුවා පුහුණු විය යුත්තේ
ඔහු ලිංගිකව පොළඹවන කාමය 
මනාව හසුරුවා ගැනීමේ ක්‍රමවේදයි.

නිසි කල පැමිණෙද්දි අවශ්‍ය දේ ඉගෙන ගන්නවා.
රස කෑමට කෑදර අය කෑම රස කරන ක්‍රම
කෑම ගන්නා ක්‍රම හදාරනවා වගේ
දරුවාට ලිංගික අධ්‍යාපනය දිය යුතුයි
කියලා කියන්නෙ
 කාමාතුර වැඩිහිටියන්.

ඔබත් ලිංගික අධ්‍යාපනය අවශ්‍යයි
කියා හිතන වැඩිහිටියෙක් නම්
ඔබ තුළ ඇති රාගය, කාමඡන්දය
සමාජයේ අනෙක් අයට වඩා වැඩියි නේද
කියා විමසා බලන්න.


ඔබ ඉඳුරන් පිණවීමට
අන් අයට වඩා කැමති ඇති..

ඉඳුරන් පිණවීමට  කැමති මනසක් ඇති අය විසින්
නිර්මාණය කරන
අධ්‍යාපන ක්‍රමයක් තුළින් බිහිවෙන්නෙ
ඔවුන් වැනිම කාමාතුර දරුවන්..

කුසගින්න ඉවසන්න, වෙලාවට කෑම කන්න,
හිතකර කෑම තෝරාගන්න උගන්වනවා වෙනුවට
ඔවුන්ට ඉගෙනගන්න ලැබෙන්නේ
රස කෑම සොයාගන්න ආකාරය,
ඒ කෑම තව තවත් රස කරගන්නා ආකාරය
ආදී කාමයෙන් සිත පිනවන ක්‍රමයි.

 ලිංගික අධ්‍යාපනය අවශ්‍යයි
කියා හිතන වැඩිහිටියන් සිහින මවන්නේ
එවැනි රස වින්දනාත්මක ක්‍රමවේද සහ
ගැබ් නොගෙන කාමයෙහි හැසිරෙන ක්‍රමවේදයන්.

ඕනෑම අධ්‍යාපන ක්‍රමයක් නිවැරදිව හදාරා
සමත්වන්නේ සුළුතරයක් බව
වැඩිහිටියන්ට අමතක වෙනවා.

කාමය ස්වභාවිකයි.
නිසි ප්‍රමාණය හානිකර නෑ.
වැඩියෙන් ගැනීම හානිකරයි.


කාමයෙන් මිදුණත්
තනි පුද්ගලයෙකුට නම්
යහපතක් විනා අයහපතක් වෙන්නෙ නෑ.
ස්වකැමැත්තෙන්, ස්වයං තීරණයෙන්
කාමයෙන් ඈත්වෙන පුද්ගලයාට
ගරුකරන සමාජයක් එදා තිබුණා.
අද බහුතරයක් කාමයෙන් ආතුර වීම නිසා
කාමයෙන් ඈත්වීම මානසික රෝගයක්
බෙලහීනතාවයක් ලෙස දකිනවා.
මානසික රෝගී තත්වය නම්
කාමාතුර වීමයි.
ප්‍රතිකාර අවශ්‍ය ඔහුටයි.


මිනිසා සමාජීය සත්වයෙක්.
ඔහු සමාජය ගැන සිහියෙන්,
තමන් ගැන සිහියෙන්
බැහැරින් සහ අභ්‍යන්තරයෙන් එන
පෙළඹීම් වලට නතු නොවී
ඒ පෙළඹවීම්වලට උපේක්ෂාවෙන්
සංයමයෙන් හැසිරිය යුතුයි.
ඔහුගේ මූලික අධ්‍යාපනය විය යුත්තේ
සමාජයත් තමාත් ආරක්ෂාවෙන විදියට
සමාජයෙහි විසීමයි.

දරුවා ලිංගිකත්වයට පොළඹවන්නේ
කාමයට ඇති කැමැත්ත නිසා
අධ්‍යාපනය දිය යුත්තේද
කාමය පිළිබඳවයි..

දරුවන්ට කාම අධ්‍යාපනය දීමේදී
පිර්මි දරුවන්ට සහ ගැහැණු දරුවන්ට දිය යුතු
අධ්‍යාපනය වෙනස් විය යුතුයි.


ගැහැණිය පොළඹවන සත්වයායි.
පිරිමියා පෙළඹෙන සත්වයායි.
සතුන් අතර මෙන් නොව
මිනිස් සමාජය තුළදී
එක ගැහැණියක විසින් පොළඹවන පිරිමියෙක්
පෙළඹවූ ගැහැණිය නැති තැන
වෙනත් ගැහැණියක් ගොදුරු කරගන්නට පුලුවන්.

ගැහැණු දරුවන් පෙළඹවීමේ ක්‍රියාවෙනුත්
පිරිමි දරුවා පෙළඹීමට ගොදුරු වීමෙනුත්
නැවත ගැහැණු දරුවා,
පෙළඹුණු පිරිමින්ගෙන් තමා රැකගැනීමටත්
වැඩිහිටියන් විසින් පුහුණු කළ යුතුයි.

සමාජයට හානියක් නොවෙන්න
ලිංගික අවශ්‍යතාවය පාලනය කරගන්න
කායිකව වැඩෙන්නට පෙර සිටම
පිරිමි දරුවන්ට කායික සංවරය
පුහුණු කළ යුතුයි

ස්ත්‍රීන්ගේ පෙළඹවීම් වලින් ගිනිකණ වැටී
ඔවුන් පසුපස උමතුවෙන් නොදුවන්නට
එවැනි අවස්ථාවන්ට පත්වෙද්දීම
පිරිමි දරුවා පුහුණු කළ යුතුයි.

ගැහැණු දරුවන්ට නම්
සමාජයෙන් තමාට හානියක් නොවෙන විදියට
මානසිකව සංවරතාවය පුහුණු කළ යුතුයි.

පිරිමින් ආකර්ෂණය කරගන්නට
ඔවුන් තුළ ඇති ස්වාභාවික අවශ්‍යතාවය
ඔවුන් තුළ ක්‍රියාත්මක වන ආකාරය
ඒ අවස්ථාවලදීම
ගැහැණු දරුවන්ට පෙන්වා දිය යුතුයි.

ඒත් සමාජයේ සිදුවන්නේ
තමන්ට හෝ දරුවාට හානියක් නොවෙන නිසා
පිරිමි දරුවන්ගේ කාමුක ගවේෂණයන්
නොදුටුවාක් සේ මුනිවත රැකීම සහ
ගැහැණු දරුවා පමණ ඉක්මවා
ආකර්ෂණීය කිරීමයි.

දරුවෙකුට කුඩා කල ගැටලුවක් නොවෙන දේ
වැඩෙන විට හානිකර විය හැකියි.
එදාට දරුවා ඇබ්බැහි වී සිටියොත්
ගැලවීම ඉතාම අපහසු වෙනවා.

ස්ත්‍රී දූෂකයෙකු අතින් හෝ සියතින්ම 
ඔහුගේ දිවි තොර විය හැකියි..

දරුවන් අනතුරට පත්වෙන ප්‍රතිශතය
රටේ ජනගහණයට සාපේක්ෂව බලා
සිත සනසා ගැනීම ඉතාම අවදානම්.

මහමග ලක්ෂ ගණනක් වාහන
ඉහළ පහළ යනවා.
හදිසි අනතුරක් වන්නේ ඉතාම කලාතුරකින්.
ඒත් හැම රියදුරෙක්ම
ඊළඟ මොහොතේ අනතුරක් විය හැකිය යන
පූර්ව සූදානමින් රිය හැසිරවිය යුතුයි.

නිතර ජනමාධ්‍ය තුළ වාර්තාවෙන
ලිංගික අපහරණ, කාම අපරාධ සහ
කාමය පාදක කරගත් පහරදීම්, ඝාතන
දරුවන්ගේ අවධානයට යොමු කළ යුතුයි.
ඒ ප්‍රවෘත්ති පිළිබඳව
වැඩිහිටියන් තුළ ඇතිවෙන බිය,
පිළිකුළ ආදී හැඟීම්
දරුවන් දැකිය යුතුයි.

ඇස කණ දිව ආදී ඉඳුරන් පවා
පිණවීමේදී පාලනයකින් යුතුව,
සංයමයකින් යුතුව කරන්නට,
දරුවා පුහුණු කළ යුතුයි.
ඔහුගේ උවමනාව දැඩි නම්
ඒ උවමනාව පාලනය කරගන්නට
පරිසරය සකස්විය යුතුයි.

පාලනයෙන් තොරව සමාජයේ හැසිරෙන්නේ
පාලනය නොකරන දරුවායි.
ඔහු නිසි ලෙස පාලනය කරගන්නට නම්
ඔබ ආත්ම දමනය හුරුවිය යුතුයි..

දරුවා අධ්‍යාපනය ලබා පුහුණුවෙනතුරු
ඔහු රැක ගැනීම ඔබේ පළමු වගකීමයි.
සමාජය කියන දේට යටත් නොවී
දරුවා රැකගන්නට ඔබට ශක්තිය අවශ්‍යයි..
සමාජය හිතන දේ නොව
දරුවා මුහුණ දෙන අවදානම සිහිපත් කරන්න.

ඉහත කී සියල්ලටම වඩා
දරුවා හොඳ නරක ඉගෙන ගන්නේ
ඔහු සමග නිතර ගැවසෙන
වැඩිහිටියන්ගෙන් බව අප සිහිකළ යුතුයි.

දරුවා වෙනස් වනවිට
ඔහු ඇසුරු කරන අය අතර
ඒ වෙනස ඇත්තේ කා තුළද සොයා
ඔහුගේ වෙනස හොඳ නම් වැඩෙන්නටත්
නරක නම් පොරවෙන් කපන තැනට නොතබා
නියපොත්තෙන්ම කඩා දමන්නටත්
අප උත්සුක විය යුතුයි.

දරුවා වෙනුවෙන් වැඩිහිටියන් නැති කරගන්න.
ඔවුන් නැතිවීම ඔබට දැනෙනවාට වඩා
දරුවා නැතිවීම ප්‍රබලව දැනේවි.

කවදාවත් කිසිවෙකුට
නිවැරදිව දිය නොහැකි
ලිංගික අධ්‍යාපනය ගැන
විසිතුරු සිහින මවමින්
දරුවා අනතුරක වැටෙන තුරු
නෙත් වසාගෙන හිඳීම අවදානම්.