20140304

3 වසරෙ පුතාට කෙල්ලෙක් ලයින්....



මගේ පුතා ඉන්නෙ 3 වසරෙ...
මේ දවස්වල කෙල්ලෙක් පුතාට ලයින්.
මලක් ඇඳල පුතා හොඳයි කියල ලියල
කොළයක් දීල තිබුණා.

ඉතින්
පුතාට ප්‍රේමය විවිධ කෝණ වලින්
හඳුන්වා දීම වරින් වර කළා..

පුතා කොල්ලෙක් නිසා බය වෙන්න දෙයක් නෑ..
යාලුවෙක් විදියට ඇසුරු කළාට
පුතාට ප්‍රශ්නයක් වෙන්නෙ නෑ..
ඒත් ඕනවට වඩා හිතට අරන්
මතක් කර කර රස විඳින්න ගත්තොත්
ප්‍රශ්නයක් වෙයි කියල
මම පුතාට කිව්වා..

පුතාට වඩා හොඳ
වෙන කොල්ලෙක් හමුවුණොත්
එයාට ඔයාව මතක නැති වෙනවා.
ඊට පස්සෙ
විරහ ගී ගයන්න තමයි වෙන්නෙ...
කියල කිව්වම 
කොල්ලා අහනවා ඒ මොනවද කියලා.

මට මතක් වුණේ,
මුලු හදින් මම ඇයට පෙම්කොට
අනාගත පෙම් සිහින මැව්වෙමි..
මගේ සොඳුරිය වෙනත් කෙනෙකුට
අයිති වෙන හැටි බලා දුක්වෙමි..
ටිකක් අතිශයෝක්තියෙන් රඟපාල පෙන්නුවා.

හිනාවෙවී අහගෙන ඉඳල
බිම බලාගෙන ඉවත්වෙලා ගියා.
ගේ පිටිපස්සට ගිහින්
බිම ඇණතියාගෙන වාඩි වෙලා
බිම ඉරි ඇඳ ඇඳ හිටියලු..

මම ගෙන්නල ඇහුවා..
මොනවද ඉගෙන ගත්තෙ කියල..
කෙල්ලො පැත්තෙ නොයන්න.. කිව්වා.
ඇයි කියල ඇහුවාම
තාත්ත දඬුවම් කරාවි කිව්වා.
මම කිව්වා මම දඬුවම් කරන්නෙ නෑ..
හැබැයි ඒ කෙල්ලගෙ තාත්ත ඇවිල්ල
ඔයාට ගැහුවොත් මම බේරගන්නෙ නෑ..
මම වචනයක්වත් කියන්නෙත් නෑ, කියල.

එයාල මාව තියා ගනීවිද කියල ඇහුවා.

මම කිව්වා ඒක වෙන්නත් පුලුවන් කියලා.
මම දැනුවත්ව එහෙම දෙයක් වෙලා තියනවා..
හොඳ කෙල්ලෙක් හිටිය කෙනෙක්
කෙල්ලෙක් ආයතනය ඇතුළෙ
කලන්තෙ දාල වැටිලා
වාහනේට උස්සගෙන ගියා.
ඔහුගෙ ඒ කෙල්ල එක්ක
සම්බන්ධයක් ඇති වුණා.
ඇගේ මාමලා ඔහුට ඇයව
බලෙන් බන්දලා දුන්නා.
මම ඒ අව්ස්ථා දෙකම දැක්කා.
මම ඒ කතාවත් පුතාට කිව්වා.

අලුත් කතාවත් කිව්වා.
බැරි වෙලාවත් ඒ කෙල්ල දිවිනසාගත්තොත්
කට්ටිය ඇවිල්ලා ඔයාව මරන්න හදාවි කියලා.
ප්‍රින්සිපල් බැනලා දිවිනසා ගත්තා කියලා
කට්ටිය එයාව කන්න හදපු විදියට
ඔයා නිසා කෙල්ලෙක් දිවි නසා ගත්තොත්
ඔයාව මරන්න ඒවි.. කියලා.

පුතා ඇහුවා ඇයි එහෙම කරන්නෙ කියලා.

ලස්සණ කෙල්ලෙක් නිසා
මිනිස්සුන්ට කාමච්ඡන්දය ඇතිවෙන විදිය.....
ඔවුන්ගේ කාමච්ඡන්දය ඇතිකළ කෙනාට
හානියක් වුණාම
ඔවුන්ට ව්‍යාපාදය ඇතිවෙන විදිය...
ඒ ව්‍යාපාදය නිසා
ඔවුන් ළඟම ඉන්න කෙනා පිටින්
ඒ ව්‍යාපාදය නිදහස් කරන විදිය, පළිගන්න විදිය
මම එයාට තෝරලා දුන්නා...

ඉතින් දවසක ඔයා පස්සෙනුත්
ඒ වගේ පිරිසක් එන්න පුලුවන්..

මේ කාලෙ හැටියට වෙන්න පුලුවන්...

ස්වීප් ගන්න හැමකෙනාටම ඇදෙන්නෙ නෑ.
ඒත් ඇදෙන කෙනා පුතා වෙන්නත් පුලුවන්...

මම අන්තිමට කිව්වා
ඒ හින්දා හොදට වැඩ කරලා
වටිනාකම වැඩි කරගෙන
පිටරටකට ගිහින් හොඳට ජීවත් වෙන්න...
මම උදව් කරන්නම් කියලා.
පුතා මාව බදාගෙන ඇඬුවා..

හොඳට හිටියොත්
ඔයාට වරදක් වෙන්නෙ නෑ.
වරදක් වුණත් දුක් විඳින්න වෙන්න නෑ.

හිතෙන හැම දෙයක්ම නොකර...
හොඳ දේවල් තෝරගෙන කරන්න....
කියල ඉවර කළා.